Во Прилеп се одржува осмиот „Крали Марко“ болдеринг фестивал - Канал 5

Забава

Во Прилеп се одржува осмиот „Крали Марко“ болдеринг фестивал

Преку 60 болдеристи од земјава и од Словенија, Германија, од Австрија викендов учествуваат на осмиот „Крали Марко“ - болдеринг фестивал во Прилеп. Тие ги искачуваат карпите кај Марковите Кули, особено познатата дестинација, карпата „Камена Баба“.

Во Прилеп се одржува осмиот „Крали Марко“ болдеринг фестивал

Според Ице Белакапоски од планинарското друштво „Златоврв“, организатор на Фестивалот, карпите околу Прилеп се позната дестинација на европската и светската мапа на атрактивни места за искачување.

- Традицијата продолжува. И овој пат имаме гости од неколку држави: Словенија, Германија, од Србија, Македонија, Австрија. Се надевам времето ќе не послужи и успешно ќе ја завршиме промоцијата на Прилеп како атрактивна болдеринг-дестинација. Прилеп го има местото на европската мапа, спортисти доаѓаат преку целата година. Атрактивна е и околината на манастирот Трескавец, вели Белакапоски.
Учесниците воодушевени од предизвикот што го нудат карпите за искачување. На Бојан Хриберник и Наташа Ржек од Словенија не им е прво учество на Фестивалот.
- Болдерингот во Прилеп е „закон“. Веќе шести пат сум тука. Супер е. Има многу карпи за искачување. Ми се допаѓа целиот амбиент: луѓето, храната. Затоа се враќам повторно. Ние сме алпинисти, ама болдерингот ни е страст, вели Хриберник.

Тошко Митрески од Македонија пет години се занимава со болдерингот. Прилеп е во 10-те топ дестинации а болдеринг.

- Болдерингот го одбрав зашто дава мир. Ме исполнува и по работата е совршена релаксација. Теренот е совршен и е во топ 10-те места во светот за искачување карпи, зашто карпите овозможуваат многу насоки за искачување, вели Митрески.

Спортистите утре ќе го завршат своето учество на „Крали Марко-болдеринг фестивалот“ во Прилеп. Жири комисија ќе ги бодира учесниците по што ќе бидат прогласени најдобрите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Ново задолжување од 92 милиони евра на 20 октомври, уште колку?

Државата повторно излегува на пазар да се задолжува. 92 милиони евра државни хартии на 20 октомври. 

СДСМ: Ново задолжување од 92 милиони евра на 20 октомври, уште колку?

Уште едно задолжување, уште една бројка, уште милиони.

Уште една дупка. Уште еден кредит што граѓаните ќе го враќаат.

Колку уште? Четири милијарди евра Мицкоски направи долгови за две години.

Половина од долгот од независноста. Втор ребаланс, трет најавен.

Секоја недела нови десетици милиони евра врз грбот на народот. Сега 92 милиони евра. Утре пак.

Арамијата Мицкоски полни дупки со нови задолжувања наместо да прави буџет за следната година.

Парите одат на криминални тендери, на Гета од 5,53 милиони, на провизии. Не на пензии. Не на плати, не за поголема минимална плата. Не за земјоделците.

Министерката Кочовска зборува за стабилна економија. Стабилна со 4 милијарди долг?

Стабилна кога три минимални плати не ја покриваат кошничката со ќирија за стан за едно семејство?

Стабилна кога младите се пакуваат и заминуваат?

Светска банка вели имаме третина од стандардот на ЕУ. Не трета економија во Европа. Третина од стандардот во ЕУ.

Задолжувањето не е развој. Задолжувањето е сметка за идните генерации.

Додека арамијата црта бајки, државата се задолжува. Народот плаќа.

Власта ќе се врати во рацете на граѓаните. Бандата ќе одговара. Пред независно судство и пред Лаура Ковеши.

Скопје, 16.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео-фото:Трет ден насилни протести во Тирана, 26 повредени

И третиот ден од протестите во Тирана беше проследен со насилство и судири со полицијата.

Видео-фото:Трет ден насилни протести во Тирана, 26 повредени

Маскирани демонстранти фрлаа камења, тврди предмети и огномет врз институциите.

Во инцидентите беа повредени 26 лица, а двајца полицајци се хоспитализирани. Полицијата употреби солзавец и водени топови за да ги растера демонстрантите.

Нападнати беа кабинетот на премиерот, Парламентот и повеќе министерства.Оштетени беа најмалку четири банки, продавници, киосци и други деловни објекти.за време на протестите беа запалени неколку киосци и две стражарници.

Меѓу нападнатите објекти беше и стражарницата на Амбасадата на САД во Тирана.

Најжестоки судири се случија пред кабинетот на премиерот Еди Рама.

Рама ја отфрли можноста за оставка, нагласувајќи дека владите се менуваат преку избори.тој изрази подготвеност за дијалог со студентите и за разгледување на нивните барања.

Протестите продолжија и во вечерните часови, оставајќи значителна материјална штета во главниот град.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зголемените тензии меѓу Зеленски и Трамп ќе бидат во центарот на вниманието денеска на вториот ден од самитот на ЕУ

Зголемените тензии меѓу Зеленски и Трамп ќе бидат во центарот на вниманието денеска, кога украинскиот лидер ќе се придружи на вториот ден од самитот на ЕУ.

Зголемените тензии меѓу Зеленски и Трамп ќе бидат во центарот на вниманието денеска на вториот ден од самитот на ЕУ

Лидерите на Европската унија се подготвени да се здружат и да го поддржат Зеленски во услови на жестока расправија со Трамп, чиј договор за дизел со Русија ја потресе алијансата.Трамп побара Украина да ги прекине нападите врз руските рафинерии за нафта,и го обвини за покачените цени на горивата.

Зеленски возврати, велејќи дека всушност војната на Трамп против Иран е одговорна за прекинот на испорака на горивата.

Зеленски вели дека се чувствува предаден од договорот за снабдување со дизел што Трамп ја склучи минатиот петок со Путин, иако Русија е под санкции.

Оттогаш, односите меѓу Зеленски и Трамп брзо се влошија. Трамп повика на нови избори во Украина, кои се забранети во воено време, додека Зеленски инсистира дека нападите врз руските рафинерии за нафта, кои Трамп го замоли да ги запре, ќе продолжат.

Се очекува лидерите на ЕУ, од кои многумина ги сметаат нападите со долг дострел како главна предност на Киев врз Москва, да ги зближат редовите зад украинскиот лидер за да прикажат заеднички фронт додека трансатлантската алијанса поминува низ уште една криза на единство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер