Во Прилеп се одржува карневалот „Прочка 2023“ - Канал 5

Забава

Во Прилеп се одржува карневалот „Прочка 2023“

По 21-пат во Прилеп се одржува карневалот „Прочка 2023“. 

Во Прилеп се одржува карневалот „Прочка 2023“

Над 500 маскирани со преку 20 групни маски дефилираа во центарот на градот. Карневалот, традиционално го отворија прилепските мечкари како заштитна карневалска маска. На булеварот „Гоце Делчев“ дефилираа мечкари, маски за каменото време, часовник кој отчукува, другарот Тито, забавувачи на штули,посетители од странство.

-Ние сме од Куратица, охридско. Дојдовме на карневалот во Прилеп со нашата маска. Имаме и кај нас карневалски свечености, ама се на Василица. Соработуваме со Прилеп. Нашата маска претставува доаѓањето на Тито во нашето село. Овде во Прилеп го носиме нашиот Тито, тука се и нашите селани и ќе направиме голема изведба, вели „офицерот“ Никола Аврамоски од Куратица, охридско.

Прилепското здружение „Прочкари“ кое ги зачувува културата и традицијата и годинава со своја оригинална маска. Велат маската претставува како се вршело на нивите во минатото; со волови и магариња.

Љупчо Николоски, член на здружението „Прилепски мечкари“ објасни дека силна е традицијата за мечкарите.

-Ја продолжуваме традицијата на прилепските касапи и маскирањето во мечкари. Касапите кои цела година колеле животни, на Прочка бараат прошка и оттука е долгата традиција на маскирање со сурати, клопотарци, со кожи од животните. А „суратите“ мора да бидат страшни, објаснува Николоски.

Како гостин, за првпат на карневалот е и Парис Анамитис од Грција кој, вели е воодушевен од атмосферата.

Доаѓаме од Кожани, Грција. Сме биле во Прилеп, ама на Прочка сме првпат, зашто слушнавме дека е многу интересно за карневалот. Многу е убаво, вели Парис Анамитис од Грција.

Прилепскиот градоначалник Борче Јовчески ја нагласува карневалската традиција за Прочка, но и простувањето.

- Да се проштева и да се бара прошка е голема човечка доблест. Така е и на Прочка, во името на традицијата мечкарите кои датираат уште од 30-тите години на минатиот век , ја одржуваме оваа традиција и покажуваме креативнос, сето во духот на традицијата и желбата помалиот да му прости на повозрасниот, рече Јовчески.

Ванчо Георгиев, претседател на здружението „Прилепски мечкари“ смета дека е голема улогата на мечкарите во одржувањето на традицијата и на карневалот.

- И годинава, како секогаш досега, прилепските мечкари го отворија карневалот. Годинава имамае преку 50 мечкари, а учесниците се над 500 од сите краишта на Макеоднија. Маските годинава се многу оригинални и имаат една цел - да ја одржат традицијата од овие простори која датира со векови, рече Георгиев.

Стручно жири ќе ги одбере најдобрите маски на годинашниов карневал, а прилепските мечкари ги покануваат сите на традиционален понеделничен посен грав во манастирот „Свети Ѓорѓија“ во близина на Прилеп. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хутите ја нападнаа Саудиска Арабија- десетици повредени (ВИДЕО)

Коалицијата предводена од Саудиска Арабија вети решителен одговор на бранот напади од страна на јеменските бунтовници Хути, поддржани од Иран, во кои утрово беа повредени најмалку 73 лица.

Хутите ја нападнаа Саудиска Арабија- десетици повредени (ВИДЕО)

Генерал-мајор Турки Ал-Малики, портпарол на коалицијата предводена од Саудиска Арабија, ги опиша нападите како „бесмислени“, велејќи дека силите на Хутите гаѓале „цивилни и комерцијални цели“ во градовите Абха, Хамис Мушаит, Џазан и Наџран.

И покрај напорите да се држи подалеку од војната со Иран предводена од САД, Саудиска Арабија беше цел на ракетни напади на Хутите во јули, со што заврши четиригодишното фактичко примирје меѓу бунтовничката група и саудиската монархија.

Јасно кршење на суверенитетот на кралството

Ал-Малики во соопштението изјави дека меѓу повредените во нападите има жени и деца. „Нападите претставуваат јасно кршење на суверенитетот на кралството и директна закана за безбедноста и заштитата на неговите граѓани и жители“, додаде тој.

Заедничката команда на коалициските сили, групата предводена од Саудиска Арабија што се бори против Хутите за време на повеќегодишната граѓанска војна во Јемен, ќе преземе „сите потребни оперативни мерки“ за да ги одврати силите на Хутите и „решително да се спротивстави на нивниот непријателски пристап“, потврди Ал-Малики.

„Командата, исто така, ќе ги преземе сите потребни мерки и активности за да одговори на изворите на заканата и да ја неутрализира нивната опасност“, објави тој.

Наср ал-Дин Амер, член на политичката канцеларија на Хутите поддржани од Иран, изјави на Телеграм дека „одговорот што е во тек и се спроведува во длабочина е многу поголем од она што се објавува на социјалните медиуми и е многу поширок по обем“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Се смирува западнонилската треска, нема нови примени на Инфективната клиника

Пет дена нема нови приеми на пациенти на Клиниката за инфективни болести, со западнонилска треска..

Се смирува западнонилската треска, нема нови примени на Инфективната клиника

Од Клиниката за Канал 5 потврдија дека денеска е пуштен пациент од Клиниката кои се лекувал повеќе од една недела и е во добра здравствена состојба..

Засега на Клиниката има седум пациенти со западнонилска треска, двајца се во тешка состојба и се во Одделот за интензивно лекување..

Осум пациенти починаа поради компликации од западнонилската треска и имале и други заболувања, сите се на возраст над 60 години..

Од Град Скопје најавија дека утре ќе се прскаат водните површини против ларави од комарци..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија протера десет руски дипломати, Захарова се закани: Одговорот ќе боли

Унгарската влада објави дека им наредила на 10 членови на руската дипломатска мисија да ја напуштат земјата поради активности што се сметаат за неприфатливи за дипломатите.

Унгарија протера десет руски дипломати, Захарова се закани: Одговорот ќе боли

Рускиот амбасадор бил информиран дека „според проценката на унгарските власти, 10 членови на руската мисија учествувале во активности во Унгарија што се неприфатливи за дипломатите според Виенската конвенција“, изјави министерката за надворешни работи Анита Орбан. Станува збор за меѓународен договор што го регулира однесувањето на дипломатите.

Министерката за надворешни работи, која не е во роднинска врска со поранешниот премиер Виктор Орбан, не прецизираше какви активности вршат или колку време имаат руските дипломати да ја напуштат Унгарија. Сепак, таа нагласи дека нејзината земја сака да одржува дипломатски контакти со Москва.

„Оваа одлука ја штити безбедноста и суверенитетот на Унгарија. Не подразбира прекин на дипломатските односи со Русија. Унгарија има намера да го продолжи потребниот дијалог, врз основа на меѓусебно почитување и почитување на правилата“, изјави Орбан во соопштението за медиумите.

Русите најавија дека ќе одговорат

Руското Министерство за надворешни работи објави во изјава за руската државна новинска агенција РИА Новости дека ќе одговори на протерувањето. „Одговорот на русофобичното лоби во Будимпешта ќе биде остар и болен“, изјави портпаролката на руското Министерство за надворешни работи, Марија Захарова, за ТАСС.

Унгарија ја донесе оваа одлука за време на мандатот на премиерот Петер Маѓар, кој ја презеде функцијата на почетокот на оваа година со ветување дека ќе ја прекине проруската политика на земјата. Претходникот на Маѓар, Виктор Орбан, беше сојузник на рускиот претседател Владимир Путин. Орбан постојано ги одложуваше или блокираше европските санкции против Русија и склучуваше енергетски договори со Москва.

Тагови: Унгарија дипломати

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер