Забава

Во Прилеп се одржа европско првенство во воздухопловно моделарство

Со прогласувањето на најдобрите поединци и екипи синоѓа на плоштадот „Александрија“ во Прилеп заврши Европското јуниорско првенство во воздухопловно моделарство што го организираа Воздухопловната федерација на Македонија и прилепскиот клуб „Феникс“, а се одржуваше од 25 до 29 јули.



На првенството учествуваа 80-ина натпреварувачи од 19 европски земји, кои се натпреваруваа во три категории на спортскиот аеродром кај Прилеп.

Според директорот на шампионатот Здравко Тодороски, организирањето на првенството е потврда на високите стандарди воспоставени лани кога се одржа Светското првенство во воздухопловно моделарство.

-Ланското искуство со организирањето на Светското првенство потврди дека сме одлични организатори. Првенствените натпревари учесниците ги одржуваа на спортскиот аеродром кај Прилеп кој има идеални услови и е еден од најдобрите на Балканот. Задоволни сме зашто се протече во најдобар ред. Учесниците се натпреваруваат во три категории Ф-1-А, Ф-1-Б и Ф-1-П. На ова првенство се покажа максимално присуство на наука, нови технологии, електроника, многу високи психо-физички карактеристики на спортистите што укажува дека во овој спорт секоја година се покажуваатсе поголеми врвни резултати, изјави Тодороски.

Претседателот на меѓународното жири, Јоже Чуден од Словенија нагласи дека ова е силен шампионат, а теренот е еден од најдобрите.

-Имавме три категории на летала. Едните се слободно летачки модели, едрилици, кои се влечат со конец, другата класа се модели со погон на гума, а третата се оние со мотор на гориво. Тука се присутни држави кои се лидери во овој спорт, како што се Русија, Украина, Израел, Полска, Романија и други. Ова е најсилен шампионат во Европа кој се организира за оваа сеозна во 2017 година. Овој терен е еден од најдобрите терени кои ги имам видено, се е чисто, нема никакви препреки, а тоа е многу значајно за праќањето и за враќањето на моделите, рече Јоже Чуден.

За менаџерот на македонската репрезентација Трајко Базерко сега е моментот на смена на генерациите во репрезентацијата.

-Имаме смена на генерациите, но тука се големите таленти кои постојано учат. Меѓу нив се нашите идни пилоти, вели Базерко.

Според учесниците, на првенството стекнаа големи искуства. Давид Липски од Полска вели дека сака да биде светски сениорски првак.

- Ова е креативно хоби. Татко ми ме научи да правам летала. Желба ми е да бидам светски сениорски првак и да станам инженер по аеронаутика, вели Липски.

Игор Босниевич од Русија на првенството ги зацврстил пријателствата и има одлични впечатоци.

– Имам 16 години. Моделарството го сакам зашто е одличен спорт со многу техника. Посебно задоволство е кога се управува со леталото и се вивнува во небото, вели Босниевич.

Тодороски најави дека и следното Европско првенство по две години ќе се одржи во Прилеп.

Македонија

Пуштен во употреба новиот парк на булеварот „Февруарски поход“ во Аеродром

Во пресрет на големиот христијански празник Велигден, со интонирање на македонската химна и подигнување на македонското знаме, денеска официјално беше пуштен во употреба новиот парк лоциран на булеварот „Февруарски поход“ во Општина Аеродром.

На денешниот настан присуствуваше градоначалникот на Општина Аеродром, кој заедно со претседателот на советот Дејан Митески, извидниците и дечињата од детската градинка „Буба Мара“, го означија крајот на изведбата на еден важен проект реализиран од страна на општинското јавно претпријатие за комунални дејности.

Работните активности опфатија целосно хортикултурно и партерно уредување, поставување на нова урбана опрема, како и јарбол со македонското знаме.

Македонија

Маричиќ: Сега е потребно да дадеме глас ЗА продолжување на преговорите со ЕУ

ЗА реформи, ЗА европски фондови, ЗА европска иднина на Македонија.

Секретарот за меѓународна соработка на СДСМ и кандидатот за пратеник Бојан Маричиќ во својата изјава за медиуми посочи дека СДСМ е најсериозната и единствената политичка опција во Македонија која може да обезбеди продолжување на преговорите со ЕУ.

Во продолжение проследете ја изјавата:

"Со отворање на поглавјата, со сплотеност и со дисциплина за реформите, влегуваме во финиш на промените кои ни носат европски стандарди и европски квалитет на живот. Преговорите ни носат задолжително реформирање на јавната администрација и подобрување на стручноста на државните службеници.

Стабилен и доверлив судски систем, заштита на човековите права и борба против корупција. Ова ќе го обезбедиме низ преговорите, со помош од ЕУ. Со отворање на поглавјата се отвораат и нови фондови на ЕУ за подобрување на нашиот живот. Фондови за економски мерки, за земјоделство, за инфраструктура, за животна средина, за култура, за образование, за млади и уште многу повеќе.

До крајот на 2025 година очекувам за македонското општество, за граѓаните и за државата, да искористиме околу 500 милиони евра од ИПА2 и уште 200 до 300 милиони евра од ИПА3, пари доделени од Европската Унија.

За македонските земјоделци имаме над 210 милиони евра годишен од ИПАРД 3 за следните четири години.

Сега зависи само од нас. Сега е потребно да дадеме глас ЗА продолжување на преговорите со ЕУ, ЗА реформи, ЗА европски фондови, ЗА европска иднина на Македонија." - изјави Маричиќ.

Македонија

Стоилковски: Дали предметот на ЈО е одговорот како Каевски стекна стан и 4 милиони во банка?

Дарко Каевски ниту еднаш не одговори во јавност,како со првото вработување, како партиски подмладок за директор на АМС, на 30 години набилда четири милиони во банка и сопствен стан?

СДС ниту еднаш не објасни како дојде до концептот голтари влезени во политиката, а потоа милионери.

Почитувани, одговорот можеби е во предметот на ЈО.

Предметот на ЈО за работата на Дарко Каевски како директор на АМС можеби е и поттикот тој толку ревносно да настапува против членови и раководството на ВМРО-ДПМНЕ, најгласен во нападите и ширењето дезинформациите, но можеби е и причина за неговиот рапиден раст во СДС, до пратеник и портпарол.

Отпочната е постапка за сомневања за противзаконско работење и злоупотреба, дека спортските федерации, клубовите и спортистите добивале ваучери, а одредена фирма ги реализирала под услов дел од парите потоа да ги добие назад преку даночно ослободување.

Почитувани, Македонија тоне во корупција и криминал, тоне во партизација, ликови како Дарко Каевски стануваат милионери, а неговите врсници се иселуваат од татковината.

Почитувани, со вашиот глас за ВМРО-ДПМНЕ на изборите, ќе гласате ваквите ликови како Зоран Заев, Ковачевски, Венко Филипче, и нивните наследници како Дарко Каевски, да им биде испитан имотот и да одговораат за евентуални злоупотреби.

Промените се во Твои раце, Македонија повторно твоја!

Наум Стоилковски, портпарол на ВМРО-ДПМНЕ

притисни ентер