Во Полска се формира „зомби влада“, се очекува да трае 14 дена - Канал 5

Кошарка

Во Полска се формира „зомби влада“, се очекува да трае 14 дена

 Полскиот претседател Анджеј Дуда официјално го назначи актуелниот премиер Матеуш Моравјецки (ПиС) за претставник на новата влада. Иако премиерот веќе презентираше министерски решенија, се предвидува дека владата ќе има рок од 14 дена.

Во Полска се формира „зомби влада“, се очекува да трае 14 дена

Моравјецки и неговата партија Право и правда (ПиС) загубија на општите избори на 15 октомври од коалицијата на опозициските партии предводена од Доналд Туск. Иако ПиС е најголемата група во новото свикување на Парламентот со 191 пратеник, опозициските партии имаат вкупно 248 пратеници, што е доволно за формирање влада.

Сепак, претседателот на Полска, кој е наклонет кон ПиС, инсистираше на Моравјецки да му се даде можност да се обиде да формира влада.

„Го исполнуваме уставниот обичај назначувајќи влада што ја претставува групацијата што победи на парламентарните избори. Со радост гледам на премиерот и министрите“, рече Дуда за време на церемонијата во понеделникот.

Меѓутоа, претседателите на Горниот и Долниот дом на Парламентот, кои не се појавија на церемонијата, покажаа дека именувањето на Дуда всушност било фарса.

По формирањето на владата, Моравјецки има рок од две недели да се обиде да ја добие довербата од Парламентот за владината програма. Ако тоа не успее, тогаш Парламентот ќе може да избере кандидат за премиер, улога која најверојатно ќе му припадне на Доналд Туск.

„Владата на премиерот Доналд Туск, во смисла на структура, е 100 отсто завршена“, изјави еден од членовите на Граѓанската коалиција на Туск.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во Вашингтон на средби со американски конгресмени: Фокус на стратешкото партнерство

Со средби со конгресмени, премиерот Мицкоски ја почна посетата на Соединетите Американски Држави..

Мицкоски во Вашингтон на средби со американски конгресмени: Фокус на стратешкото партнерство

Мицкоски прво оствари средба со претседателот на Поткомитетот за Европа во комитетот за надворешни работи на претставничкиот дом на САД, Кит Селф, а на средбата како што информира Мицкоски на фејсбук, разговарале за значењето на стратешкото партнерство меѓу Македонија и САД, за заедничките интереси и за можностите за понатамошно продлабочување на соработката.

На средбата со конгресменката Клаудија Тени, инаку копретседавач на македонската група за пријателство во конгресот на САД, се разговарало за традиционално силните и пријателски односи меѓу двете земји, како и за значењето на парламентарната соработка и размената на искуства меѓу двете земји..

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со мала до умерена локална облачност

Времето денес според Управата за хидрометеролошки работи ќе биде сончево со мала до умерена локална облачност.

Сончево со мала до умерена локална облачност

Ќе дува слаб до умерен ветер претежно од југоисточен правец. Минималната температура ќе биде во интервал од 8 до 16, а максималната ќе достигне од 25 до 32 степена.

Во Скопје, сончево со мала облачност. Ќе дува слаб ветер од променлив правец. Минималната температура ќе се спушти до 13, а максималната ќе достигне до 31 степен.

УХМР најавува дека до сабота ќе се задржи стабилно време. Во недела ќе има повремени врнежи од дожд и наместа услови за нестабилност со пороен дожд, појава на грмежи и засилен ветер. Локално пообилни врнежи се очекуваат во понеделник. Од вторник поради продор на постуден воздух од север ќе има опаѓање на дневната температура

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Нема активни пожари, по контрола се двата во Јасен и Новаци

Во изминатото деноноќие во земјава се регистрирани вкупно 16 пожари на отворен простор, од кои два се под контрола, а 14 се целосно изгаснати. 

ЦУК: Нема активни пожари, по контрола се двата во Јасен и Новаци

Во моментов нема активни пожари, соопшти Центарот за управување со кризи (ЦУК).

Под контрола се пожарите кај селата Белица и Јасен, како и кај Рапеш и Маково во Општина Новаци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер