Во Париз празникот 11 Октомври се одбележува со два културни настани

Амбасадорката Чаушевска Димов истакна дека „овие уметничко-педагошки проекти ги збогатуваат и продлабочуваат врските меѓу младите“.

Празникот 11 Октомври во Париз се одбележува со два културни настани, со концертот организиран во рамките на Проектот за соработка меѓу Општинскиот Конзерваториум на Ливри-Гарган, ДМБУЦ „Илија Николовски-Луј" и ЗМП Полихимнија од Скопје и изложбата „Омеѓени приказ(н)и" од проф.д-р Тони Васиќ, во Амбасадата на Македонија во Париз, јави дописникот на МИА.

Синоќа, на покана на градоначалникот на општината Ливри-Гарган, Пјер -Ив-Мартан, амбасадорката Јадранка Чаушевска Димов присуствуваше на концертот организиран во рамките на Проектот за соработка меѓу Општинскиот Конзерваториум на Ливри-Гарган, ДМБУЦ „Илија Николовски-Луј" и ЗМП Полихимнија од Скопје, инициран и подготвен од директорката на Конзерваториумот проф. Елена Стојческа и проф. Наташа Еленова од ДМБУЦ „Илија Николовски-Луј".

Покрај учеството на македонските флејтистки Богдана Бушевска и Елена Стојческа, поради здравствените мерки на сила во Франција, ДМБУЦ „Илија Николовски-Луј" се вклучија на концертот преку видео-врска.

Во своето кусо излагање, амбасадорката Чаушевска Димов истакна дека „овие уметничко-педагошки проекти ги збогатуваат и продлабочуваат врските меѓу младите"(…), а „поддршката на меѓунардни проекти од областа на образованието и културата претставува поддршка и негување на европските вредности, каков што е мултикултурализмот".

Овој музичко-педагошки проект ќе биде заокружен со одржување мастер-класови со учениците од ДМБУЦ „Илија Николовски-Луј", до крајот на годината.

Исто така, учениците од Конзерваториумот на Livry-Gargan, вечерва, ќе учествуваат со музичко интермецо на отворањето на изложбата „Омеѓени приказ(н)и" од проф.д-р Тони Васиќ, во Амбасадата на Македонија во Париз.

Во Кочани и Чешиново-Облешево в сабота ќе гласаат 322 болни и изнемоштени

За гласање се пријавиле и 15 лица кои се во изолација поради Ковид-19.

Уште 84 болни и изнемоштени лица од Кочани поднеле барање до Општинската изборна комисија за да гласаат во домашни услови на вториот круг од локалните избори за градоначалник. За гласање се пријавиле и 15 лица кои се во изолација поради Ковид-19.

Од Комисијата информираа дека од вкупниот број поднесени пријави прифатени се 68, а останатите се одбиени поради неисполнети услови. Заедно со новопријавените, в сабота ќе гласаат уште 157 лица од вкупно 160, колку што ги имаше во првиот круг. Во меѓувреме три лица починале, поради што бројот на гласачи е намален.

Во Чешиново-Облешево поднесени биле 36 нови пријави од болни изнемоштени, а ОИК прифатила 33 барања од нив, како и за пет лица кои се во ковид изолација. Во првиот круг беа прифатени пријавите за 64 болни и изнемоштени. Сепак, од Комисијата истакнаа дека еден ден порано за избор на градоначалник во оваа општина ќе гласаат 95 лица, со оглед што две од нив починале меѓу двата изборни круга.

Во Кочани има вкупно 63 избирачки места, а в недела ќе се гласа на 60 локации, со оглед на тоа дека три места се со помалку од десет запишани избирачи кои ќе гласаат во соседното најблиско избирачко место. Во Чешиново-Облешево пак, ќе се гласа на 13 избирачки места, од кои две се во село Чешиново, а по едно во останатите населени места во општината. /МИА

Судење за „Плацеви на Водно“–сведок кажуваше како се купувале плацеви и станови

Александар Ивановски познат како Алек Теранова во Кривичниот суд сведочеше како биле купувани „Плацовите на Водно“ за истоимениот случај, но и станови на улицата Бихаќка, каде што живееше експремиерот Никола Груевски.

Тој во судницата раскажуваше дека бил замолен од обвинетиот Сашо Мијалков да ја основа фирмата „Синах Инженеринг“, фирма ќерка на кипарска офшор компанија, за која подоцна дознал дека управител бил обвиентиот Ристо Новачовски, а потоа и да помогне при купопродажбата на плац на Водно од 11 000 метри квадратни по цена од милион ипол евра, имот за кој Мијалков му тврдел дека е за негов пријател.

„На барање на Сашо. Ми кажаа дека е дозволена градба на неколку индивидуални куќи. Во 2015-та година кога излегоа бомбите тие плацеви се споменуваа во неколку наврати. Во тој момент разговарав со Сашо. Му реков – јас мислев плацевите се за тебе, а стварно не биле за тебе. Се споменуваше името на Никола Груевски. Тој кажа, да, гледаш дека не сум те лажел, ставрно не се за мене.Во 2015-та година од медиумите дознав дека овие палцеви ги купил господинот Камечв, односно фирмите Кара или која беше. Во една прилика го прашав Камчев што ти требаше тој плац да го купиш, кога да кажам жаргонски е озрачен, а тој одговори Морав, зошто да не, во тој контекст.“ – сведочеше Ивановски

На прашање на обвиниетлката Лиле Стефанова дали ја познава фирмата „ИТК Инженеринг“ Ивановски рече дека таа фирма чиј управител е неговата секретарка е основана по замолница на Мијалков за да се купи плац на Водно овој пат во државна сопственост преку јавно наддавање, а потоа бил замолен преку истата фирма да купи стан од 40 квадратни метри, кој се граничи со станот на Груевски.

Логички е дека истата фирма купува стан кој се граничи со тогашниот стран на Греувски, дефакто и овој оплац би требало да е наменет за него. Во 2018-та година по бегството на Груевски во Унгарија добив повик од него за да ме праша дали имам некој стан во Центар за да купи еден за да се преселат неговата сопруга со децата. Се прекина врската, па пак се јави. Му кажав дека немам во Центар. Потоа уште еднаш ме побарал, не сум го чул телефонот. – сведочеше Ивановски.

По обвинителството сведокот го испрашуваше и Мијалков кој меѓудругото го праша дали има доказ за контактите и средбите за кои тврди дека ги имал со него, на што Ивановски одговори дека нема бидејќи разговорите биле по телефон.

Во овој случај покрај Груевски и Мијалков, обвинети се бизнисменот Орце Камчев, мајка му Ратка Камчева,Ненад Јосифовиќ и Ристо Новачовски.

Ѓорѓиевски на патронатот на ООУ “Партенија Зографски” вети подобри услови за работа во училиште

Градоначалникот на Општина Кисела Вода Орце Ѓорѓиевски, денес присуствуваше на манифестацијата за одбележување на патронатот на ООУ "Партенија Зографски".

63-годишното постоење на ова училиште се одбележа со свеченост на која градоначалникот Ѓорѓиевски и директорот на училиштето Мартин Мартиновски, поставија свежо цвеќе пред бистата на првиот македонски учебникар, фолклорист, филолог, културен деец, првиот македонски митрополит и еден од најистакнатите црковни работници од 19 век, чие име го носи училиштето.

Директорот се обрати и ги поздрави присутните, а потоа следуваа музичко-сценски настапи од страна на учениците, доделување на награди за најуспешните учесници на конкурсите распишани по повод патронатот, како и благодарници за наставниците кои годинава го заокружиле својот работен процес и заминале во пензија.

По завршувањето на свеченоста, градоначалникот на Општина Кисела Вода, Ѓорѓиевски заедно со директорот Мартиновски, изврши обиколка на училишниот објект.

Се информираше за потребите што ги имаат учениците и персоналот во ова училиште. Изврши увид во училишната спортска сала во која неодамна отпочна проект за реконструкција на подот и ѕидовите. Се работи за инвестиција на Општина Кисела Вода во вредност од 1.885.000,00 денари. Директорот ја изрази својата благодарност и ја назначи важноста на овој проект бидејќи, учениците од ова училиште се прваци во општината во повеќе спортови.

Информираше дека се користи убавото време и додека трае обновата, дечињата организирано ги посетуваат падините на Водно. Од страна на градоначалникот доби уверување дека активностите во насока на подобрување на условите за работа во училишниот објект ќе се одвиваат со засилено темпо бидејќи инвестирањето во развојот на образовниот процес и изградбата на учениците во силни и здрави личности се должност на општината и ќе бидат негов врвен приоритет во работата.

Инаку на ООУ "Партенија Зографски" брои вкупно 519 ученици. Годинава беа запишани 81 првачиња.

Со почит,

Општина Кисела Вода

притисни ентер