Свет

Во ОН денеска продолжуваат сослушувањата на кандидатите за генерален секретар на организацијата

Во ОН денеска продолжуваат сослушувањата на кандидатите за функцијата нов генерален секретар на организацијата.

Кандидати се Мишел Башеле од Чиле, Рафаел Гроси од Аргентина, Ребека Гринспан од Костарика и Маки Сал од Сенегал, а доколку некоја од кандидатките ја добие довербата на членките на ОН, би било првпат во историјата на ОН на чело да се најде жена.

Новиот лидер на ОН ќе има огромна задача да ја оживее организацијата чиј, како што се наведува, углед значително опадна во последните години.

За време на вчерашните сослушувања кои траеја цел ден, на прашањата на државите членки на организацијата и групите на цивилното општество, Башеле и Гроси одговараа на теми кои се однесуваа на моменталната геополитика. Од петте постојани членки на Советот за безбедност – Велика Британија, Кина, Франција, Русија и Соединетите Американски Држави, само Велика Британија и Русија поставуваа прашања.

Башеле, која е номинирана од страна на Бразил и Мексико, рече дека ги разбира предизвиците со кои се соочува светската организација, а во своето воведно излагање се осврна на ширењето на вооружените конфликти во светот, забрзувањето на климатските промени, продлабочувањето на нееднаквоста, а го изнесе и тврдењето дека трите столба на ОН – мирот и безбедноста, развојот и човековите права – се неодвоиви.

Аргентинецот Гроси рече дека на институцијата ѝ треба реформа и непристрасно водство и го истакна својот пристап кон дипломатијата заснован на „фактот дека е присутен на теренот“, изјавувајќи во еден момент дека „на ОН не им требаат повеќе конференции“, туку повеќе акција.

- Оваа куќа не е создадена да биде институција која испраќа пораки од кула од слонова коска. Треба да ги решава проблемите на терен, што значи приспособување на ситуациите и разговор кога треба да разговараме, ангажман со сите, дури и кога се во војна едни со други – рече Гроси, пренесува Буенос Аирес Тајмс.

Тој истакна дека непристрасноста е токму она што е потребно и дека генералниот секретар на ОН „мора да ги отвори вратите кога ниту едни не се отворени“.

Денеска пред ОН треба да бидат сослушани Ребека Гринспан од Костарика и Маки Сал од Сенегал, а потоа следува избор.

Моментално има многу помалку кандидати за таа функција отколку во 2016 година, кога актуелниот претседател Антонио Гутереш од Португалија беше избран во конкуренција од 13 кандидати, од кои седум беа жени.

Според ротирачкото правило, по кое се менуваат регионите, новиот генерален секретар би требало да биде од Латинска Америка, а едно од правилата подразбира и дека првиот човек на организацијата никогаш не доаѓа од редовите на петте постојани членки на Советот за безбедност на ОН – Британија, Кина, Франција, Русија и САД.

Тагови: Обединетите нации

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Абигејл интернет-сензација, милиони фанови секојдневно го разгледуваат нејзиниот профил

Сексапилната Абигејл го привлече првото поголемо внимание на јавноста во 2013 година, кога нејзината фотографија на социјалните мрежи стана вирална.

Абигејл Рачфорд од Пенсилванија некогаш сакала да стане фудбалерка, но сепак морала рано да се откаже од спортот поради здравствени проблеми.

Во тоа време, таа немала претстава дека неколку години подоцна ќе стане една од најпознатите ѕвезди на Инстаграм и едно од најбараните имиња во светот на манекенството.

Таа првпат привлече значително внимание од јавноста во 2013 година, кога нејзина фотографија стана вирален хит на социјалните мрежи. Оттогаш, нејзината кариера бележи незапирлив подем.

Се пресели во Лос Анџелес и работеше како модел за престижни списанија како *Maxim*, *Esquire* и *Playboy*; денес, таа има милиони следбеници ширум светот.

Абигејл често ја нарекуваат „Кралица на облините“ и „Кралица на Инстаграм“, а токму нејзиниот изглед, харизма и впечатлив стил се она што ја издвојува од останатите. Покрај модните снимања, таа соработува со бројни брендови и сама ги води своите проекти на социјалните мрежи, градејќи притоа успешен личен бренд. Сепак, зад тие гламурозни фотографии стојат многу труд и напорна работа.

Одржувањето на нејзиниот изглед бара часови посветеност, специјализирани третмани и постојана грижа, како и креативност во водењето на кариерата.

Абигејл Рачфорд стана една од препознатливите личности на дигиталната ера и пример за тоа како социјалните мрежи можат да создадат нова глобална ѕвезда за кратко време.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Откриен денот на свадбата на Кристијано и Георгина

Откриено кога се жени светската фудбалска ѕвезда Кристијано Роналдо: Местото на свадбата има посебно значење за него.

Најплатениот светски фудбалер Кристијано Роналдо и неговата долгогодишна свршеница Георгина Родригез треба да стапат во брак следниот викенд, пренесува „Сан“ (The Sun).

Според таблоидот „Сан“, Кристијано Роналдо и Георгина Родригез ќе го кажат судбоносното „да“ следниот викенд.

Повикувајќи се на португалски извори, парот одлучи да ја организира свадбата од соништата на островот Мадеира, поточно во Фуншал – градот каде што славниот Роналдо ја започнал својата фудбалска кариера.

Според локалните медиуми, катедралата во главниот град на островот е веќе резервирана за следната сабота, а свечената церемонија е закажана за 15:00 часот. По црковниот дел, големата прослава треба да продолжи во луксузниот хотел „Савој Палас“.

Роналдо и Георгина инаку се во врска од 2016 година, а се свршија во август минатата година.

Гласините за претстојната свадба дополнително ги поттикна самата Георгина, откако објави интересна фотографија на Инстаграм.

Тагови: Георгина Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Артета за Винисиус: Арсенал ќе биде многу амбициозен

Предводникот на англискиот фудбалски шампион Арсенал, Микел Артета се осврна на шпекулациите во медиумите за интересот на „топџиите“ за Винисиус Жуниор, изјавувајќи дека клубот ќе биде „многу амбициозен“ на трансфер-пазарот.

Според Goal.com, Арсенал внимателно ја следи ситуацијата со договорот на бразилскиот напаѓач во Реал Мадрид, бидејќи клубот бара засилување од светска класа за својот напад.

Менаџерот на Арсенал беше воздржан кога беше прашан за евентуалното ангажирање на ѕвездата на Реал Мадрид, но испрати јасна порака во врска со намерите на клубот.

По убедливата победа од 4:1 во подготвителниот натпревар против Џирона, Артета нагласи дека лондонскиот тим е подготвен да заземе одлучен пристап во потрагата по нови играчи.

Кога беше директно прашан за ангажирањето на бразилското крило, тој внимателно ги бираше зборовите, но јасно ги изнесе своите цели.

„Активни сме и се обидуваме да го подобриме и развиеме тимот. Тоа е јасно. Очекуваме одредени случувања во наредните недели бидејќи сакаме да напредуваме, исто како и сите други“, рече Артета. „Тоа е очигледно и на пазарот и преку потезите што ги прават нашите ривали – нема само да стоиме и да гледаме. Имаме големи амбиции за она што сакаме да го постигнеме.“ „Разликите се минимални.

Сакаме да бидеме подобри, а нивото на конкуренција ќе расте, па затоа мораме да ја зголемиме конкуренцијата во самиот тим. Мораме да утврдиме што ни недостасува за да стекнеме поголема предност. Тоа е нашиот начин на размислување“, додаде тој.

Оптимизмот на Арсенал произлегува од застојот во преговорите меѓу Винисиус и раководството на Реал Мадрид.

Шпанскиот клуб би можел да биде принуден да го продаде играчот доколку наскоро не се постигне договор, бидејќи постои ризик тој да си замине како слободен играч следното лето.

Тагови: Арсенал Артета Винисиус Жуниор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.