Свет

Во Оман нов круг преговори за иранската нуклеарна програма

Во главниот град на Оман, Мускат денеска ќе се одржи третиот круг од преговорите за иранската нуклеарна програма помеѓу Иран и САД.

Иранскиот министер за надворешни работи, Абас Арагчи, и американскиот пратеник за Блискиот Исток, Стив Виткоф, денеска ќе водат разговори на високо ниво во Оман, а шефот на оманската дипломатија Бадр ал-Бусаиди, ќе биде посредник, изјави портпаролот на иранското Министерство за надворешни работи, Есмаил Багаи.

Преговорите се одвиваат со посредство на Оман, а претходните средби беа на 12 април во Мускат и 19 април во Рим.

Иран и САД немаат дипломатски односи од 1980 година, а американските интереси во Иран ги претставува Амбасадата на Шведска.

Според Меѓународната агенција за атомска енергија (МААЕ), изминатите четири години напредуваше иранската нуклеарна програма и е поблиску од кога било до производство на нуклеарно оружје, со сегашните резерви од 60 отсто збогатен ураниум, доволни за шест нуклеарни бомби доколку се збогати до 90 отсто.

Иран во 2015 година склучи договор со Франција, Германија, Велика Британија, Кина, Русија и САД за регулирање на нуклеарната програма, а за возврат да се намалат меѓународните санкции против Техеран. Но, во 2018 година, за време на првиот претседателски мандат, Трамп еднострано ги повлече САД од Договорот и повторно воведе санкции кон Иран. Како одговор, Техеран ги зголеми резервите на збогатен ураниум на 60 отсто.

Иран тврди дека нуклеарна енергија е за цивилни цели и негира дека сака да се стекне со атомска бомба, во што се сомневаат западните земји. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

УХМР: Температурите во наредните два дена ќе останат високи

Додека се проверува квалитетот на водата за пиење во Гостивар и гостиварско, од УХМР велат дека барем во наредните неколку дена, температурите ќе останат високи.

Додека се проверува квалитетот на водата за пиење во Гостивар и гостиварско, од УХМР велат дека барем во наредните неколку дена, температурите ќе останат високи со речиси 40 степени целзиусови на целата територија на земјава

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска во Кочани 47. Марш за ангелите

Денеска во Кочани ќе се одржи 47 марш на ангелите, кој според најавите треба да започне во 18 часот и 5 минути минути во Паркот на револуцијата.

Од здружението на граѓани „16-ти март 2025“ во најавата потсетија на истите барања. Како што посочуваат за нив, секое рочиште отвора нова болка, секој нов доказ открива нови пропусти.

Порачуваат, само со одговорност, со институции што ќе постапуваат и со јасна порака дека човечкиот живот е над профитот, функцијата и интересот, може да се спречи утре да се повтори истата трагедија. Во соопштението додаваат дека 63 животи не се статистика, а правдата не се бара еднаш — туку сè додека не биде исполнета.

Тагови: Пожарот во Кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: До 13 часот се регистрирани пет пожари, активни се три

Центар за управување со кризи информира дека денеска, до 13:00 часот, регистрирани се вкупно 5 пожари на отворен простор, од кои активни се 3 пожари, а изгаснати се 2 пожари.

Oд таму велат дека активни се пожарите во село Желино каде гори ниска вегетација, потоа кај патарината кон Гостивар и во местото викано Думачка маала каде покрај ниска вегетација, горат и багреми... Од Центарот додаваат и дека изгаснати се пожарите во с. Просениково струмичко и во околината на Старо Нагоричане.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.