Во Охрид отворен регионален Центар за рани интервенции и третман кај деца со нарушување од аутистичен спектар - Канал 5

Здравје

Во Охрид отворен регионален Центар за рани интервенции и третман кај деца со нарушување од аутистичен спектар

 Охридската Општа болница од денеска располага со современ Центар за рани интервенции и третман кај деца со нарушување од аутистичен спектар.

Во Охрид отворен регионален Центар за рани интервенции и третман кај деца со нарушување од аутистичен спектар

Станува збор за донација на Владата на Република Бугарија, која ги покри трошоците за реконструкција на делот на Детското одделение при Општата болница во Охрид, како и ја обезбеди соодветната опрема.

– Центарот ќе работи во координација со соодветниот во Скопје, со Граѓанската организација „Мојот свет", со Клиниката за психијатрија и Центарот за ментално здравје. Благодарност до бугарската Влада и бугарскиот народ за оваа помош, што многу ќе значи за регионот оттаму што корисници на новите капацитети ќе бидат околу стотина пациенти од овој дел на земјата, истакна министерот за здравство Венко Филипче на свеченоста по повод отворањето на одделот.

Центарот располага со најсовремена соодветна опрема, што ги покрива сите потреби на децата во подобрување на нивниот психолошки развој, во однос на социјализацијата, сето под надзор на врвни експерти од областа.

Неговиот бугарски колега, министерот Кирил Ананиев, од своја страна рече дека ваквите прилики се празнични оттаму што, како што истакна, нема похумано и поблагородно дело од помагање на децата со потешкотии.

– Тоа е кауза што треба да ја следиме во животот. Горд сум што бугарската Влада која ја претставувам успеа да ги обезбеди средствата за изградбата на овој центар. Потребни се заеднички напори на сите братски држави од регионот во рамки на своите можности да придонесат за обезбедување услови за рехабилитација и третман на децата неопходни за нивен натамошен развој, рече Ананиев.

Елизабета Ѓорѓиеска, сопругата на претседателот Стево Пендаровски, ја поздрави соработката на Министерствата за здравство на двете држави што резултира со вакви и слични проекти, изразуваќи уверување дека овој Центар ќе придонесе за подобрување на здравствената состојба на голем број деца, но и возрасни пациенти.

Потпретседателот на Здружението „Мојот свет", Весна Стојаноска во оваа пригода им се заблагодари на сите помагатели на нивните активности, како и за конкретната реализација на овој проект.

Новоотворениот капацитет во Охрид располага со соодветно прилагодени тоалети за вработените и корисниците, кујна, дефектолошки и логопедски кабинети, опремени со разновидни дидактички материјали кои се соодветни за потребите на децата, сензомоторна и мултисензорна соба. Со децата ќе работат обучени специјализирани едукатори и рехабилитатори, логопеди, семејни и клинички психолози. Центарот е доволно голем во овој миг да ги задоволи потребите на пациентите со тој вид специфични проблеми од сите градови во југозападниот дел на земјата./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Кендал Џенер во црвено бикини уживаше во идиличен излет во природа

Моделот Кендал Џенер објави серија фотографии од излет во природа на Инстаграм, вклучувајќи една на која позира во црвено бикини. 

Кендал Џенер во црвено бикини уживаше во идиличен излет во природа

30-годишната Џенер беше фотографирана како седи на карпа во шумата, покрај голем водопад, а накратко ја опиша објавата со зборовите „Имам толку среќа“.

Во позадината на фотографијата во костим за капење може да се види суптилно виножито. Во остатокот од објавата, Џенер позираше на отворено во плетен џемпер во крем боја, држејќи чаша црвено вино, а комбинацијата ја комплетираше со обетки, очила за сонце и голема чанта.

Таа, исто така, им откри на своите следбеници што моментално чита, колекцијата „Медитации во итен случај“ од Френк О'Хара, и сподели фотографија од сцена од концерт на Крис и Моргана Стејплтон.

Отворено за менталното здравје

Џенер зборуваше во интервју за „Elle Canada“ во април за начините на кои се грижи за себе. „За мене, справувањето со анксиозноста е многу поврзано со мојата околина и мојата рутина“, рече таа. „Научив дека морам свесно да ја бирам енергијата со која се опкружувам.“

Таа, исто така, сподели неколку совети за секој што се бори со слични проблеми. „Мојот совет до секој што се бори со ова е да прави мали чекори. Пронајдете ритуал што ќе ве смири, како што е прошетка или слушање одредена плејлиста, и направете го тоа нешто од кое нема да се откажете.“

Во претходно интервју за „Vogue France“, моделот го опиша својот сегашен начин на живот како „здрав“. „Мојата дневна рутина се чувствува здрава и стабилна и многу сум благодарна за тоа“, рече таа во февруари. „Но, тоа не дојде без напор. Ден по ден, се обидувам да донесувам одлуки што се добри за моето ментално здравје, но тоа не е секогаш лесно.“

Таа додаде дека сè уште има многу тешки денови. „Редовно имам многу тешки денови кога се чувствувам како едвај да можам да ја држам главата над вода. Понекогаш може да биде многу фрустрирачко.“

Извор: Индекс.хр

Тагови: Кендал Џенер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Казната ги стигна и странските возачи: Редици на Табановце за да платат казни од „Сејф сити“

На граничниот премин Табановце денеска има редици од возачи од странство кои чекаат да ја платат казната за сторен сообраќаен прекршок, регистриран од системот „Сејф сити“, пренесува Експрес.

Казната ги стигна и странските возачи: Редици на Табановце за да платат казни од „Сејф сити“

Министерот за внатрешни работи Панче Тошковски неодамна изјави дека никој не може да му избега на системот „Сејф сити“ доколку се движи по патиштата во Македонија каде што се поставени камери за мерење на брзината, без разлика дали станува збор за возило со македонски или со странски регистарски таблички. Тој рече дека нема да има исклучоци и дека секој што ќе ги прекрши законите додека се движи низ Македонија ќе биде санкциониран, без оглед од која држава доаѓа.

Кога беше воведен системот „Безбеден град“ на почетокот на годнава беше истакнато дека странските возила кои ќе направат сообраќаен прекршок нема да бидат задржани при излез од државата, но возачите ќе добијат официјално известување дека нема да можат повторно да влезат на македонските граници доколку не ја подмират казната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

ИДФ конечно признава: „Да, пукавме врз петгодишно девојче“

Израелската војска денес за прв пат призна дека нејзините сили отвориле оган врз автомобил во кој се наоѓала петгодишната Палестинка Хинд Раџаб во Појасот Газа и соопшти дека започнала кривична истрага за нејзината смрт.

ИДФ конечно признава: „Да, пукавме врз петгодишно девојче“

Израелските одбранбени сили (ИДФ) претходно негираа вмешаност во инцидентот од јануари 2024 година, велејќи дека нивните војници не биле во близина на возилото или во домет за да отворат оган, објави Си-Ен-Ен.

Раџаб била една од седумте членови на семејството во автомобил во северна Газа кога бил погоден од огнено оружје. Девојчето го преживеало првичниот напад и поминало часови на телефон молејќи ги палестинските медицински работници да дојдат да ја земат. Брза помош испратена да ја спаси, исто така, била нападната.

Нејзиното тело било пронајдено 12 дена подоцна во автомобил изрешетан со куршуми. Снимката од телефонскиот разговор на Раџаб со палестинските медицински лица привлече меѓународно внимание и предизвика повици за истрага и одговорност за нејзината смрт, како и за страдањето на другите деца во Газа. Случајот беше тема на филмот „Гласот на Хинд Раџаб“, кој беше номиниран за Оскар оваа година.

Тагови: ИДФ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер