Во Нови Сад утре комеморативен собир за загинатите во падот на бетонската настрешница на железничката станица пред една година - Канал 5

Балкан

Во Нови Сад утре комеморативен собир за загинатите во падот на бетонската настрешница на железничката станица пред една година

Во Нови Сад утре ќе се одржи комеморативен собир, каде што, на повик на студентското движење, студенти и граѓани од цела Србија ќе им оддадат почит на загинатите при падот на бетонската настрешница на железничката станица во Нови Сад пред една година.

Во Нови Сад утре комеморативен собир за загинатите во падот на бетонската настрешница на железничката станица пред една година

Студентите во блокада веќе една година, предводат бран граѓански протести со кои бараат одговорност од властите за смртта на 16 лица при падот на реконструираната настрешница на главната железничка станица во Нови Сад лани.

Кон крајот на ноември минатата година, започнаа блокади на факултети на шест државни универзитети како одговор на физичкиот напад од страна на владини претставници врз студентите на Факултетот за драмски уметности во Белград, додека тие стоеја на улицата и тивко им оддаваа почит на загинатите.

Во март, во Белград се одржа најголемиот протест организиран од студенти во изминатата година, на кој, според Архивата на јавни собири, присуствуваа меѓу 280.000 и 330.000 луѓе.

Претходно, во ноември, тие побараа објавување на целосна документација за реконструкцијата на железничката станица каде што се случи несреќата, итно гонење на луѓето кои претепаа студенти на ФДУ во Белград, прекин на судските постапки против уапсените за учество во демонстрации и зголемување на буџетот за факултетите за 20 проценти. Откако барањата не беа исполнети, во мај тие побара распишување вонредни парламентарни избори.

Претседателот на државата, Александар Вучиќ, одби да распише нови избори.

В сабота, на 1 ноември, Нови Сад ќе се одржи комеморативен собир за да се одбележи годишнината од падот на бетонската настрешница на железничката станица во тој град, кога 16 лица ги загубија животите. Засега не е познато како ќе изгледа тој собир, но студенти од голем број градови во државата се упатуваат кон Нови Сад. Дел од нив веќе пешачат кон тој град во Војводина.Илјадници претежно млади луѓе во Србија започнаа вчера дводневен марш од Белград со цел да се приклучат на голем митинг овој викенд по повод годишнината од смртоносната катастрофа на железничката станица.

Студентите кои пешачат од голем број други градови во државата кон ови Сад, нагласуваат дека тоа се маршеви не само помеѓу два града туку - пат помеѓу неправдата и одговорноста, дека тие симболични чинови се апел до совеста, апел за солидарност и достоинство, јавија белградските медиуми.

Здружението на независни електронски медиуми (АНЕМ) ги повика надлежните органи во Србија да овозможат непречена работа в сабота во Нови Сад за сите медиумски екипи кои ќе известуваат по повод годишнината од трагедијата предизвикана од падот на бетонската настрешница на железничката станица, да ги заштитат новинарите од евентуално насилство, но и да се воздржат од прекумерната сила што ја покажаа на неколку неодамнешни јавни собири.„Само во август и септември, регистрирани се 22 напади врз новинари од страна на полицијата додека известувале од јавни собири, без претходно претставници на полицијата да реагираат на случаи на физички и вербални напади врз претставници на медиумите од страна на насилници“, се вели во соопштението на АНЕМ.

Мисијата на ОБСЕ во Србија го поддржа проектот на AНЕМ „24/7 СОС телефонска линија за помош на новинари и други загрозени медиумски работници“, во рамките на проектот финансиран од ЕУ „Зајакнување на слободата на изразување и слободата на медиумите во Србија“.

И по една година протести и барања од граѓани и студенти, никој се уште не е повикан на одговорност за падот на бетонската настрешница. Јавното обвинителство за организиран криминал поднесе обвинение против тринаесет лица во врска со штета на буџетот од 115 милиони долари за време на реконструкцијата на железничката пруга Нови Сад-Келебија во декември лани, но се уште нема значаен напредок. Горан Весиќ, поранешниот министер за градежништво, транспорт и инфраструктура, сè уште не е сослушан, поради здравствени причини.

Кон средината на септември, Вишото јавно обвинителство во Нови Сад повторно покрена обвинение против поранешниот министер Горан Весиќ и 12 обвинети во овој случај. Сега обвинението се проверува. Обвинетите се товарат за кривични дела што се квалификуваат како тешки кривични дела против општата безбедност од член 288 став 2 од Кривичниот законик.

На почетокот на април, Вишиот суд во Нови Сад го врати на дополнување обвинението против 13 лица поради падот на настрешницата, во која загинаа 16, а едно лице беше тешко повредено. По анализата на обвинението и доказите, вонсудечкиот совет на овој суд одлучи дека „е потребно подобро разјаснување на прашањето за да се испита основаноста на обвинението“.

Тагови: Нови Сад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ева Лонгорија укажува на проблем со кој се соочуваат милиони жени

По повод Денот на еднакви плати за жените од латиноамериканско потекло, кој се одбележува на 8 октомври, актерката и режисерка Ева Лонгорија преку социјалните мрежи го сврте вниманието кон јазот во платите во САД.

Ева Лонгорија укажува на проблем со кој се соочуваат милиони жени

Во својата објава, таа истакна дека жените од латиноамериканско потекло во просек заработуваат само 53 центи за секој долар што го заработуваат белите мажи кои не се од латиноамериканско потекло.

Жените имигранти се соочуваат со уште полоша ситуација

Лонгорија објасни дека оваа бројка се однесува на сите вработени жени од латиноамериканско потекло, вклучително и на оние што работат сезонски или со скратено работно време. Покрај објавата, таа сподели и своја фотографија на која носи бела маица со слоган за зајакнување на жените, како и неколку инфографици што го илустрираат јазот во заработката.

Според еден од инфографиците, жените имигранти се во уште понеповолна положба, бидејќи заработуваат само 43 центи за секој долар што го заработуваат мажите земени за статистичка споредба. Лонгорија исто така објави фотографија од група жени кои протестираат за своите права и држат транспаренти.

Тагови: Ева Лонгорија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ријана откри дека во „сефот“ чува купишта нова музика, дури 170 необјавени песни

Се чини дека Ријана цело време чувала голем дел од својата музика за себе.

Ријана откри дека во „сефот“ чува купишта нова музика, дури 170 необјавени песни

38-годишната пејачка откри за време на преносот во живо на TikTok за нејзиниот бренд Fenty Beauty на 7 октомври дека има околу 170 необјавени песни, објави Пипл. Ова им даде на обожавателите увид во тоа колку музика собрала за време на нејзината долга пауза од објавување на целосен албум.

Зборувајќи за нејзината необјавена работа, Ријана рече:

„Ако има 10 производи во сеф, тогаш имам најмалку 17 сефови.“

Откритието доаѓа додека обожавателите продолжуваат со нетрпение да го очекуваат нејзиниот деветти студиски албум, кој треба да го наследи ANTI од 2016 година. Долгата пауза на Ријана од сцената е една од најгледаните и најочекуваните во историјата на поп музиката. Нејзиниот последен студиски албум донесе хитови како Work, Needed Me и Love on the Brain.

Сепак, пејачката јасно стави до знаење дека не ја оставила целосно музиката зад себе. Во август, нејзиниот партнер, раперот A$AP Rocky (38), потврди за време на гостувањето во „Шоуто на Џејсон Ли“ дека Ријана се вратила во студиото и работи на нов материјал. Кога го прашале дали е виновен за нејзината долга пауза, раперот одговорил:

„Никако. Таа е во студиото во моментов. Да, го кажав тоа. Извини, бејби.“

Потоа додаде:

„Човече, таа работи. Готви нешто, не се шегувам. Човече, ова ќе ме доведе во неволја.“

Ријана претходно зборуваше за плановите за нејзиниот деветти албум. Минатата година, таа за Harper’s Bazaar изјави дека конечно го „открила кодот“ за музичката насока на целиот проект. Таа рече:

„Ова време поминато подалеку од музиката мора да има влијание врз она што сите ќе го слушнат следно. Мора да вреди. Мора да биде важно. Морам да им покажам дека вредеше да се чека. Не можам само да издадам нешто просечно.“

Таа, исто така, наговести дека звукот на албумот нема да биде она што публиката го очекува:

„Нема да биде ништо што некој го очекува. И нема да биде комерцијален или радио-пријателски. Ќе биде токму таму каде што мојата уметност заслужува да биде токму сега.“

Во годините по ANTI, Ријана беше посветена на градење на својата модна и козметичка империја преку нејзините брендови Fenty Beauty и Savage X Fenty. Таа триумфално се врати на сцената во 2023 година со настап на полувремето на Super Bowl LVII, каде што изведе голем број од своите најголеми хитови, а исто така откри дека е бремена со своето второ дете.

Ријана и Асап Роки го добија својот прв син, RZA, во 2022 година, по што следеше нивниот син Рајот во 2023 година, а нивната ќерка Роки се роди во 2025 година.

Тагови: Ријана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Безос: „Можеме да стигнеме до Месечината за три дена“

Во Вашингтон се кројат големи планови – САД имаат намера не само да се вратат на Месечината, туку овој пат и да останат таму.

Безос: „Можеме да стигнеме до Месечината за три дена“

Сопственикот на „Амазон“, Џеф Безос, кој е и основач на компанијата за вселенски летови „Блу Ориџин“, неодамна зборуваше за американските медиуми за патувањата до Месечината.

„Овој пат одиме на Месечината за да останеме“, изјави Безос, додавајќи дека тоа нема да биде „само уште една мисија од која се враќате дома“.

„Ќе изградиме вистинска, одржлива база од која ќе можеме да ја истражуваме Месечината и да откриваме интересни работи“, додаде Безос.

Тој истакна дека мисијата на Месечината во 1969 година барала инвестиција од околу 3% од БДП на САД и наведе дека „луѓето ќе можат да летаат до Месечината уште во 2028 година“.

„Мораме да ја победиме Кина во ова и верувам дека ќе успееме“, рече Безос.

Тој исто така го изрази своето уверување дека Месечината – до која, како што напоменува, може да се стигне за три дена – ќе послужи како клучна логистичка станица за идните човечки мисии до Марс.

Извор: Б92

Тагови: месечината Џеф Безос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер