Во нашата галаксија е откриено необично тело, го нарекуваат „Сендвичот на Дракула“ (ФОТО) - Канал 5

Технологија

Во нашата галаксија е откриено необично тело, го нарекуваат „Сендвичот на Дракула“ (ФОТО)

Астрономите од американската поморска опсерваторија откриле необичен објект во нашата галаксија, на кој што му дале прекар „Чивито на Дракула“ - што всушност е сендвич, или националното јадење на Уругвај.

Во нашата галаксија е откриено необично тело, го нарекуваат „Сендвичот на Дракула“ (ФОТО)

Но, чивитото на Дракула нема никаква врска со земните прехранбени производи. Тоа е всушност новородена ѕвезда опкружена со дебел диск од прашина и гас. Иако визуелно наликува на сендвич, тоа не е единствената причина за овој необичен прекар.

Имено, во далечната 1985 година во вселената е забележан сличен објект кој научниците го нарекле „Гомез хамбургер“, а во 2008 година е откриено дека се работи за бебе-ѕвезда која е оддалечена од нас околу 900 светлосни години.

„Чивитото на Дракула“ има неверојатна сличност со „Хамбургерот на Гомез“ и е слично оддалечен од Земјата - околу 980 светлосни години. Исто така е слично ориентиран; диск од прашина и гас се пробива низ ѕвездената светлина како полнење во сендвич, давајќи ни малку поинаков поглед на процесот на формирање на ѕвездите.

Овие два многу ретки вселенски објекти би можеле да претставуваат класа на новородени ѕвезди за кои немаме многу информации. Имено, ниту чивитото на Дракула, ниту хамбургерот на Гомез (слика долу) не се појавуваат во типичното опкружување на младите ѕвезди, кои што се богати со материјали неопходни за нивниот развој.

Спротивно на тоа, овие вселенски „сендвичи“ лебдат во релативно празен простор и не е сосема јасно како всушност настанале. Новите „сонца“ обично го започнуваат животот како густа грутка во облак од молекуларен гас што се распаднал под сопствената гравитација, раѓајќи млада ѕвезда.

Како што се врти протоѕвездата, таа расте, а материјалот од облакот се претвора во диск што ја храни и го поттикнува нејзиниот развој. Но, чивитото на Дракула и плескавицата на Гомез се чини дека не се поврзани со блиски региони за формирање на ѕвезди или ѕвездени јата, што е малку мистерија.

Астрономот Кипријан Бергеа и неговите колеги утврдиле дека централниот објект е веројатно жешка ѕвезда од типот Herbig Ae која гори на температури од околу 7.727 степени Целзиусови, со диск кој се протега околу 1.650 AU. Астрономска единица (AU) е единица за должина што ја користат астрономите и го претставува просечното растојание на Земјата од Сонцето.

Слични карактеристики има и хамбургерот на Гомез, со тоа што чивито на Дракула има и две дополнителни прамени кои излегуваат од „пунџата“, што ги потсетува научниците на заби (оттука и делот за Дракула во прекарот). Откако создадоа модел на формирање на ѕвезди, астрономите заклучиле дека овие нишки укажуваат на обвивката што се растура околу ѕвездата, пишува Science Alert.

Овој слаб „меур“ од материјал може да им помогне на научниците да утврдат колку далеку ѕвездата е во процесот на формирање. Бидејќи младенчињата имаат тенденција да испуштаат силни ветрови и млазови кои го однесуваат вишокот материјал, тенката обвивка означува многу млада ѕвезда.

Ова откритие претставува нова можност за проучување на вертикалната структура на процесот на формирање на ѕвезди, но исто така сугерира дека изолираните млади ѕвезди, иако редок феномен, можеби се почести отколку што мислевме. Сè уште сме оставени со многу неодговорени прашања за тоа како овие ѕвезди завршиле таму каде што се, сосема сами, во темнината на вселената.

Истражувањето, насловено „Dracula's Chivito: discovery of a large edge-on protoplanetary disk with Pan-STARRS “, наскоро ќе биде објавено во The Astrophysical Journal Letters.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: И во петтата деценија нема проблем да се соблече во танга бикини

Таа е жена од соништата,  во петтата деценија од животот е вистинска секс-бомба.

Фото: И во петтата деценија нема проблем да се соблече во танга бикини

Израелската манекенка Бар Рафаели (41) ја продолжи успешната соработка со модниот бренд „Кастро“ во 2026 година.

Една од најпознатите светски манекенки е заштитно лице на новите кампањи на брендот, вклучувајќи ја пролетната колекција и линијата „High Summer“, кои таа ги претстави и на своите социјални мрежи.

Посебно внимание привлекоа фотографиите во бикини, на кои Бар повторно покажа беспрекорна фигура и завидна форма, исто како и пред неколку месеци, кога позираше во провокативна долна облека за една рекламна кампања.

Тагови: бикини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Кајли Џенер повторно воодушеви во секси бикини

Младата бизнисменка од кланот Кардашијан - Џенер, Кајли Џенер ги израдува фановите со претставување на уште еден модел на бикини, а притоа ја промовираше и својата најнова колекција

Фото: Кајли Џенер повторно воодушеви во секси бикини

Сексапилната Кајли подготви провокативно издание за своите фанови, позирајќи во мини бикини, и веднаш го сподели сето тоа на социјалните мрежи.

Покрај тоа што сакаше да ја истакне својата прекрасна фигура, таа повторно летово ја претстави и новата колекција на костими за капење.

„Навистина е жешко. А и моите бикини се жешки! Ги обожавам“, изјави убавицата

Тагови: кајли џенер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Видео: Гламурозно порше 911

Славната француска модна куќа  „Louis Vuitton“ и компанијата Singer Vehicle Design од Калифорнија ги здружија силите за да претстават два исклучително ексклузивни модели на Porsche 911 на настанот „Monterey Car Week“.

Видео: Гламурозно порше 911

Славниот „Louis Vuitton“ и компанијата Singer Vehicle Design од Калифорнија ги здружија силите за да претстават два исклучително ексклузивни модели на Porsche 911 на настанот „Monterey Car Week“.

Овие возила, засновани на генерацијата 964, се изработени како целосно персонализирани автомобили.

Соработката започна со барање за пренослив часовник за на контролната табла, инспириран од колекцијата Tambour на Louis Vuitton, но прерасна во проект што го опфаќа дизајнот на автомобилите, ентериерите, багажот и модните додатоци.

Првиот автомобил, „Porsche 911 Reimagined by Singer – Classic“, се одликува со комбинација на бои во нијанси на шафран, кобалт сина и жолта, каросерија од карбонски влакна и атмосферски 4,0-литарски „flat-six“ мотор со 420 КС, поврзан со шестстепен мануелен менувач.

Вториот е „Classic Turbo Cabriolet“ во светла нијанса „Calcaire Lutétien“; неговиот дизајн е дело на Николас Гескјер, уметнички директор за женски колекции во „Louis Vuitton“, а го придвижува 3,8-литарски „flat-six“ мотор со два турбополначи што испорачува приближно 510 КС.

Француската модна куќа не застана само на логата и тапацирот; автомобилите се придружени со специјално изработен багаж, облека и модни додатоци од Louis Vuitton, додека моделот „Turbo Cabriolet“ се одликува и со елегантни дрвени украсни елементи, часовник „Tambour“ и детали што ги спојуваат световите на луксузните автомобили и високата мода.

Цените за овие два примерока не се обелоденети, но станува збор за исклучително ексклузивни проекти на компанијата „Singer“, каде што секој автомобил се изработува според специфичните барања на сопственикот; самата компанија е специјализирана за реставрација и модерна реинтерпретација на класичните модели на „Porsche 911“ со воздушно ладење, пренесува „Motor1“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер