Култура

Во Музеј Кавадарци отворена изложбата „Откривање на нашата природа“

„Откривање на нашата природа“ е насловена изложбата што синоќа беше отворена во Музеј галеријата во Кавадарци.

„Откривање на нашата природа“ е насловена изложбата што синоќа беше отворена во Музеј галеријата во Кавадарци, љубителите на уметноста имаат можност да ги видат делата на ликовните уметници Ивона Велковска, Катерина Филипоска Стефановска и Розета Картова.

Зорица Ташовска Илова, историчарка на уметност во Музејот, рече дека оваа прекрасна поставка не е само изложба на слики, ова е еден уникатен ликовен дијалог помеѓу три авторки кои иако различни по својот израз, се суштински поврзани. Тие, истакна, не водат на двонасочно патување. Едно што гледа кон пејзажите околу нас и друго што гледа длабоко во нас, во интимните предели на душата. Притоа, честитајќи им на авторките, нагласи дека оваа поставка е мозаик од техника и визии.

- Додека шетате низ галеријата ќе забележите три различни пристапи. Ќе видите неверојатен реализам. Делата што ги прикажуваат даровите на природата, сочните малини, капините, грозјето и сливите се насликани со таква прецизност, што речиси го будат чувството за вкус кај набљудувачот, подвлече таа.

Притоа додаде дека уметничкиот фокус е ставен на живоста на црвените и виолетовите тонови, слевајќи ја виталноста и циклусот на зреење.

Наспроти мазниот реализам, рече таа, изложбата нуди и дела каде што површината на платното оживува преку релјеф и текстура. Земјените тонови, окер нијансите и белата боја формираат органски облици што потсетуваат на бранови, песочни брегови или стилизирани флорални и животински мотиви, како афионот, грозјето и раскошната фигура на паунот.

- И конечно приказната се заокружува со енергијата на пејзажот. Од мирот на зелените шумски патеки, па се до динамичните сини вртлози на водата и космосот, овие слики играат со светлината движејќи се од импресија до геометриска и експресивна апстракција. Она што ги поврзува сите овие различни пристапи е една заедничка порака. Природата е во нас, исто колку што ние сме во неа, подвлече Ташовска Илова.

Таа потенцираше дека авторките создадоа простор каде различностите не се судираат, туку создаваат една хармонична целина.

Пред присутните во музејот се обратија и авторките на изложбата. Директорот на Музејот, Јаким Зимоски се осврна на успешноста во годината што изминува на културен план. Тој изрази задоволство, рече дека е една од најдобрите, на оваа културна институција, се успеало да се задоволат вкусовите на сите љубители на уметноста што биле дел од културните настани. Зимоски најави дека следната година, Музеј галеријата во Кавадарци ќе слави педесет години од постоењето на институцијата, со педесет настани.

Тагови: Кавадарци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Глишиќ свечено осветен големиот крст, на осветувањето присуствуваше градоначалникот Јанчев

Денес во Глишиќ свечено беше осветен големиот крст, кој ќе остане како траен симбол на верата и духовноста за жителите на Глишиќ и целиот наш крај.

На чинот на осветувањето присуствуваа градоначалникот на Општина Кавадарци Митко Јанчев и претседателот на Советот др Стојанчо Рамов. Овој значаен проект е реализиран благодарение на иницијативата и посветеноста на Месната заедница Глишиќ, со поддршка од Општина Кавадарци, ЈП „Комуналец“, општествено одговорни компании и физички лица кои несебично помогнаа во неговата изградба.

Крстот, висок 15 метри со распон од 10 метри, ќе биде место на молитва, благослов и духовно собирање, сведоштво за силната вера и заедничката желба да оставиме нешто вредно за идните генерации.

„Благодарност до сите кои дадоа свој придонес во реализацијата на ова дело. Нека овој свет христијански симбол носи мир, љубов и благослов за сите жители на Глишиќ и Кавадарци.“- објави Јанчев на Фејсбук

Тагови: Општина Кавадарци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Американскиот NTSB ја презема истрагата за инцидентот со авионот на „Рајанер“- и Македонија дел од истражниот тим

Националниот одбор за безбедност во транспортот на САД го презема комплетното делегирање на истрагата за инцидентот со авионот на Рајанер

Националниот одбор за безбедност во транспортот на САД го презема комплетното делегирање на истрагата за инцидентот со авионот на Рајанер пред два дена, кога се случи оштетување на моторот, а според информациите, српски државјанин за малку ќе излетал од скршен прозорец.

Ова за Канал 5 го потврди претседателот на комитетот за истраги на воздухопловни несреќи и сериозни инциденти, Марјан Прпоски, иако вчера во повеќе регионалните медиуми се појави вест дека Македонија ќе ја предводи истрагата поради тоа што инцидентот се случил над македонско небо. Прпоски за Канал 5 потврди дека и македонски претставници ќе бидат дел од истражниот тим што ќе работи под раководство на американската институција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Бројот на загинати во Венецуела надмина 4.300 луѓе, граѓани со голи раце пребаруваат под урнатините

Продолжува да расте црниот биланс од катастрофалните земјотреси во Венецела. Властите објавија дека заклучно со вчерашниот ден бројот на загинати е над 4.300 лица а повеќе од 16.000 се повредени.

Идентификацијата на 315 жртви сè уште не е завршена, додека спасувачките екипи продолжуваат со потрагата по евентуални преживеани.

-Бројот на Венецуелци кои загинаа како директен резултат на земјотресите од 24 јуни е 4.333 лица со 16.740 повредени и 6.462 спасени. Додека има живот има и надеж. Сè уште имаме едно или две места каде ситуацијата е неизвесна и нашите екипи продолжуваат да трагаат по можни преживеани. Многу од машините кои го донесоа интернационалните спасувачи се опремени и им овозможуваат да се детектира дали има срцебиење или топлина. Што покажува дека таму има живот. – Хорхе Родригез – Претседател на Националното собрание

Борбата за секој човечки живот продолжува. Спасувачките екипи, веќе со денови неуморно работат на терен, пребарувајќи го секој сантиметар под огромните бетонски блокови и урнатини. Иако шансите се намалуваат со секој изминат час, надежта кај спасувачите не згаснува. На некои од рушевините се уште се чека помош додека семејствата со голи раце пребаруваат.

-Поминаа 16 дена и се уште нема помош да го извлечеме мојот син од рушевините. Не само него, има и други луѓе таму. Има и деца на приземјето а само машините работат и на ништо друго не се чека.

-Ги бараме не само мојата внука и нејзините четири деца, го бараме и семејството на колега, семејствата на сите бидејќи сите станавме едно семејство.

Операциите на терен не запираат ниту во текот на ноќта. Екипите се обидуваат да лоцираат какви било знаци на живот.

-Тука сме секоја ноќ и никој не оди дома да се одмори. Во истата облека сме од 26.06 од вториот ден по земјотресот. Не сме заминати да се преслечеме и да се одмориме.

-Мојот брат е овде но тој сакаше да спаси една госпоѓа која имаше шанси да преживее и тоа ќе го направеше без разлика на се. И од оние што преживеаја овде во зградата кажаа дека кога тој се вратил да ја бара скалите тие се срушиле и останале неколку луѓе долу. И госпоѓата, фала му на Бог е жива и е во прифатилиште, но сакаме да го најдеме мојот брат дури и ако е само телото.

Според последните информации, оштетени се 856 објекти, од кои 190 се целосно урнати или претрпеле сериозни конструктивни оштетувања. Прелиминарните проценки на венецуелската влада покажуваат дека ќе биде потребна изградба на околу 25.000 нови станбени единици. Според проценките на ОН околу 50 илјади луѓе се уште се водат за исчезнати по катастрофалните земјотреси во Венецуела.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.