Самата Мајла за „Elle“ изјави: Малку е збунувачки бидејќи јас сум од големите девојки. Не сум од најполните но не сум ни од најтенките, а дефинитивно сум поголема од девојките кои до сега Calvin Klein ги ангажираше. Не сум доволно слаба да го најдам своето место меѓу најслабите манекенки, ниту доволно полна да бидам меѓу полните. Не можев да си го најдам местото, и затоа оваа кампања многу ми значи!
Но на Твитер се појави лавина коментари во кои луѓето негодуваат.
- Оваа жена е објаснета како жена која носи големи броеви, па тоа е смешно.
- Нејзината висина и градба не дозволуваат да се нарече „полна“.
- Таа била манекенка со плус-големина. Па како е тоа можно! - коментираат некои од корисниците на Твитер.
Мајла пак вели дека се надева дека изборот таа да ја води кампањата на Calvin Klein отвора надеж дека модната индустрија веќе нема да инсистира на нездраво слаби манекенки и да го промовира тоа како идеал.
- Мислам дека сакаат да покажат дека оваа линија е за различни типови на тело. Јас не промовирам долна облека за пополни, не сум во некаква секција за подебели, ме избраа за целата кампања - вели таа.
Мајла вели дека на почетокот од кариерата се обидувала да ослабне. Во 2012 за „Fashionista“ изјави:
- Мислев дека ќе се навикнам откако ќе јадам да повратам но тоа е ужасно. Тоа е болно. Би сакала никој да не се обидува тоа да го прави - вели убавицата.