Култура

Во МНТ премиера на претставата „Варвари“ на Горки

Во Македонскиот народен театар вечерва ќе се одржи премиера на претставата „Варвари“ – дело на големиот руски писател Максим Горки, во режија на проф. Владимир Милчин.

Премиерата ќе се одржи вечерва, а следната изведба е закажана за 14 ноември.

Во оваа амбициозна сценска постановка учествува импресивна актерска екипа:

Тони Михајловски, Габриела Петрушевска, Никола Ристановски, Звездана Ангеловска, Софиа Насевска-Трифуновска, Владо Јовановски, Григор Јовановски, Ана Стојановска, Оливер Митковски, Тања Кочовска, Александар Микиќ, Верица Недеска, Сашко Коцев, Гораст Цветковски, Јордан Симонов, Сашка Димитровска, Емил Рубен, Александар Ѓорѓиески, Дамјан Цветановски, Ивица Димитријевиќ, Александар Михајловски, Јана Вељановска и Стефан Спасов, соопшти МНТ.

Директорот на МНТ, Никола Кимовски дека на прес-конференција рече дека во годината кога Македонски народен театар одбележува 80 години од постоењето горд е што првпат во историјата на македонскиот театар делото „Варвари“ ќе оживее токму на оваа сцена и е благодарен што професорот Владимир Милчин го ставил својот режисерски печат токму на оваа претстава.

Режисерот Милчин рече дека ова е негова последна претстава во МНТ. Оваа драма, појасни, не е одиграна ниту на руски јазик во земјата во која авторот живеел пред да мора да се пресели во Италија за да преживее, за да не биде убиен.

Делото „Варвари“ за првпат се поставува на театарска сцена во Македонија. Напишана во 1906 година, драмата на Горки се занимава со длабоки социјални и морални конфликти на почетокот на 20 век во Русија, преку судирот меѓу старото и новото, традицијата и модерноста, човечноста и бездушниот технички напредок.

Главните ликови — интелектуалци, инженери, работници и обични луѓе — се поставени пред морални дилеми што ги откриваат нивните најдлабоки човечки слабости и противречности.

Како автор, Максим Горки останува извонредно современ и во 21 век. Неговите дела, меѓу кои и „Варвари“, се остра критика на лажната цивилизација и моралната корупција што ги носи капитализмот. Преку инженерите Черкун и Циганов, симболи на „железната“ Русија, која ја уништува човечноста на „дрвената“, Горки поставува суштинско прашање — дали напредокот има смисла ако не е заснован на морал и совест.

Тагови: МНТ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Иста мама, но таа вели - „Не сум ни блиску до неа“

Луѓето велат дека таа е истата мајка, но таа тврди: „Не сум ни блиску до неа“.

Манекенката Каја Гербер (24) – ќерка на една од најпознатите манекенки од 90-тите и 2000-тите, легендарната Синди Крафорд, и на бизнисменот Рене Гербер – во последните месеци е предмет на јавни коментари поради неверојатната сличност со својата мајка, иако таа самата смета дека не изгледа така.

Иако многумина тврдат дека таа е копија на мајка си, Каја – која сега е успешна манекенка со сопствена кариера – истакна дека тоа за неа претставува голем комплимент, но дека не се согласува со мислењето на јавноста.

„Би сакала да е вистина. Не мислам дека сум ни блиску до неа, дури и во моите најдобри изданија, но тоа е навистина голем комплимент“, рече таа во интервју за Yahoo Entertainment.

„За мене, таа е најубавата жена на светот, и однадвор и одвнатре. Ако луѓето мислат дека личам на неа, тоа е најголемиот комплимент што можам да го добијам“, вели Каја, ќерката на Синди Крафорд, која денес има 60 години и сè уште воодушевува со својата фигура и природна убавина.

Тагови: синди крафорд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Мајкл Даглас е горд татко

Легендарната холивудска ѕвезда, актерот Мајкл Даглас не крие дека е горд татко,сите погледи вперени во младата дама што го придружуваше.

Холивудскиот актер Мајкл Даглас моментално престојува на Мајорка, каде што му беше врачена специјалната награда „Земја на честа“ (Land of Honour) за неговиот долгогодишен придонес во промоцијата на островот и неговата култура.

Тој не присуствуваше сам на церемонијата, туку во придружба на својата ќерка Керис, која привлече речиси исто толку внимание како и нејзиниот славен татко.

Дваесет и тригодишната Керис се појави во елегантна црна комбинација, а многумина од присутните забележаа дека, како што минуваат годините, таа сè повеќе личи на својата мајка, добитничката на „Оскар“, Кетрин Зита-Џонс.

Нејзиниот едноставен, а сепак софистициран стил уште еднаш потврди зошто таа важи за една од најелегантните млади дами од холивудските семејства.

Карис неодамна ги заврши студиите по филм на Универзитетот „Браун“, а ова лето ја доби својата прва професионална театарска улога во Њујорк, толкувајќи го ликот на Нина во претставата „Галеб“ од Чехов. Покрај глумата, таа работи како модел, свири пијано и пее, со што ја продолжува уметничката традиција на своето семејство.

Мајкл Даглас со децении летува на Мајорка – каде што го поседува имотот „С’Естака“ – поради што многумина го сметаат за неофицијален амбасадор на овој шпански остров.

Тагови: Мајкл Даглас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Рекорд за Гинис, Нисан Кашкаи помина 1.980 километри со еден резервоар гориво

Автомобил Нисан Кашкаи помина 1.980 километри со еден резервоар гориво.

Со својот систем e-Power, Nissan претстави решение во кое бензински мотор ја полни батеријата, додека батеријата го напојува електромоторот или електромоторите.

Сега, Qashqai e-Power влезе во Гинисовата книга на рекорди.

Независен експерт ги придружуваше возачите во текот на целото патување, што е еден од условите за проверка на записот.

Унапредениот Qashqai, опремен со најновата генерација на системот e-Power, успеа да помине импресивни 1.980 километри со еден резервоар гориво. Со тоа беше поставен рекорд за најголемо растојание поминато од SUV-возило со систем за продолжување на опсегот (range extender), без потреба од надворешно полнење или дополнување гориво.

Патувањето се одвивало во Колумбија, во периодот од 14 до 17 јули 2026 година, на релација од Богота до карипскиот брег, при што беа опфатени разновидни услови за возење.

Но, Nissan не објави детални информации за конкретната рута.

За да се обезбеди официјално признавање на рекордот, во текот на целото патување возилото беше придружувано од независен експерт – услов неопходен за сертификација од страна на Гинисовата книга на рекорди.

Според официјалните податоци на производителот, просечната потрошувачка на гориво кај моделот Qashqai e-Power изнесува 4,3 l/100 km, пренесува HAK.

Треба да се напомене дека, во оваа прилично тесно дефинирана категорија, Qashqai досега немаше официјално признат ривал – ниту претходен рекордер – иако тоа би можело да се промени во иднина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.