Во масовна гробница се најдени уште десет останки од жртвите на геноцидот во Сребреница

Посмртните останки на најмалку десет жртви на геноцидот на Бошњаците во јули 1995 година во Сребреница се пронајдени во уште една масовна гробница во близина на Калиновик, според Меѓународната комисија за исчезнати лица (МКИЛ) со седиште во Хаг.

Анализата на примероците на ДНК од скелетните остатоци пронајдени во гробницата откриена во мај потврдила дека Бошњаците закопани таму биле заробени во Сребреница, по што биле убиени од припадници на војската и полицијата на босанските Срби.

Податоците за идентитетот на новооткриените жртви, кои биле потврдени при истрагите во лабораториите на ICMP во Хаг, се доставени до Институтот за исчезнати лица (ИНО) на Босна и Херцеговина.

Гробницата во селото Добро Поље во близина на Калиновик, родното место на командантот на војската на босанските Срби Ратко Младиќ, кој беше осуден за воени злосторства, вклучително и за геноцидот во Сребреница, се првите гробишта со жртви од Сребреница пронајдени од 2016 година.

Гробиштата се на непристапен терен покриен со камења и градежен отпад. Форензичарите утврдиле дека останките на жртвите покажуваат краткотрајни егзекуции.

Според Метју Холидеј, раководител на програмата на ICMP за Западен Балкан, локалитетот Калиновик е невообичаен по тоа што е далеку најоддалечениот од сите досега пронајдени гробници поврзани со геноцидот во Сребреница.

Локацијата е на само неколку километри од селото Годињске Баре кај Трново, каде во средината на јули 1995 година, припадниците на српската паравоена единица „Скорпиони“ застрелале шест бошњачки затвореници од Сребреница, како што е забележано на шокантните снимки прикажани за време на судењето на Слободан Милошевиќ пред Хашкиот трибунал.

Повеќе од 8.000 Бошњаци, главно мажи и момчиња, беа убиени во геноцидот во Сребреница. Се уште се трага по останките на околу илјада жртви.

Британски виролог: Влегуваме во нова фаза на пандемијата, вирусот се менува

Иако во светот расте бројот на новозаразени, па многу земји воведуваат построги мерки кои предизвикуваат незадоволство кај луѓето, експертите велат дека крајот на пандемијата конечно е видлив.

Питер Пиот, виролог од Лондонската школа за хигиена и тропска медицина, смета дека омикронот и вакцината се добри за колективниот имунитет.

„Влегуваме во нова фаза на пандемијата бидејќи вирусот се менува. Дека тоа го прави често доказ е оваа последна варијанта, омикрон, која побрзо предизвикува зараза, но нејзинити последици се полесни“, изјави Пиот за ХРТ.

Тој вели и дека благодарение на вакцината паѓа смртноста.

„Навистина мислам дека се движиме во насока на постигнување колективен имунитет. Имаме уште многу да научиме, но најважно е да го намалиме ризикот од инфекција“, вели тој.

Владиниот економски тим на средба со делегација на ЗЕЛС

Дел од министрите од Владиниот економски тим, остварија средба со делегација од Заедницата на единиците на локална самоуправа, се наведува во соопштението од Владата. 

Дел од министрите од Владиниот економски тим, предводени од заменикот на претседателот на Владата задолжен за економски прашања, координација на економските ресори и инвестиции, Фатмир Битиќи, придружуван со министерите за финансии Фатмир Бесими, економија, Крешник Бектеши и локална самоуправа, Горан Милевски, денес остварија средба со делегација од Заедницата на единиците на локална самоуправа, која ја предводеа претседателката и градоначалничка на Скопје, Данела Арсовска и потпретседателите, градоначалникот на Валандово, Перо Костадинов и градоначалникот на Чаир, Висар Ганиу, а во која беа и градоначалниците на Теарце, Нухи Незири, градоначалникот на Радовиш, Ацо Ристов и извршната директорка на ЗЕЛС, Душица Перишиќ.

Претставниците на ЗЕЛС ги изнесоа предизвиците со кои се соочуваат локалните самоуправи, поврзани со економската и енергетската криза и побараа поддршка од Владата, за да истите бидат полесно надминати.

Вицепремиерот Битиќи и претставниците на Владата посочија дека за секое прашање, кое е важно за граѓаните се води отворен дијалог и притоа ја истакнаа отвореноста за соработка со единиците на локална самоуправа за заедничко надминување на тековните предизвици. Сите теми кои се важни за граѓаните, за нормално функционирање на општеството треба да се дискутираат и да се најдат најсоодветни решенија кои се во општ интерес.

На состанокот, се согласија предизвиците со кои се соочуваат единиците на локална самоупрва да се елаборираат детално, да се направат соодветни анализи и да се предложат соодветни решенија за нивно надминување.

Косовски автобус слета од автопат во Бугарија, најмалку 29 повредени (ВИДЕО)

Во сообраќајна несреќа во Бугарија повредени се 29 патници од Косово, од кои шест деца, кога автобусот се судрил со камион во градот Ќустендил и слетал од патот.

Според приштинските медиуми, несреќата се случила околу 4.30 часот, кога патнички автобус од Косово удрил во запрен камион кој превезувал дрва.

Возачот на камионот наводно се обидел да им укаже на другите во сообраќајот дека паднало дрво на коловозот. Автобусот удрил во камионот и излетал од патот.

Возачот на автобусот се здобил со полесни повреди и бил пренесен во локалната болница. Увид на лице место извршила полиција, а поради сообраќајната незгода е поведена постапка и за истата е известен обвинител.

притисни ентер