Во Лондон дводневен Самит за борба против шверцот на мигранти - Канал 5

Свет

Во Лондон дводневен Самит за борба против шверцот на мигранти

 Владата на Велика Британија ќе биде домаќин на првиот меѓународен Самит за безбедност на границите во борбата против криминалните мрежи кои организираат шверцување на мигранти.

Во Лондон дводневен Самит за борба против шверцот на мигранти

Министрите и претставниците на органите на редот од 40 земји денеска и утре во Лондон ќе разговараат за меѓународната соработка, рутите на мигрантите, финансискиот криминал и онлајн рекламирањето за поттикнување на опасните патувања.

Преминувањето на Ла Манш со преоптоварени мали чамци е дел од поширокиот проблем на организираниот криминал, кој ја поттикнува имиграцијата за профит. Годинава регистриран е рекорден број илегални мигранти, кои пристигнаа во Велика Британија преку Ла Манш. Минатата година, беа отстранети повеќе од 8.000 реклами на социјалните мрежи каде трговците со луѓе рекламираа патувања пред да се префрлат на шифрирани канали, при што стотици луѓе беа уапсени за олеснување на патувањата.

На Самитот ќе се разговара за тоа како да се следат парите на трговците со луѓе на глобално ниво. Се претпоставува дека стотици милиони се префрлени илегално преку неформалниот систем за трансфер на пари „хавала“, кои иако е легално средство, се користи и за плаќања поврзани со нелегално преминување на Ла Манш.

Се бара и воведување нови кривични дела и давање овластувања на полицијата и на органите за спроведување на законот за борба против тероризмот.

Тагови: Лондон мигранти самит

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Видео: Поплави во Кина, евакуирани 54000 жители

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

 Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Драма во Романија, веднаш подигнати два авиона Ф-16

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер