Во Куманово успешно се реализираа третите од вкупно четирите мини Олимписки игри 2026 - Канал 5

Олимписки игри

Во Куманово успешно се реализираа третите од вкупно четирите мини Олимписки игри 2026

Во Куманово успешно се реализираа третите од вкупно четирите Мини Олимписки игри 2026, организирани во рамки на ОВЕП програмата поддржана од Олимписка солидарност.

Во Куманово успешно се реализираа третите од вкупно четирите мини Олимписки игри 2026

На настанот учество земаа 240 ученици и 20 наставници од основните училишта, кои преку спортски и едукативни активности ги промовираа олимписките вредности – фер плеј, почит, тимска работа и пријателство.

Мини Олимписките игри свечено ги отворија претседателот на Македонскиот олимписки комитет, Даниел Димевски и претседателката на Советот на Општина Куманово, Ивана Ѓорѓиевска, кои ја нагласија важноста на спортот, физичката активност и олимписката едукација кај младите.

Во рамки на активностите, Македонскиот олимписки комитет донираше спортска опрема и училишен инвентар во три основни училишта во Куманово. Донацијата опфати кошаркарски, фудбалски и одбојкарски топки, конуси, хулахопи, мрежи за кошеви, спортски реквизити, како и едукативни и наставни материјали за останатите училишни предмети, со цел подобрување на условите за учење, спорт и правилен развој на учениците.

Настанот помина во одлична атмосфера исполнета со позитивна енергија, дружење и спортски дух, а учениците уште еднаш покажаа дека олимписките вредности успешно се негуваат и пренесуваат меѓу младите.

Македонскиот олимписки комитет продолжува со реализација на активности кои придонесуваат за развојот на спортот и олимписката едукација низ целата држава, соопштуваат од Олимпискиот комитет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото „Жешката“ Италијанка„го запали“ Светското првенство и социјалните мрежите

Атрактивната италијанска ТВ водителка  Елеонора Инкардона импресионираше на самиот почеток на Светското  фудбалско првенство иако нејзината Италија не учествува на 23 Мундијал.

Фото „Жешката“ Италијанка„го запали“ Светското првенство и социјалните мрежите

Сексапилната Елеонора со серија фотки го запали социјалните мрежи и сега сите како што минуваат деновите, очекуваат нови изненадувања од неа.

Италијанската водителка Елеонора Инкардона, која многумина ја нарекуваат најубавата Италијанка, објави серија фотографии од Светското првенство, овој пат го следеше натпреварот помеѓу Франција и Сенегал.

Елеонора на мечот се појавила во комплет составен од панталони и топ, во светли нијанси.

Ефективна шминка и само една нараквица дополнително го надополнија целото издание, а Елеонора позираше со насмевка и уживаше во сите комплименти што ги привлече.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Нејмар го пропушта и 2 коло на Мундијалот

Ѕвездата на фудбалската селекција на Бразил, капитенот Нејмар  го пропушта и дуелот од 2 коло  против Хаити на Светскиот шампионат во САД, Канада и Мексико, потврди тамошната Федерација.

Нејмар го пропушта и 2 коло на Мундијалот

Нејмар нема да патува во Филаделфија за натпреварот од второто коло од групната фаза. Тој ќе остане во Њу Џерси, каде што влегува во завршната фаза од процесот на рехабилотација од повредата.

Синоќа Нејмар тренираше за прв пат откако се приклучи на репрезентацијата на Бразил за Светското првенство.

Тој работеше индивидуално во теретаната на хотелот каде што престојува делегацијата. Сè уште му е забрането да учествува во активности што бараат физички контакт.

Тој не одиграл официјален натпревар од 17 мај, а оттогаш е посветен на единствената цел - рехабилитација. Прашањето е дали ќе биде во протоколот за натпреварот против Шкотска на 25 јуни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Кралицата на провокациите повторно во секси бикини

Една од најубавите жени на светот, манекенката Емили Ратајковски повторно го запали интернетот со серија објави каде што позира во бикини, но во некои провокативни фустани. 

Фото: Кралицата на провокациите повторно во секси бикини

Моделот Емили Ратајковски се појави во центарот на вниманието кога откри непознати детали за нејзиниот развод и животот потоа, откривајќи сè за нејзините авантури за една ноќ ...

Убавата Емили која е позната и како кралицата на провокациите сега ги воодушеви фановите на социјалните мрежи со серија фотки на кои позира или во бикини или во провокативен фустан .

Бидејќи моментално ужива во одморот, таа ја одбра својата омилена дестинација - Мајорка, Емили позираше во бикини кои речиси откриваа премногу, а потоа покажа црвен мрежест фустан кој речиси ништо не покрива.

Тагови: Емили Ратајковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер