Македонија

Во Крушево „се заборави“ да се испее строфа од песната „Во борба македонски народе“

-Излеговме ние смели партизани, над нас на Гоце знамето се вее, во гори, во полја и на сите страни, фашистичка крв, насекаде се лее. Овие стихови од песната „во борба“ не се слушнаа во Крушево на годинешното одбележување на Илинден.

Прескокнувањето на овој дел од песната од страна на хорот на МОБ, наиде на бројни осуди и предизвика бурни реакции во јавноста.

За прескокната трета строфа од МОБ преку соопштение порачаа дека партитурите кои со години ги поседуваат досега не се променети во ниту една изведба, како ни на последната пред „Македониумот“ за Илинден.

-Од страна на НУ. Национална опера и балет не се извршени интервенции врз нотните кои се чуваат во нашата музичка архива повеќе од 20 години на ист начин како на денот 01.08.2022 год., години наназад на сите каде настапувал Хорот. Велат од опера и балет.

Од министерството за култура, под чија капа е МОБ, велат дека немаат надлежност да постапат во конкретниот случај бидејќи се работи за народно творештво чиј што автор не е познат.

-Во случај кога авторот не е познат, ниту пак може тој да се определи според законот, авторското право го остварува лицето кое законски го објавило авторското дело. Велат од министерство за култура.

Околку скратената верзија на песната меѓусебно реплицираа и естрадните уметници, Владмири Блажев познат како Ди-Џеј Панчо и Елена Петреска која е дел од хорот на МОБ и пееше во Крушево.

Блажев покрај честитката за Илинден ги прозва како што вели, „оние“ кои се виновни“. Петреска одговори дека строфата не е исфрлена и оти станувало збор само за провокации. Аранжманот кој што се изведувал бил стар повеќе од една деценија и не бил направен специјално за оваа пригода, напиша Петреска.

Свет

Блинкен оди на последниот состанок на НАТО, на врвот на агендата - поддршката за Украина

Американскиот државен секретар Ентони Блинкен заминува на својот, можеби последен состанок на НАТО во Брисел каде денеска и утре - во фокусот на состаноците на министрите за надворешни работи е зајакнувањето на сојузничката поддршка за Украина.

Американскиот државен секретар Ентони Блинкен заминува на својот, можеби последен состанок на НАТО во Брисел каде денеска и утре - во фокусот на состаноците на министрите за надворешни работи е зајакнувањето на сојузничката поддршка за Украина пред враќањето на Доналд Трамп во Белата куќа во јануари.

Блинкен ќе разговара за трансатлантските безбедносни приоритети, вклучително и поддршка на борбата на Украина против руската инвазија, продлабочување на соработката со јужните партнери на НАТО на Блискиот Исток, Северна Африка и подготовка за претстојниот самит во Хаг. Претседателот во заминување Џозеф Бајден нема да биде на функцијата кога лидерите на НАТО ќе се соберат на нивниот следен самит во јуни, но тој ги засили испораките на оружје за Украина во последните месеци и исто така ги олесни ограничувањата за тоа како Киев може да го користи оружјето.

Блинкен од Брисел ќе отпатува за Малта, каде в четврток ќе присуствува на состанокот на министрите за надворешни работи на Организацијата за безбедност и соработка во Европа.

Фудбал

Ѕаниоло го соблече дресот за да го прослави голот против својот поранешен тим

Николо Ѕаниоло емотивно го прослави голот против својот поранешен тим.

Фудбалерот од средниот ред на Аталанта постигна гол синоќа против Рома во последниот натпревар од 14. коло на Серија А. Натпреварот на „Олимпико“ во Рим заврши со победа на гостите со 2:0.

Прославувајќи го голот, Ѕаниоло го соблече дресот и истрча до навивачите од Бергамо. За ова доби жолт картон.

Да потсетиме, Николо мина четири и пол години во римскиот тим, по што се пресели во Галатасарај. За Аталанта настапува како позајмен од турскиот клуб.

Свет

Стармер призна дека војната во Украина може да заврши со мировни преговори

Британскиот премиер, Кир Стармер рече дека зајакнувањето на поддршката за Украина е од најголема важност за Киев да може да влезе во какви било мировни преговори од најповолните можни почетни позиции.

Тоа е најјасното признание досега од негова страна дека војната може да заврши со преговори, јавија британските медиуми.

Стармер ја истакна важноста за продолжување на помошта од Западот за Украина и предупреди дека руската победа ќе ја загрози безбедноста, стабилноста и просперитетот на Европа.

-Мораме да продолжиме да ја поддржуваме Украина и да направиме се што е потребно за да ги зајакнеме нејзините капацитети за самоодбрана онолку долго колку што е потребно, рече британскиот премиер во говорот во Лондон. „Да се стави Украина во најдобра можна преговарачка позиција за да може да си обезбеди праведен и траен мир на начин кој ќе ја гарантира нејзината безбедност, нејзината независност и нејзиното право да ја избере сопствената иднина“, рече тој.

Забелешките на Стармер доаѓаат во клучен момент во војната, при што Русија напредува со најбрзо темпо од 2022 година, а новоизбраниот претседател на САД Доналд Трамп, кој е длабоко скептичен за американската поддршка за Украина, вети дека ќе стави крај на војната веднаш штом ќе ја презеде функцијата во јануари.