Во Кривичен пресуда за Муамед Зеќири - Канал 5

Македонија

Во Кривичен пресуда за Муамед Зеќири

Во Основниот кривичен суд Скопје денеска треба да биде објавена пресудата за поранешниот генерален секретар на Владата, Мухамед Зеќири, во која тој се товари за „злоупотреба на службената положба и овластување“.

Во Кривичен пресуда за Муамед Зеќири

Застапникот на обвинението, обвинителката Катерина Коларевиќ во завршните зборови рече дека осомничениот Мухамед Зеќири без да спроведе јавна набавка, директно склучувал договори со правни лица кои работеле под сомнителни околности.

Процесот, како што образложи, почнал кога на предлог на вицепремиерот Фатмир Битиќи, Владата заклучила дека е потребно да се спроведе постапка за да се направи физибилити студија во врска со македонски пошти и Железници Транспорт, а задолжен за постапката бил Мухамед Зеќири во улога на генерален секретар.

- Наместо обвинетиот да спроведе постапка за јавна набавка, тој склучил директно договор со правното лице друштво за менаџмент, консултантски услуги и трговија „Интерхолдинг дуо“, кое било основана само 12 дена пред донесувањето на конкретниот заклучок на Владата. Од сите докази очигледно е дека од постоењето на правното лице обавува само една единствена соработка со секретаријатот на Владата, седиштето на правното лице на ден 13 април 2022 година е најдено заклучено, ниту биле најдени вработени лица. Произлегува дека правното лице единствено било основано заради извршување на договорот склучен со секретаријатот на Владата, истакна обвинителката.

Обвинителката му предложи на судот да спроведе постапка за конфискација на имотот, но и на парични средства пронајдени во сефот кај сопругата на осомничениот, со образложение дека тие претставуваат парични средства на обвинетиот.

Одбраната посочи дека Јавното обвинителство не доставило доволно докази за да докаже дека осомничениот со директна умисла ги правел активностите, а во текот на постапката се покажало дека Мухамед Зеќири само спроведувал постапки исклучиво по наредба на Владата, а врз основа на одлуки донесени од Владата. Во однос на предлогот на обвинителството за одземање на средствата на сопругата на осомничената, одбраната оцени дека тоа би било незаконски и нечовечки затоа што осомничениот доставил писмени докази за потеклото на тие средства.

- Зеќири писмено докажа од каде потекнуваат средствата на неговата сопруга и дека тие потекнуват од нејзините родители и се уредно пријавувани, барањето на обвинителството за запленување на овие средства е незаконски, но и нечовечки, поради состојбата во која се наоѓа сведокот, посочи Владмир Андреевски.

Зеќири се изјасни за невин и рече дека само извршувал активности за кои бил задолжен со одлука на Владата.

- Владата во својата работа донесува заклучоци во која ги задолжува органите да постапуваат, мене ме задолжија да ги споредам сите активности, а во заклучокот немаше предвидена јавна набавка. Обвинението дека со умисла сум направил некаква штета, кога јас како генерален секретар само извршував владин заклучок, што беше и моја законска службена обврска. Ако кривичното дело злоупотреба на положбата може да се стори исклучиво со умисла, никако не можам да бидам обвинет за такво кривично дело бидејќи јас извршував само туѓа замисла, посочи тој.

Јавната обвинителка неодамна, согласно измените во Кривичниот Законик, го трансформираше поднесениот обвинителен акт во обвинителен предлог.

- Поднесениот обвинителен акт е трансформиран во обвинителен предлог согласно измените на Кривичниот закон од септември 2023, кои што предвидуваат поблаго казнување за обвинетиот. Врз основа на тоа е извршена измена на диспозитивот на сега поднесениот обвинителен предлог во делот на опфатот на законските елементи на кривичното дело кое му се става на товар, образложи обвинителката.

Согласно сега поднесениот обвинителен предлог, на поранешниот генерален секретар Зеќири му се става на товар делото „злоупотреба на службена положба и овластување“ - 353 став 4 кој предвидува казна затвор од 1 до 5 години, за разлика од претходно, кога му се ставаше на товар истиот член под став 5, кој предвидуваше минимална казна затвор од 5 години.

Поранешниот генерален секретар на Владата, Мухамед Зеќири се товари дека во периодот од април 2021 до јануари 2022 година во својство на генерален секретар на Владата, без да спроведе јавна набавка, склучил договори за консултантски услуги во вкупна вредност од речиси еден милион евра, односно биле платени 147.000 евра повеќе од претходно договорените 795.000.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Канадскиот селектор стана апсолутен хит со танцот по победата (ВИДЕО)

Канадската фудбалска репрезентација минатиот четврток испиша историја, освојувајќи ја својата прва победа на Светското првенство со убедлив настап против Катар. 

Канадскиот селектор стана апсолутен хит со танцот по победата (ВИДЕО)

Сепак, и покрај победата со шест гола разлика, моментот од натпреварот што стана вирален низ целиот свет беше необичната прослава на канадскиот тренер Џеси Марш од аут-линија.

Танцот што стана интернет хит

Откако Таџон Бјукенен беше соборен во шеснаесетникот на Катар во средината на првото полувреме, тренерот Марш не можеше да ги сокрие своите емоции. Тој истрча по теренот и изведе танц преку чиста импровизација, мавтајќи со рацете и енергично танцувајќи, а истовремено изгледаше како самиот да ја сигнализира најстрогата казна.

Видеото стана вирално, а корисниците на социјалните мрежи сè уште се обидуваат да сфатат што точно сакал да каже 52-годишниот Американец. „Ова е GIF од целото првенство, без понатамошно одложување“, напиша еден навивач, додека друг додаде: „Човекот заслужува награда за овој мем“.

Исто така, имаше хумористични коментари, како на пример: „Само не дозволувајте белото момче премногу да се занесе“, а некои предложија Канада да ја замени репликата „Чарли Браун“ во популарната песна „Ча-Ча Слајд“ со танцовиот потег на Марш. Други го споредија со месар кој сече шунка, додека некои сметаа дека дипломецот од Принстон само ја пушта својата екипа од „Ајви лигата“ да се опушти.

Не беа сите импресионирани

Сепак, не беа сите задоволни од однесувањето на Марш. Ирскиот телевизиски аналитичар Алан Ко од RTÉ Sport беше многу критичен, нарекувајќи ја неговата прослава „глупост“. „Имајте малку стил и достоинство, ова е само вториот натпревар од групата на турнирот“, рече Ко. „Само соберете се и смирете се малку“.

Марш: Треба да славиме моменти како овој

По натпреварот, Марш накратко се осврна на својата енергична прослава, објаснувајќи дека победата не е обичен момент за неговата земја. „Треба да го славиме успехот“, рече тој. „Големи моменти како овој не се случуваат лесно. Тоа беше важен момент за спортот во оваа земја“.

Победата против Катра е од огромна важност за Канада. Имено, до минатиот четврток, нивната машка репрезентација никогаш не победила на натпревар од Светското првенство, ниту пак постигнала повеќе од еден гол на турнирот. Убедлива победа ја става Канада во одлична позиција да се пласира во осминафиналето поради подобрата гол-разлика.

Следниот противник ќе зависи од исходот на последниот натпревар во Групата Б против Швајцарија. Двете репрезентации моментално имаат по четири бода, но Канада е во водство поради гол-разликата, што е прв критериум во случај на ист број бодови. Канада може да го обезбеди првото место во групата со победа или нерешен резултат против Швајцарија. Натпреварот ќе се игра следната среда во Ванкувер, со почеток во 21:00 часот по средноевропско време.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Целосно нова градинка,,Пролет 2” во Козле

Општина Карпош денес ја започува изградбата на нов, современ објект на градинката „Пролет“ -Објект Пролет 2 во Козле кој ќе биде лоциран на улицата Милан Марковиќ, на местото на стариот досегашен објект.

Целосно нова градинка,,Пролет 2” во Козле

Новиот објект е проектиран согласно современите стандарди за престој и развој на децата, со предвидена изградена површина од 1.156 м2 и вкупна површина за игра и зелени површини од 1.949 м2.

Капацитетот на новата градинка изнесува 130 деца.

Овој нов современ објект на градинката „Пролет„ содржински е уреден со зони за згрижување на децата, административен дел, кабинети, чајна кујна, креативен простор, помошни простории, подземен паркинг, лифт и кровна зелена тераса. Објектот ќе содржи седум занимални со посебни санитарии и посебни тераси како и една сензорна соба и тоалет за деца со инвалидитет.

Заменик-градоначалникот Неделчо Крстевски, истакна дека со реализација на овој проект, по долгогодишен период, општината конечно добива нов, современ објект во урбаниот дел од Карпош, наменет за најмалите жители.

-Посебно сме горди што денес започнуваме со изградба на објект кој ќе биде дом на најмладите карпошани. Не станува збор само за инвестиција во објект туку за инвестиција во иднината на нашите најмали жители, во место во кое ќе растат, ќе се развиваат и ќе создаваат спомени“ – истакна Крстевски.

Вкупната вредност на инвестицијата изнесува 137.245.089 денари, средства обезбедени од Владата преку јавен повик, на кој Општина Карпош аплицираше со сопствен проект. Рокот за завршување на проектот е 120 дена.

Изведувач на градежните работи е Друштвото за производство, трговија и услуги ,,НЕКСОС ИНЖЕНЕРИНГ” ДООЕЛ експорт-импорт Скопје, а надзор над градежните работи ќе врши МГ ПРОЕКТ.

Со изградната на новиот објект „Пролет 2“, Општина Карпош продолжува со унапредување на предучилишната инфраструктура и создавање современи услови за воспитување, образование и правилен развој на најмладите жители.

Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Анчелоти ги израдува навивачите: Нејмар се враќа

Бразилската репрезентација лесно го победи Хаити во второто коло од Групата Ц со резултат од 3:0, а Карло Анчелоти откри неколку добри вести по натпреварот.

Анчелоти ги израдува навивачите: Нејмар се враќа

Бразилците не блескаа во дуелот со Хаити, но тоа беше доволно што по првото полувреме не мораа да се грижат за конечниот исход. Сепак, Нејмар повторно отсуствуваше од составот, кој не отпатува со тимот на вториот натпревар, но Анчелоти откри одлични вести.

Бразилскиот селектор беше прашан дали Нејмар ќе се врати пред дуелот со Шкотска и даде потврден одговор:

- Нејмар ќе тренира индивидуално утре, потоа ќе се врати на тренинг со тимот во недела, а потоа ќе биде во составот за натпреварот против Шкотска - рече Анчелоти.

Имаше сериозна контроверзност околу тоа дали Нејмар треба да оди на Светското првенство токму поради неговите чести проблеми со повреди. Анчелоти сепак го зеде со себе и сега Бразилецот би можел да дебитира на Светското првенство оваа година против Шкотите.

Тагови: Анчелоти Нејмар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер