Култура

Во Крива Паланка изложба од Лесновската ликовна колонија 2023

 Во Национална установа Центар за култура Крива Паланка денес беше отворена изложбата дела од годинашната Лесновска ликовна колонија, 31. по ред на која симболично, создадени се 31 дело од вкупно 17 автори-учесници.

-Ова е прво претставување на делата кои беа создадени во периодот од 28 јуни до 2 јули годинава, од страна на учесниците од Србија, Данска, Бугарија и од нашата држава. Лесновската ликовна колонија настанала далечната 1992 година како една идеја што низ годините не престанала да се реализира и денес важи за една од најпрестижните и најреномираните во нашата држава. Уметниците се сместуваат во капацитетите на село Лесново кадешто се наоѓа и еден од најубавите и најпознати манастири во Македониај и пошироко, па уметниците ја црпат инспирацијата и од манастирот и од прекрасната околина, рече директорката на Дом на културата „Злетовски рудар”, Пробиштип, Сандра Мијалковска.

Проектот ,,Meѓународна Лесновска Ликовна колонија 2023” е избран на Годишните конкурси за финансирање проекти од национален интерес во културата за 2023 година, од областа на визуелните уметности, архитектурата и дизајнот.

Главен покровител на „Лесновската Ликовна колонија” е општина Пробиштип, а организатор е Дом на културата „Злетовски рудар” од Пробиштип.

На годинашната колонија меѓу бројните реномирани автори-учесници учествуваше и кривопаланчеката уметница, Христина Стојчевска, која остави две маестрални дела во збирката на колонијата и истите се дел од изложбата поставена во Крива Паланка.

Сите љубители на уметноста можат да уживаат во делата од постановката во следните десет дена.

Тенис

Ѓоковиќ оди во Шпанија за да го испрати Надал во пензија: Ќе бидам таму и ќе ти оддадам почит

Шпанскиот тенисер Рафаел Надал одлучи да се пензионира, да го закачи рекетот и да стави крај на многу, многу успешната кариера која ја имаше.

Поради ова се огласи и Новак Ѓоковиќ, кој има само пофални зборови, објави Телеграф.

Новак Ѓоковиќ на Инстаграм објави нивни заеднички фотографии на кои напиша и многу емотивни зборови.

- Рафа, еден пост не е доволен за да ја изразам почитта што ја имам кон тебе и она што го направи за нашиот спорт. Сте инспирирале милиони деца да почнат да играат тенис и мислам дека тоа е веројатно најголемото достигнување што некој може да го посака. Вашата истрајност, посветеност и борбеност ќе се проучуваат со децении. Вашето наследство ќе живее засекогаш. Само вие знаете што требаше да издржите за да станете икона на тенисот и спортот воопшто. Ви благодарам што ме туркавте до граница толку многу пати во нашето ривалство, што најмногу ме обликуваше како играч. Вашата страст за претставување на Шпанија отсекогаш била извонредна.

Исто така, на самиот крај изјави дека лично ќе дојде во Малага да го гледа на Дејвис купот.

- Ви посакувам најдобро можно збогување во Малага со шпанскиот тим во Дејвис купот. Ќе бидам таму лично за да оддадам почит на вашата неверојатна кариера.

Свет

Силно невреме го погоди северот на Италија, црвен аларм во Ломбардија (ВИДЕО)

Во Италија денеска е издадено предупредување за силно невреме и ветрови во регионот од Трст до Тоскана, а црвен метео аларм е прогласен за северниот регион Ломбардија, каде што се затворени средните училишта во Бергамо и Леко.

Прогласен е портокалов аларм за регионите Емилија, Трентино и Венето, додека жолта метеоролошка тревога е активирана во Алто Адиџе, Ромања и Лигурија, пренесува ТГ24.

Поради невремето кое го зафати езерото Комо, имало поплави и одрони, а во тек е проценка на штетите.

Надлежните предупредуваат на натамошни можни поплави и советуваат внимателност на патиштата, поради интензивните врнежи и невремето.

Свет

Поплави среде пустината Сахара, жителите не виделе толку вода со децении (ВИДЕО)

Ова лето сме сведоци на незамисливи природни феномени предизвикани од климатските промени.

Затоа неверојатни се фотографиите од Мароко направени по најголемиот дожд во последните неколку години, кој ја погоди Сахара, еден од најсушните региони во светот.

Врнежите предизвикаа поплави, а езерото кое се излеа пред половина век се наполнило со вода, објави „Дејлимејл“. Мароканските власти изјавиле дека дождот што паѓал два дена ја надминал количината на врнежи што паѓа во овој регион за повеќе од една година.

Песокот не можело да задржи толку многу врнежи, па дождот остави сини водени лагуни меѓу палмите и дините на Сахара, хранејќи некои од нејзините најсуви области со вода што ја немале видено со децении.

Пустинскиот дел на југоисточниот дел на Мароко е едно од најсувите места во светот и овде речиси никогаш не врне дожд кон крајот на летото. Во некои области наврнале повеќе од 250 милиметри дожд на метар квадратен.

Во Тагунит, село на околу 450 километри јужно од главниот град Рабат, забележани се повеќе од 100 милиметри дожд во период од 24 часа. Сателитите на НАСА покажале како вода тече во езерото Ирикуи, познатото езеро меѓу Загора и Тата кое пресушило пред 50 години.

Во пустинските заедници посетени од туристи, возилата со погон на четири тркала се пробиваа низ бари додека локалните жители гледаа зачудено.

„Поминаа 30 до 50 години откако имавме толку многу дожд за толку краток временски период“, рече Хусеин Јуабеб од Генералниот директорат за метеорологија на Мароко.

Овие дождови, кои метеоролозите ги нарекуваат екстратропска бура, можат да го променат текот на времето во регионот во месеците и годините што доаѓаат, бидејќи воздухот задржува повеќе влага, предизвикувајќи повеќе испарување и привлекување на повеќе бури.

притисни ентер