Во Крива Паланка денеска ќе се одржи "Сусурига 2026" - Канал 5

Забава

Во Крива Паланка денеска ќе се одржи "Сусурига 2026"

Дефиле од маскирани лица во чест на празникот Прочка организирани во групи што го оживуваат древниот македонски обичај посветен денес ќе продефилира низ центарот на Крива Паланка во рамки на манифестацијата "Сусурига 2026".

Во Крива Паланка денеска ќе се одржи "Сусурига 2026"

Крива Паланка повторно ќе живее во ритамот на вековната традиција, преку манифестацијата „Сусурига 2026“, што со години го негува автентичниот обичај на маскирање и палење оган во чест на празникот Прочка.

Во духот на прошката, заедништвото и обновувањето, градскиот плоштад денеска ќе биде место каде ќе се сретнат генерациите, обединети околу живата традиција што се пренесува од колено на колено. Маскираните поворки, богатите обредни елементи и симболичниот оган ќе создадат силна и впечатлива слика за културниот идентитет на Крива Паланка – препознатлив, достоинствен и жив, се вели во соопштението од Општина Крива Паланка, во кое се повикуваат сите граѓани да ја проследат манифестацијата што ќе започне точно на пладне.

Дефилето ќе тргне од плоштадот „Карпошово востание“, а централниот настан ќе се одржи на градскиот плоштад.

-Пред присутните ќе се претстават бројни фолклорни и обредни групи од земјата и регионот, кои преку традиционални костими, автентични маски, ѕвонци, чанови и обредни игри ќе ја доловат магијата на древните обичаи, додаваат од Општината.

Учесници во годинашното издание се: Здружението „Странчинарски игри“ од село Мокриево, Општина Ново Село, „Ратевски Бамурци“ од село Ратево Општина Берово, суроварска група од село Вискјар, Перник, Бугарија, „Џоломари“ од село Манастирец , Општина Росоман и локалните културно-уметнички ансамбли „Карпош“ и „8 Октомври“ од Крива Паланка.

Манифестацијата „Сусурига 2026“ е во организација на Општина Крива Паланка и фондацијата „Со срце за Крива Паланка“ и има за цел зачувување и промоција на нематеријалното културно наследство и поттикнување на заедништвото меѓу граѓаните.

Тагови: Сусурига

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Пјонгјанг Ким Џонг Ун домаќин на кинескиот претседател Си Џинпинг

Кина и Северна Кореја го зајакнуваат својот сојуз.

Во Пјонгјанг Ким Џонг Ун домаќин на кинескиот претседател Си Џинпинг

Кинескиот претседател Си Џинпинг денес отпатува во Пјонгјанг во прва посета на Северна Кореја од 2019 година, објавија кинеските државни медиуми.

Севернокорејскиот лидер Ким Џонг Ун му приреди церемонијален пречек на кинескиот претседател на аеродромот во Пјонгјанг со воени почести и транспаренти на кои, меѓу другото, пишуваше „Да живее нераскинливото пријателство меѓу Северна Кореја и Кина“, јавува новинската агенција Синхуа.

Кинескиот лидер рече дека односите меѓу Кина и Демократска Народна Република Кореја (ДНРК) се на нова историска почетна точка и се соочуваат со нови можности и предизвици за развој.

Истакнувајќи дека одржувањето, консолидирањето и развојот на односите меѓу Кина и Северна Кореја отсекогаш била непоколеблива политика на КПК и кинеската влада, Си рече дека Кина е подготвена да соработува со Северна Кореја за водење на билатералните односи и за одржување на односите меѓу Кина и Северна Кореја во чекор со предизвиците на времето.

Тагови: Кина Северна Кореја

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Битола: Јавен повик за обезбедување услуги за рехабилитација и поддршка на лица со попреченост преку здруженија на граѓани

Општина Битола објавува јавен повик за обезбедување услуги за рехабилитација и поддршка на лица со попреченост преку здруженија на граѓани.

О. Битола: Јавен повик за обезбедување услуги за рехабилитација и поддршка на лица со попреченост преку здруженија на граѓани

Предмет на овој јавен повик е прибирање понуди од здруженија на граѓани (ЗГ) за обезбедување на следните услуги: логопедски услуги, психо-социјална поддршка, рехабилитациони услуги, едукативни семинари за родителство и грижа и обуки за правата на децата и лицата со попреченост.

Активностите се насочени кон подобрување на квалитетот на животот и социјалната вклученост на лицата со попреченост и нивните семејства.

Подобрување на општата социјална состојба на лицата со попреченост преку услуги обезбедени од здруженија на граѓани, во партнерство со Општина Битола.

Проектите ќе бидат поддржани со средства од Буџетот на Општина Битола за 2026 година согласно Програмата за социјална заштита на Општина Битола за 2026 година.

Документацијата се доставува во архива или по пошта во рок од 10 работни дена од денот на објавување на овој повик заклучно со

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Србин убиен во Барселона- Напаѓачот му се приближил одзади и испукал неколку куршуми

Во пукотницата што се случи во Барселона, убиен е маж, за кого шпанските медиуми велат дека е од српска националност.

Србин убиен во Барселона- Напаѓачот му се приближил одзади и испукал неколку куршуми

Според порталот ElCaso.cat, пукотницата се случила во недела околу 21 часот во внатрешниот двор на зграда во населбата Зона Франко, кога маж облечен во црно испукал неколку куршуми во грбот на човекот.

И покрај напорите на соседите, медицинските работници и агентите на Мосос, кои брзо излегле на терен, човекот починал. Некое време, целата населба била блокирана, но напаѓачот не бил пронајден.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер