Во Косовска Митровица синоќа уапсени четворица момчиња од српска националност - Канал 5

Балкан

Во Косовска Митровица синоќа уапсени четворица момчиња од српска националност

Четворица мажи од српска националност се уапсени доцна синоќа во северниот дел на Косовска Митровица, соопшти полицијата, а причина за тоа биле навреда и напад врз двајца полицајци. 

Во Косовска Митровица синоќа уапсени четворица момчиња од српска националност

Инцидентот се случил околу еден час по полноќ.

Полицијата тврди и дека тројца од нив биле под дејство на алкохол и затоа синоќа не биле во можност да дадат изјава.

Петрит Фејза од косовската полиција за северниот регион, за Коснет изјави дека младите момчиња на градското шеталиште прво навредувале, а потоа нападнале двајца полицајци, по што си заминале.

Еден од полицајците, тврдат од полицијата, се здобил со телесни повреди.

Од ноќеска на интернет кружат видеа од апсењето, а некои граѓани тврдат дека овие млади момчиња биле тепани пред и за време на апсењето.

Косовската полицијата негира дека имало примена на сила, но нагласува дека таа има право да употреби сила доколку лицето кое е предмет на апсење даде отпор или бега.

Уапсените млади момчиња во моментов се наоѓаат во станицата во Јужна Митровица.

Фејза вели дека таму било констатирано дека тројцата биле под дејство на алкохол, и дека им е одреден притвор до 48 часа.

-Бидејќи биле под дејство на алкохол, синоќа не можеа да дадат изјава. Затоа тие се приведени, па нивните изјави за овој настан ќе бидат земени денеска. После тоа ќе се одлучи што понатаму, изјави Фејза за Коснет.

Српската владина канцеларија за Косово и Метохија денеска соопшти дека апсењето и тепањето на тројца Срби во Косовска Митровица ја одразува антисрпската политика на косовскиот премиер Албин Курти и тортурата што секој ден ја трпат и ја доживуваат Србите на северот на Косово, пред очите на целата меѓународна заедница.

„Постојат недвосмислени докази за тоа - снимени болни сцени во кои се гледаат полицајците на Курти како фрлаат српски млади момчиња на земја и ги тепаат и влечат 10 минути, додека тие викаат, а потоа ги приведуваат со вперени долги цевки“, се наведува во соопштението на Канцеларијката.

Оттаму наведуваат дека бил приведен и „Србинот кој го снимал мачењето“ за да се отстранат трагите и доказите за полициската бруталност, „кои, за среќа, биле зачувани“.

„Посебно загрижува тоа што на родителите не им беше дозволено да ги видат децата, ниту пак српскиот медицински тим да ги посети и да ги прегледа, со оглед на тоа што младите беа жртви на докажана полициска бруталност“, соопшти Канцеларијата за Косово и Метохија. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Швеѓаните продадоа два екстремно скапи авиони: Сите се прашуваат кој е купувачот?

Шведскиот одбранбен гигант „Сааб“ (Saab) на 27 јули 2026 година објави дека договорил продажба на два извидувачки авиони „ГлобалАј“ (GlobalEye) на неименувана земја од Блискиот Исток, во зделка вредна околу една милијарда долари.

Швеѓаните продадоа два екстремно скапи авиони: Сите се прашуваат кој е купувачот?

Испораките се планирани за 2030 година, а компанијата „Сааб“ (Saab) – повикувајќи се на националната безбедност и чувствителноста на воената индустрија – не го открива идентитетот на купувачот ниту дополнителни детали за договорот, пренесува „Дифенс блог“ (Defense Blog).

Ваквата таинственост не е невообичаена во воениот сектор, каде што продажбата на извидувачки авиони често вклучува договори за размена на разузнавачки податоци, а купувачите претпочитаат набавката на најсовремена извидувачка технологија да ја задржат подалеку од очите на јавноста.

Она што не е спорно е што всушност прави GlobalEye и зошто побарувачката за него постојано расте, пишува „Defense Blog“.

Изграден врз платформата на деловниот авион „Bombardier Global 6000“ и опремен со низа активни и пасивни сензори, GlobalEye е дизајниран истовремено да следи и идентификува цели во три домени – во воздухот, на море и на копно.

GlobalEye испраќа податоци во реално време, овозможувајќи им на командантите да ги забележат заканите пред тие да се приближат. Според податоците претставени од „Сааб“ (Saab) заедно со резултатите за вториот квартал од 2026 година, леталото може да остане во воздух до 12 часа по мисија и да открива цели на растојание поголемо од 650 километри.

Ова го вбројува во класата на извидувачки летала способни да го надгледуваат целото регионално боиште во текот на една патрола, далеку од која било граница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Поставени средства за смирување на сообраќајот во село Глишиќ

Со цел зголемување на безбедноста на сите учесници во сообраќајот, Општина Кавадарци постави средства за смирување на сообраќајот на крстосницата од улиците „Шишка“ и „27 Март“ во село Глишиќ.

Јанчев: Поставени средства за смирување на сообраќајот во село Глишиќ

Со оваа интервенција се овозможува побезбедно одвивање на сообраќајот, намалување на брзината на движење на возилата и подобра заштита на пешаците и жителите.

Безбедноста на граѓаните останува еден од нашите главни приоритети, а ваквите активности ќе продолжат и на други локации каде што постои потреба од дополнително унапредување на сообраќајната инфраструктура, објави на својот профил на Фејсбук, Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Евростат го потврди дебаклот на Мицкоски: Македонија со најнизок стандард и најслаба куповна моќ во Европа

Евростат објави поразителни бројки, го потврди дебаклот на Мицкоски: Македонија има најнизок животен стандард и најслаба куповна моќ во Европа.

СДСМ: Евростат го потврди дебаклот на Мицкоски: Македонија со најнизок стандард и најслаба куповна моќ во Европа

Евростат ја покажа суровата реалност за економската мизерија во која живеат македонските граѓани после две години Влада на Мицкоски и ВМРО.

Зад Македонија нема друга земја, пред нас се Босна и Херцеговина, Турција, Црна Гора, Србија....

Додека Мицкоски зборува за „трета економија во Европа“, „поголем раст од ЕУ“, и за „економско чудо“, Евростат ја покажува реалноста:

Каква трета економија, какво економско чудо, Македонија е на дното.

Евростат ја објави реалноста дека македонските граѓаните живеат полошо од сите граѓани во Европа.

Тоа е економското чудо на Мицкоски - во факти. А тоа најдобро го знаат граѓаните на Македонија.

Со Мицкоски сме заглавени на дното.

Поради владата на Мицкоски - Македонија ги загуби европските пари од ИПА за пругата

Македонија ги загуби средствата од ИПА фондовите на Европската Унија наменети за изградбата на железничката пруга кон Бугарија.

Наместо европски грант од милиони евра, сега остануваат само кредитите што ќе ги враќаат граѓаните.

Ова е уште еден дебакл на Владата на Христијан Мицкоски.

Губиме милиони евра, европски пари поради тоа што владата на Мицкоски не ги испочитувала роковите, ИПА средствата повеќе не се достапни.

Наместо да ја реализира инвестицијата со европска поддршка, Владата сега ги менува законите за да го избрише фактот дека проектот требало да се финансира и со средства од Европската Унија.

ИПА средствата не носат само финансиска поддршка. Тие носат европски правила, транспарентност, строга контрола и надзор врз трошењето на јавните средства а тоа им смета на Мицкоски и неговата криминална организација затоа што не можат да ги крадат.

Додека Македонија губи европски грантови, Владата се задолжува со нови 2,5 милијарди евра.

Со Мицкоски и ВМРО-ОКГ– наместо европски пари, граѓаните ќе плаќаат скапи кредити, наместо развој и економски напредок, добиваат нови долгови и економија која е пред колапс.

Ова е цената што ќе ја плаќаат македонските граѓаните поради неспособноста на Владата на Мицкоски, криминалните политики и изолацијата на земјата.

Скопје, 30.07.2026

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер