Во Косово денеска мирно, но тензично - Канал 5

Балкан

Во Косово денеска мирно, но тензично

Мирно но напнато е денеска на северот на Косово. 

Во Косово денеска мирно, но тензично

По вчерашниот конфликт меѓу граѓаните и косовската полиција во општините со мнозинско српско население Звечан, Зубин Поток и Лепосавиќ, денеска се останати само оклопните возилата за разбивање на протести на косовската полиција.

Пред општинските објекти целосно е блокиран пристапот од страна на косовската полиција. Заради немирите српскиот претседател итно закажа седница на Советот за безбедност и ја подигна борбената готовоност на армијата по која во соопштението порачаа дека Србија ќе биде цврста и одлучна во заштитата на својот народ поради бруталната примена на сила од страна премиерот Албин Курти и неговите сили кон српскиот народ на Косово и Метохија.

Во соопштението по завршувањето на седницата на советот за национална безбедност се оценува и дека Кфор не ја извшил својата улога на Косово. Во гостувањето на РТС министерот за надворешни работи оцени дека ова е најопасната фаза во решавањето на Косовското прашање.

На административните премини „Јариње“ и „Брњак“ денеска нема застој, а патничкиот и товарниот сообраќај се одвиваат без проблеми. Тензиите во општините со мнозинско српско население во Косово се случија откако новоизбраните градоначалници, на изборите што ги бојкотираа Србите а на кои имаше само 3,4% излезност, вчера ги презедоа функциите и влегоа во општинските згради. Во судир на косовската полиција со Србите беа повредени десетина лица. Шефот на парламентарната комисија за Косово, Милован Дрецун, обвини дека косовскиот премиер Албин Курти намерно го избрал вчерашниот ден за инцидентите на северот на Косово поради митингот на српскиот претседател Александар Вучиќ во Белград, со цел да го испровоцира српскиот народ. Денеска Вучиќ си даде оставка од функцијата претседател на партијата за да се посвети на тоа да биде претседател на Србија.

Постапките на косовските власти наидоа на осуда од меѓународната заедница.

Државниот секретар на САД, Ентони Блинкен, со остра осуда го повика премиерот Албин Курти да го смени курсот и потенцираше дека Косово постапува спротивно на советите на САД и европските партнери. Европската Унија, пак, нагласи дека нема да прифати никакви дополнителни еднострани или провокативни дејствија и порача дека приоритет треба да бидат зачувување на мирот и безбедноста на теренот.

На својот фејсбук профил се огласи и премирот на Косово Курти кој се заблагодари на полицијата за професионалноста и напиша дека е свесен за загриженоста на меѓународнитре партнери но дека секоја друга опција би била не исполнување на уставните обврски кон новите градоначалници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер