Во Кочани почна 57. Драмски аматерски фестивал - Канал 5

Култура

Во Кочани почна 57. Драмски аматерски фестивал

Со изведба на монодрамата „Лидија, или сè што знам за жените" од Тихомир Јанчовски, а во изведба на Игор Трпчевски, синоќа во Кочани почна педесет и седмото издание на Драмскиот аматерски фестивал (ДАФ).

Во Кочани почна 57. Драмски аматерски фестивал

На свеченото отворање беше нагласено дека наместо во вообичаениот термин, кон крајот на мај, годинава манифестацијата се одржува по неколкумесечно одложување поради пандемијата од Ковид-19.

Претседателот на Управниот одбор на фестивалот, Дарко Спасов информираше дека под мотото „Викај ура!", со почитување на сите протоколи за здравствена заштита и на учесниците и на публиката, театарските претстави ќе се реализираат како викенд-изданија до средината на октомври.

– Веќе 43 години Кочани е домаќин и љубоморно ја чува организацијата на ДАФ, а ова е една од најтешките фестивалски години. Сепак, успеавме да ги надминеме предизвиците и одлучивме фестивалот да се одржи, заради трудот на драмските аматери во целата држава, коишто сакаме да ги мотивираме и поттикнуваме, но и заради публиката. Единствена причина за тоа е љубовта кон театарот, нешто што не е обврска и не е мотивирано од никакви други побуди, освен од желбата да се одржи драмскиот аматеризам. Управниот одбор на ДАФ одлучи дека ако постојат театарски групи во државата, кои направиле театарски претстави, тогаш заслужиле да ги одиграат пред нашата публика. Без оглед на ограниченоста поради специфичната состојба што ја имаме оваа година, потврда дека фестивалот има иднина е што лани претставите ги видоа над 1.700 гледачи. Се надеваме дека догодина ситауацијата ќе се нормализира, па и драмските аматери и публиката ќе ни се вратат во комплетен број, истакна Спасов.

Во рамки на овогодишниот ДАФ ќе бидат прикажани две премиери, на Интимен театар – Битола и на НУЦК „Бели мугри" од Кочани, а со свои изведби ќе гостуваат и Домот на културата од Виница, градскиот театар „Сцена 71" од Свети Николе, Драмското студио „Спотлајт" од Штип, како и две претстави од Република Србија.

Покрај театарските претстави, на фестивалот ќе има и придружна програма во која е планирана вечер на љубовна поезија и концерт со акустична гитара и сликарска изведба во живо. Настап ќе имаат и членовите на Афористичарската репрезентација на Македонија, а за најмладите ќе се одржи претстава со марионети во градскиот парк.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Средно училиште во Белгија воведува курс наречен „Размислување за безбедноста“

Идејата за курсот се појави пред околу три години, а училиштето беше поддржано во неговата имплементација од Министерството за одбрана, локалната полиција и покраинските власти.

Средно училиште во Белгија воведува курс наречен „Размислување за безбедноста“

Средното училиште Heilige-Drievuldigheids college (HDC)“ во Лувен воведува курс наречен „Размислување за безбедноста“, во кој припадниците на белгиската војска и локалната полиција ќе ги учат учениците за геополитика, заштита на податоци, радикализација и конфликт.

Курсот, кој ќе биде воведен во септември, ќе го посетуваат студенти од трета година по спортски науки еднаш неделно, а „HDC“ ќе биде првото училиште во Белгија што ќе воведе таква програма, објави „VRT“.

Директорот на училиштето, Франк Бајенс, рече дека целта е учениците подобро да ги разберат безбедносните прашања и да ја развијат способноста да формираат свои мислења, наместо да ги подготвуваат за кариера во војската.

Покрај геополитиката и радикализацијата, лекциите ќе опфаќаат превенција, право, етика и заштита на податоци.

Учениците нема да учат како да ракуваат со оружје или самоодбрана како дел од курсот.

Идејата за курсот се појави пред околу три години, а училиштето беше поддржано во неговата имплементација од Министерството за одбрана, локалната полиција и покраинските власти.

Директорот рече дека учениците генерално позитивно реагирале на новиот предмет, но дека некои родители изразиле загриженост за можното поттикнување на „воена реторика“. Бејнс одговори дека целта е токму спротивна - учениците да можат да формираат свои мислења преку познавање на безбедносните прашања.

Фото: ВИ

Извор: Б92

Тагови: Белгија Средно училиште

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Човек играл Лото, потоа од вести дознал дека станал милионер: „Не можам да поверувам!“

Еден жител на Осиек освои џекпот од 209.552,19 евра во дополнителната игра „Џокер“ на Хрватската лотарија.

Човек играл Лото, потоа од вести дознал дека станал милионер: „Не можам да поверувам!“

За големата добивка дознал сосема случајно – додека на вестите слушал дека премијата била извлечена токму во неговиот град.

Штом ја слушнал информацијата на телевизија, отишол на интернет-страницата на лотаријата за да го провери својот тикет. Набргу сфатил дека веста за новиот милионер всушност се однесува токму на него.

Moжеби ќе ве интересира: Добил милион на лото, но не се јавил за да ја земе наградата- ливчето може да го фрли во ѓубре

– Не можев да поверувам дека јас сум човекот од вестите – признал среќниот добитник.

Радосната вест не ја чувал долго само за себе – веднаш ја споделил со семејството, па откривањето на големата добивка набргу се претворило во заедничко славење.

Овој жител на Осиек е редовен играч кој уплаќа речиси сите Лото игри – Лото 7, Лото 6, Еуроџекпот и „Сè или ништо“. Продажните места ги посетува два до три пати неделно, а при изборот на комбинации секогаш се придржува до истото правило – комбинира важни лични датуми со неколку случајно избрани броеви.

Иако ги уплаќа главните игри, најголемата добивка во животот му ја донела дополнителната игра „Џокер“, која редовно ја избира на тикетите.

Добитниот тикет бил уплатен на 22 јули, кога покрај Лото 7 ја уплатил и комбинацијата „Џокер“, која му донела повеќе од 200 илјади евра.

Иако станува збор за неговата најголема добивка досега, жителот на Осиек не планира да го менува начинот на живот ниту секојдневните навики. Ќе продолжи да игра како и досега, а на останатите играчи им порачува само едно: бидете упорни.

Извор: Večernji.hr

Слика: ChatGPT

Тагови: лото милионер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лефков: Еден месец СДС бега од вистината, а таа е дека заедно со Лимани ја делат локалната власт, а со тоа и одговорноста за Гостивар

Лефков: Еден месец СДС бега од вистината, а таа е дека заедно со Лимани ја делат локалната власт, а со тоа и одговорноста за Гостивар

Еден месец СДС бега од вистината, а таа е дека заедно со Лимани ја делат локалната власт, а со тоа и одговорноста за Гостивар.

СДС не побара одговорност од Лимани, а уште помалку ја призна сопствената политичка одговорност како негов партнер во локалната власт.

Наместо да понесат одговорност за кризата во Гостивар, тие и натаму го обвинуваат ВМРО-ДПМНЕ за локалниот проблем.

Поради неспособноста на СДС, ДУИ и Партијата на Таравари, Владата предводена од ВМРО-ДПМНЕ ги зема работите под своја контрола и овој проблем се реши.

Почитувани граѓани,

Додека СДС беше зафатена со ширење хистерија и броење чешми низ државата, Владата предводена од ВМРО-ДПМНЕ од прв момент беше со граѓаните на Гостивар и ги презема сите мерки за надминување на кризата, а жителите секој ден бесплатно ги снабдуваше со вода.

Институциите постапија, случајот се истражува, а водата повторно е безбедна за пиење.

Миле Лефков, член на ИК и пратеник на ВМРО-ДПМНЕ

YouTube video

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер