Живот

Во Кина е најден череп стар стотици илјади години: Не изгледа како ниеден човечки најден досега

Меѓународен тим на научници опиша древен човечки фосил неодамна пронајден во Кина како различен од кој било друг хоминин забележан досега.

Хоминините се племе на примати од подфамилијата хоминиди, кое ги вклучува видовите хомо и шимпанзата и нивните исчезнати предци. Имено, посмртните останки не наликуваат на лозата што се разделила на неандерталците, ниту на Денисованите (дениски човек), ниту на нас, што укажува дека на нашата сегашна верзија на човечкото семејно стебло и недостига уште една гранка.

Коските на вилицата, черепот и ногата кои припаѓаат на овој, сè уште некласифициран хоминин означен HLD 6, биле откриени во Хуалонгдонг, Источна Азија во 2019 година, а научниците од Кинеската академија на науките (CAS) оттогаш се обидуваат да ги усогласат остатоците со позната лоза. Засега не успеале, пишува Science Alert.

Лицето на овој хоминин е слично структурирано како и лицето на модерната човечка лоза, која се одвоила од хомо еректус уште пред 750.000 години. Но, недостатокот на форма на брада повеќе личи на Денисовци, изумрен вид на древни хоминини во Азија, кој се одвоил од неандерталците пред повеќе од 400.000 години.

Затоа, експертите од CAS, кои соработуваа на ова истражување со научници од кинескиот универзитет Ксиан Џиаотонг, британскиот универзитет во Јорк и шпанскиот национален истражувачки центар за еволуција, веруваат дека откриле сосема нова линија на хибриди помеѓу гранка која ни ги дала современите луѓе и оние кои родиле други древни хоминини во регионот, како Денисовците.

Треба да се забележи дека многу плеистоценски фосили на хоминини пронајдени во Кина не се вклопуваат лесно во која било позната лоза. Некои експерти веруваат дека ова се веројатно средни варијации во развојот кон современиот човек; како архаичен примерок на хомо сапиенс или напредна форма на хомо еректус.

Но, ова прилично линеарно и поедноставено толкување е прилично контроверзно и не е прифатено од пошироката научна заедница. Имено, додека хомо еректус постоел во Индонезија до пред околу 100.000 години, остатоците кои неодамна беа пронајдени во источна Кина повеќе наликуваат на други, помодерни линии на хоминини.

Претходните геномски студии на остатоците од неандерталците во Европа и западна Азија открија докази за четврта лоза на хоминини која живеела во средината до крајот на плеистоценот. Но, оваа група никогаш не била официјално идентификувана во фосилните записи. Можеби овие остатоци пронајдени во Кина претставуваат дел од сложувалката што недостасува.

„Фосилизираната вилица и черепот припаѓаат на дете на 12 или 13 години. Додека неговото лице ги има карактеристиките на современите луѓе, екстремитетите и вилицата одразуваат попримитивни карактеристики“, пишуваат научниците.

Хомо сапиенсот не се појавил во Кина до пред околу 120.000 години, но се чини дека некои од нашите „модерни“ карактеристики постоеле во областа и пред тоа. Можно е последниот заеднички предок на H. sapiens и неандерталците да потекнува од Југозападна Азија, а подоцна се проширил на сите континенти. Но, тоа е само хипотеза, вистинската вистина ќе ја дознаеме дури по дополнително истражување.

Студијата, насловена како Morphological and morphometric analyses of a late Middle Pleistocene hominin mandible from Hualongdong, China е објавена во Journal of Human Evolution.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Штерјова: Нема чиста вода за граѓаните, нема струја, а Мицкоски и ВМРО за профит туркаат дата центри

Европа се соочува со суша, со намалување на водните ресурси и пресушување на реките.

Поради ниските нивоа на реката Дунав нарушено е производството на струја низ Европа, постои голем ризик за недостаток на струја што ќе доведе до значително покачување на цените.

А Македонија повеќе увезува струја отколку што произведува. Додека во над 50 населени места граѓаните се соочуваат со загадена вода.

И во вакви услови, Мицкоски и ВМРО-ОКГ сакаат да ги продадат водата и струјата на граѓаните за интереси на странски дата центри и сопствени тендерски профити.

Во Еврпа и светот се стопира изградбата на дата центри, само Владата на

Мицкоски продолжува да ги турка како завршена работа.

Овие објекти за дата центри трошат огромни количини струја и чиста вода, додека економскиот бенефит во однос на нови работни места и даночни приходи е минимален.

Еден голем дата центар троши меѓу 1 и 3 милиони литри вода дневно, колку што троши град со 15.000 до 30.000 жители.

Нашата инфраструктура не може да ја издржи и носи ризик од рестрикции за вода и покачување на цените на струјата.

А видовме што се случува и со водата, владата на Мицкоски не може да обезбеди доволно чиста вода за пиење а не повеќе!

Македонија нема доволно електрична енергија за дата центри и ќе мора да се увезува.

И клучното прашање колку поголем увоз на струја ќе биде потребен, бидејчи крајно повторно цената ќе ја платат граѓаните преку повисоки сметки за струја.

Која вода ќе се користи, дали тоа значи дека ќе се загреваат реките и дали ќе има испуштање на затоплена вода во реките? Како тоа ќе влијае врз биодиверзитетот?

Водата и струјата не може да бидат скапа авантура која ќе ги збогати блиските до Мицкоски и ВМРО – ОКГ на штета на граѓаните.

Во повеќе американски држави и во Европа се стопираат ваквите инвестиции поради недостиг на вода, огромна потрошувачка на струја и влијанието врз животната средина.

Само Мицкоски и неговата Влада ја туркаат оваа идеја. Граѓаните да плаќаат повисоки сметки за струја, да немаат вода – ама криминалната организација ВМРО да има полни џебови.

СДСМ не е против дигитализациа. Дигитализацијата не значи само да се изгради дата-центар. Таа значи функционални електронски услуги, поврзани институции, помалку бирократија и држава која работи побрзо и поефикасно за граѓаните.

СДСМ е против ставање на водата и струјата под ризик за бизнис интересите на власта.

Бараме мораториум за изградба на нови комерцијални дата центри кои користат системи со испарување на вода.

Прес конференција на СДСМ, Кети Штерјова

Тагови: Кети Штерјова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски за Карпалак: 8 август е ден кога Македонија се сеќава на своите загинати синови

Премиерот Христијан Мицкоски, по повод годишнината од загинувањето на бранителите кај Карпалак, упати порака дека 8 август останува засекогаш врежан во колективната меморија на македонскиот народ.

Во објавата на Фејсбук напиша дека изминатите години не ја избришаа болката за загинатите кои ги положија своите животи исполнувајќи ја должноста кон татковината. Премиерот истакна дека Карпалак претставува заедничка рана, но и трајна обврска за градење држава во која почитта кон загинатите ќе биде над политиката.

„Карпалак е наша заедничка рана, но и наша обврска да паметиме. Да не дозволиме имињата и жртвата на загинатите да бидат заборавени. Да градиме држава во која почитта кон оние што ја исполниле својата должност кон македонија ќе биде над времето, политиката и поделбите., стои меѓудругото во објавата на премиерот Мицковски.

Тагови: Карпалак Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активни се два пожара – гори кај Брњарци и Волково

Шест пожари на отворен простор се пријавени денеска, но ниту еден од нив не претставува посериозна закана и се очекува наскоро да бидат ставени под контрола.

Според информацијата на Центарот за управување со кризи, до 13 часот на територијата на државата се уште се активни два пожари, а четири се веќе изгаснати.

Активни се пожарите кај селото Брњарци во општина Арачиново и во населбата Волково во општина Ѓорче Петров, каде гори ниска вегетација. Изгаснати се пожарите во селото Бањица во општина Чашка, селото Биџево во општина Струга, селото Сенакос во општина Врапчиште и на депонијата во Делчево, информира ЦУК.

Тагови: пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.