Во Кичево 400 извидници од цела држава го одбележаа Денот на извидниците во Кичево - Канал 5

Македонија

Во Кичево 400 извидници од цела држава го одбележаа Денот на извидниците во Кичево

Одбележувањето започнало со свечен марш по главниот булевар во Кичево.

Во Кичево 400 извидници од цела држава го одбележаа Денот на извидниците во Кичево

Околу 400 деца и млади од повеќе градови низ државата денеска се собраа во Кичево за заеднички да го одбележат 22 февруари – Денот на извидниците, ден кога милиони извидници ширум светот го слават извидничкото движење, неговите вредности и мисија, соопшти Сојузот на извидници на Македонија.

Под мотото „Биди подготвен!“, се вели во соопштението, извидниците во Македонија повеќе од седум децении се симбол на другарство, солидарност, лидерство и активно учество во заедницата. Овој собир, додаваат од Сојузот, уште еднаш ја покажа силата на извидничкото движење и неговото значење за воспитување на млади луѓе кои растат во одговорни и активни граѓани.

Одбележувањето започнало со свечен марш по главниот булевар во Кичево, при што извидниците во униформа продефилираа низ градот, испраќајќи порака за заедништво, солидарност и активна младинска енергија. По маршот следело свеченото отворање на настанот, при што свое обраќање имале старешината на Сојуз на извидници на Македонија и градоначалникот на Општина Кичево, кои ги поздравиле учесниците и ја истакнаа важноста на извидништвото во развојот на младите и заедницата.

-Еден од најзначајните моменти на прославата беше давањето на извидничкиот завет, при што 100 нови извидници официјално станаа дел од извидничкото братство, симболично прифаќајќи ги вредностите на чест, пријателство, служба и грижа за природата, се наведува во соопштението.

Во рамки на одбележувањето, извидниците реализирале и општествено корисни активности. Преку кампањата „Направи добро дело“ биле спроведени хуманитарни акции и иницијативи за поддршка на заедницата, додека во соработка со Црвениот крст се организирале и крводарителски акции, со цел подигање на свеста за солидарноста и значењето на крводарувањето.

-Со своето присуство, младите извидници покажаа дека извидништвото претставува многу повеќе од хоби — тоа е образовен процес преку кој учат тимска работа, одговорност, почитување на различностите и активен придонес кон општеството, се додава во соопштението.

Сојуз на извидници на Македонија е младинска чадор организација основана во 1953 година и денес обединува 20 активни извиднички одреди со повеќе од 3000 деца и млади. Како дел од светското извидничко движење со над 57 милиони членови во повеќе од 180 држави и територии, организацијата работи на развој на младите преку неформално образование, животни вештини и волонтерство.

Тагови: Денот на извидниците Кичево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер