Во Кавадарци настан посветен на фудбалерот Андреј Лазаров кој трагично загина во несреќата во Кочани - Канал 5

Македонија

Во Кавадарци настан посветен на фудбалерот Андреј Лазаров кој трагично загина во несреќата во Кочани

Изложба на фудбалски дресови на успешни тиквешки и македонски таленти, беше отворена вечерва во Домот на културата „Иван Мазов - Климе“ Кавадарци. 

Во Кавадарци настан посветен на фудбалерот Андреј Лазаров кој трагично загина во несреќата во Кочани

Изложените дресови се дел од колекцијата на Николчо Делов, посветена на спортските успеси, пријателствата и човечките приказни што произлегуваат од Тиквешијата и пошироко и го освојуваат светот.

-Претставени се 50 автентични спортски дресови од фудбал, ракомет, кошарка, одбојка и пингпонг – дресови, што ја надминуваат својата улога на спортска опрема и стануваат носител на приказна за личен и колективен успех, симбол на упорност, талент и дисциплина, успех и припадност кон заедницата од која потекнуваат, беше кажано во галеријата при Домот.

Притоа беше истакнато дека настанот е посветен на Андреј Лазаров, фудбалер кој трагично загина во несреќата во Кочани.

-Тој остави длабок белег во поновата спортска историја на градот Кавадарци, споделија од Културниот дом.

Во името на Дом на култура Кавадарци, директорот Методи Глигоров рече дека му претставува исклучителна чест да ја отвори изложбата.

-Собраните во галеријава, сме сведоци на една приказна што се ткае од спорт, пријателство, човечка истрајност и длабока припадност кон заедницата. Оваа изложба зборува за патиштата што започнуваат локално, а водат кон светот, но и за врските што никогаш не се прекинуваат со местото од кое се потекнува, рече Глигоров.

Тој истакна дека Николчо Делов е човек кој љубовта кон спортот ја претворил во тивка, но моќна мисија.

-Неговата колекција е збир на доверба, пријателства и почит. Секој дрес носи трага од еден животен пат, од еден сон што успеал да се оствари, но и од една заедница што стои зад тој успех. Благодарност за несебичниот придонес на Николчо Делов, довербата и соработката при реализацијата на изложбата, со која преку спортот се афирмираат вредностите на упорноста, заедништвото и човечката инспирација, нагласи директорот.

Тој подвлече дека со оваа изложба, личната колекција на Николчо и животната посветеност станаа значаен дел од културната и спортската меморија на градот Кавадарци.

-Домот на култура, преку оваа изложба, уште еднаш ја потврдува својата определба да биде простор каде што културата се отвора кон сите облици на човечко творештво – вклучително и спортот, како универзален јазик што обединува, охрабрува и инспирира. Ова е изложба што зборува и за инклузијата, за видливоста и за достоинството на секој поединец, без разлика на предизвиците со кои се соочува, рече Глигоров.

Тој додаде дека посебна, тивка, но длабока е и посветата на оваа изложба на Андреј Лазаров.

-Неговото име останува впишано во колективната спортска меморија на градот, а оваа вечер е наш начин да ја сочуваме таа спомен-вредност со почит и благодарност.Сакам искрено да им се заблагодарам на сите кои придонесоа за реализацијата на овој настан. Поканувам оваа изложба да ја доживеете со чувство – како простор на сеќавање, каде дресовите не се само спортска опрема, туку носители на животни приказни и заеднички вредности и инспирација, рече Глигоров.

Марина Убавкова како куратор и координатор на овој проект, рече дека оваа изложба претставува повеќе од културен настан.

-Таа е простор каде што спортот, личните приказни и колективната меморија се среќаваат и се надополнуваат. Простор каде што еден дрес престанува да биде само спортска опрема и станува носител на животна приказна, на труд, на упорност и на припадност. Изложбата што вечерва ја отвораме произлезе од искрена, долготрајна и човечка посветеност кон спортот, но и од желбата тие приказни да бидат видени, споделени и зачувани како дел од културната меморија на нашиот град и регион, истакна таа.

За Делов, роден 1975 година во Кавадарци, таа рече дека е човек кој уште од најрана возраст го гради својот животен пат преку спортот – како игра, како поддршка, како начин на надминување на личните и физичките ограничувања.

-Колекцијата, која денес брои повеќе од 60 автентични спортски дресови, е создадена органски, низ пријателства, почит и долготрајни врски со спортисти кои потекнуваат од Тиквешијата и поширокиот македонски простор, а своите кариери ги оствариле надвор од локалниот контекст. Неговата колекција не е создадена со намера да биде изложбена, туку е резултат на децении пријателства, почит и поддршка кон спортистите кои потекнуваат од Тиквешијата и пошироко, а своите успеси ги оствариле на национално и меѓународно ниво, истакна Убавкова.

Притоа додаде дека неговата животна приказна, неговата љубов кон спортот и неговата човечка посветеност се темелот врз кој е изградена оваа изложба. Таа подвлече дека секој дрес е сведоштво за личен успех, но и за заедничка припадност – кон градот, регионот и спортскиот дух што ги обликувал. За дресовите рече дека се изложени како носители на меморија, идентитет и вредности: упорност, солидарност, пожртвуваност и заедништво.

-Посебна емотивна димензија има посветата на изложбата на Андреј Лазаров, фудбалер кој трагично го загуби животот во несреќата во Кочани, оставајќи длабок белег во поновата спортска историја на Кавадарци. Неговиот дрес, присутен на самиот настан, ја симболизира врската меѓу личната загуба и колективната меморија. Во поширок контекст, изложбата ја отвора и темата за инклузијата на лицата со инвалидност во спортот. Николчо Делов повеќе од триесет години активно работи на развојот на спортот за лица со телесна инвалидност во Кавадарци и Македонија, бил прогласуван за спортист на градот и е капитен на македонската фудбалска репрезентација за лица со телесна инвалидност, сподели Убавкова.

Таа рече дека оваа изложба што воедно е и приказ на спортските успеси, истовремено е визуелно и емотивно сведоштво за спортот како универзален јазик – јазик што ги поврзува луѓето, ги надминува границите и создава трајни човечки вредности.

Во своето обраќање кон присутните, Делов со многу емоции раскажа како во детството, иако со инвалидност, секогаш бил инклузиран во спортските игри.

-Спортот ме изгради како човек, но истовремено, преголемата посветеност кон спортот понекогаш ми носеше и мали проблеми и мали кавги во семејството. Андреј беше злато дете и никогаш нема да биде заборавен, рече Делов.

На настанот беа присутни и блиски на Лазаров.

Тагови: Андреј Лазаров Кавадарци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Боксерка снимала порно филмови, а сега ги извади силиконските гради: Попријатно ми е (ФОТО)

Поранешната австралиска боксерка и модел Аврил Мати (39) ги отстрани силиконските импланти за гради кои ги имаше речиси 20 години. 

Боксерка снимала порно филмови, а сега ги извади силиконските гради: Попријатно ми е (ФОТО)

Таа објави дека сега го сака своето природно тело, и покрај негативните коментари на социјалните мрежи за нејзиниот изглед.

Одлука по две децении

Мати ги доби имплантите на 19-годишна возраст, наведувајќи ја како причина „културата во која пораснала“. По долго време таа одлучи да ги отстрани. „Никогаш не сум ги сакала ниту мразела. Го ценев тоа што преку ноќ престанав да се чувствувам несигурно и станав личност која се чувствува поудобно во своето тело и повеќе не размислува за тоа“, објасни таа на социјалните мрежи.

Таа одлучи да се оперира откако забележа дека нејзините пријателки ги отстрануваат имплантите поради здравствени проблеми познати како „болест на импланти во градите“. Иако не мислеше дека има таков проблем, таа отиде на преглед кој потврди дека постои медицинска причина да се отстранат. По процедурата, таа призна дека повторно се заљубила во своето природно тело и дека се чувствува како „да го вратила 16-годишното тело кое никогаш порано не го ценела“.

Од промашување до професионалец во рингот

Пред нејзината боксерска кариера, Аврил Мати изгради значајна кариера во светот на манекенството. Австралијанката со швајцарски корени ја освои титулата Miss Swimsuit USA International во 2014 година, а една година подоцна го освои натпреварот Las Vegas International Model Search. Овој успех ѝ донесе награда од 50 илјади долари и ѝ овозможи да се пресели во Мајами.

За време на нејзината кариера, Мати беше активна и на OnlyFans, каде што објавуваше провокативни еротски фотографии и порно филмови. Јавно зборуваше за таа платформа и самата, а приходите од содржини надвор од боксот ѝ помогнаа да финансира професионална спортска кариера.

Својата страст кон боксот ја откри кон крајот на 2012 година на 25-годишна возраст. За само шест месеци, го одигра својот прв аматерски натпревар, а професионалната кариера ја започна во декември 2017 година. Се бореше на познати светски сцени, вклучувајќи го и Madison Square Garden. Интересно е што по операцијата за отстранување на имплантот, таа открила дека процедурата неочекувано ѝ помогнала да стане подобар борец.

Збогум на боксот

Мати неодамна објави збогум на спортот, кој го нарече „љубовта на својот живот“. Својата професионална кариера ја заврши со рекорд од осум победи, еден пораз и едно реми. На крајот од 2023 година, таа требаше да се бори против сонародничката Ебани Бриџис во меч што медиумите го најавија како „битка на гради“, но мораше да се повлече поради повреда.

Тагови: гради порно

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Лавров: Европа води војна против Русија

Рускиот министер за надворешни работи Сергеј Лавров денес изјави дека европските земји водат војна против Русија затоа што тие ја снабдуваат Украина со оружје.

Лавров: Европа води војна против Русија

„Ова е војна што Европа ја води против нас“, рече тој на маргините на форумот Валдај во Москва. Во исто време, тој ги отфрли обвинувањата дека руските напади врз товарни бродови што носат западно оружје претставуваат „хибридна тајна војна“ за Украина.

Тој ја опиша употребата на сила од страна на Русија во Украина како самоодбрана насочена кон елиминирање на заканите. „Ако мислите на уништување на инфраструктурата што, со поддршка на Западот, нацистичкиот режим ја користи за водење војна против Руската Федерација, тогаш ние ја потиснуваме таа директна закана со сила“, рече тој.

Разговори со САД

Лавров објави дека наскоро ќе се одржат разговори со Соединетите Американски Држави. „Се договоривме со американскиот државен секретар Марко Рубио дека состанокот ќе се одржи. Експертите треба да ги координираат точните датуми и место“, истакна тој.

Тој го спомена враќањето на рускиот дипломатски имот запленет од САД како едно од отворените прашања во односите меѓу Москва и Вашингтон. Според него, Русија не добила никакви охрабрувачки сигнали од администрацијата на американскиот претседател Доналд Трамп во врска со нејзиното враќање.

„Никогаш немало охрабрувачки коментари од Американците за ова прашање, дури ни под администрацијата на Доналд Трамп“, рече тој. Лавров тврдеше дека САД сè уште се обидуваат да ги наметнат своите еднострани интереси, но додаде дека Вашингтон сепак е принуден да соработува со земји како Русија и Кина.

Ставот на Берлин

Лавров, исто така, коментираше за плановите на Полска за производство на ракети „Патриот“ и учеството на Европа во конфликтот во Украина и ги повика европските земји да ја проучат воената доктрина на Русија. Тој се осврна на неговата средба со германскиот министер за надворешни работи Јохан Вадефул на маргините на Генералното собрание на ОН во Њујорк.

Лавров проценува дека Берлин можеби сака да се вклучи во напорите за решавање на украинскиот конфликт за да не го „пропушти возот“. „Тешко ми е да проценам кон што се стреми Германија.

Мислам дека едно очигледно објаснување е едноставно желбата да не се пропушти возот. Тие веруваат дека возот веќе забрзал - не знам дали тоа е вистина, тешко ми е да проценам дали мислат на украинската криза“, рече тој.

„Русија вечен непријател“

Кога беше прашан за темите на средбата со Вадефул, Лавров рече дека германскиот министер зборувал за „милитаризацијата на Европската Унија“, постојаните повици за проширување на НАТО кон Украина и тврдењата дека „Русија е вечен непријател“ и дека „за три години ќе бидеме во војна“.

„Ако се изговараат такви фрази, а целта - како што самиот г-дин Вадефул најави - е само да се повторуваат зад затворени врати, без медиумите, за Русија наводно да разбере дека навистина е така, тогаш тоа е залуден, па дури и штетен потфат“, изјави тој.

Лавров заклучи дека е „многу тажно“ што некои претставници на ЕУ и НАТО всушност дејствуваат како „портпароли“ за она што го опиша како европска позиција.

Тагови: русија Сергеј Лавров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Се заканува со мачета во продавница, по борбата со продавачот, избега со шише вотка (ВИДЕО)

Вработен во продавница во Велика Британија се одбранила со хокеарски стап од маскиран разбојник кој го нападнал со мачета. 

Се заканува со мачета во продавница, по борбата со продавачот, избега со шише вотка (ВИДЕО)

Инцидентот се случил на 4 јули во 9:10 часот наутро во мини маркетот „Крест“, а бил снимен од надзорна камера, објавува „Телеграф“.

На видеото се гледа како работник се соочува со напаѓач со качулка кој се заканува со мачета на касата. Откако вработениот замавнал со палката, тие почнале да се борат преку шанкот. Потоа разбојникот се повлекол пред шанкот, а работникот продолжил да го удира. Потоа се активирал безбедносниот систем за чад и напаѓачот избегал со шише вотка. Работникот не бил повреден во нападот.

Истрага и повик до јавноста

Детективот Томас Лоу, од полицијата во Нотингемшир, изјавил дека полицијата е решена да го пронајде лицето. Тој додал дека се надеваат дека препознатливата тетоважа на левата рака на напаѓачот ќе помогне во неговата идентификација. „Крајмстоперс“ нуди награда до 5.000 фунти (околу 5.837 евра) за информации што ќе доведат до апсење и осуда на сторителот.

Лидија Пацалидес од таа организација апелираше до јавноста. „Тоа беше застрашувачко искуство за човек кој само си ја вршеше работата, и тоа во продавница важна за локалната заедница“, рече Пацалидес. „Знаеме дека овој настан ги вознемири жителите и луѓето што работат во соседството. Некој во областа сигурно знае кој го сторил тоа.“

„Можеби сте виделе нешто тоа утро или сте слушнале нешто подоцна. Можеби се сомневате во некој што го познавате. Само тетоважа може да биде детал што ќе ви ја освежи меморијата. Какви и да се информациите што ги имате, не мора да ги чувате за себе“, рече таа.

Тагови: вотка мачета

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер