Во Катар конечно пристигна и Георгина Родригез, се облече со почит кон домаќините (ФОТО)

Светското првенство не може да помине без навивачки. Бројни сопруги и девојки на репрезентативци кои се борат за место на првенството во Катар дојдоа да ги бодрат своите партнери.

Сега манекенката Георгина Родригез конечно пристигна во Катар.

Георгина на Инстаграм се пофали дека дошла со своите деца да го гледа Кристијано Роналдо на првенството. Вчера од трибините го следеа натпреварот помеѓу Португалија и Јужна Кореја во кој португалската репрезентација загуби со 2:1.

Атрактивната Георгина е една од ретките девојки кои го следеа кодексот на облекување и покажаа почит кон земјата домаќин. На стадионот беше облечена прилично скромно - во затворена, широка кошула и фармерки. На една од фотографиите ѝ се придружи и раперот Тајга, поранешното момче на Кајли Џенер.

„Ви благодариме за топлото гостопримство. Беше задоволство да се истражува градот“, напиша Георгина по пристигнувањето во Доха.

Инаку, репрезентацијата на Португалија се пласираше во групата Х со две победи и еден пораз. Втора во групата е Јужна Кореја, а првенството го напуштаат Уругвај и Гана.

28-годишната манекенка имаше тешко детство. Таа е родена во Аргентина, а пораснала во Шпанија. Нејзиниот татко Хорхе бил 10 години во затвор поради дилање дрога, а Георгина останала сама со сестра си и мајка си. Хорхе излегол од затвор во 2013 година, а починал шест години по ослободувањето, поради здравствени проблеми.

Георгина подоцна сакала да се занимава со балет, а потоа да студира мода, но немала финансиски средства. Во 2011 година нејзината мајка загинала во сообраќајна несреќа, а Георгина потоа се вработила како келнерка во ресторан. Потоа отишла во Англија да работи како чистачка и дадилка и да заврши факултет.

Таа се преселила во Мадрид и се вработила во продавницата Гучи, каде конечно го запознала Кристијано во 2016 година. Георгина еднаш изјави дека се заљубила во фудбалерот на прв поглед. Оттогаш тие заедно ги одгледуваат Кристијано Роналдо Џуниор, Ева Марија и Матео, а во 2017 година ја добија заедно ќерката Алан Мартина, само неколку месеци откако сурогат мајката на Роналдо ги роди близнаците Ева Марија и Матео.

Во октомври минатата година, парот објави дека очекува близнаци, но на почетокот на оваа година почина новородениот син на Георгина и Роналдо.

"Со најдлабока тага ја објавуваме смртта на нашето бебе. Тоа е најголемата болка што може да ја почувствува еден родител. Само раѓањето на нашето девојче ни дава сила да го живееме овој момент со малку надеж и среќа", пишува во заедничката изјава на парот објавена на Инстаграм.

„Им благодариме на лекарите и медицинските сестри за сета грижа и поддршка. Уништени сме и бараме приватност во ова тешко време. Нашето машко бебе, ти си нашиот ангел. Ќе те сакаме засекогаш“, додале тие.

Утре променливо облачно и студено

Времето утре ќе биде променливо облачно и студено, попладне со делумно намалена облачност. 

Ќе дува слаб до умерен ветер од северозападен правец. Минималната температура ќе биде во интервал од -8 до -2, а максималната ќе достигне од 1 до 9 степени.

Во Скопје променливо облачно со слаб до умерен ветер од северозападен правец. Минималната температура ќе се спушти до -3, а максималната ќе достигне 5 степени.

Следува период на променливо облачно и студено време. Во вторник локално ќе провејува слаб снег и ќе дува засилен северен ветер. Во среда ќе има преодно намалување на облачноста, а од четврток повторно повремено ќе има слаби врнежи претежно од снег, велат од УХМР.

Магла со видливост до 50 метри на патниот правец Тетово – Попова Шапка

Магла со видливост од 40 до 50 метри има на патниот правец Тетово – Попова Шапка, соопштија вечерва од Авто-мото сојузот на Македонија.

Сообраќајот на останатите државни патишта се одвива непречено, по наместа влажни коловози.

– Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, се наведува во соопштението.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата.

– Особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, се нагласува во соопштението.

За брзо возење на територија на СВР Битола санкционирани 87 возачи

Вкупно 87 возачи се казнети при засилената акциска контрола за санкционирање на лица кои управуваaт возило со брзина поголема од пропишаната што денеска во периодот од 10.00 до 15.00 часот беше спреведена на територијата на СВР Битола. 

Од нив, како што информира МВР, 59 ја пречекориле брзината во населено место, а 28 надвор од населено место.

На сите прекршители изготвени им се соодветни поднесоци.

Од МВР најавуваат дека и во наредните денови же продолжат засилените акциски сообраќајни контроли и апелираат граѓаните да ги почитуваат сообраќајните правила и прописи за, како што велат, да ја зголемиме безбедноста во сообраќајот и заедно да придонесеме за посигурни патишта.

притисни ентер