Во Јелоустоун наеднаш експлодира гејзер- посетителите бегаат во паника (ВИДЕО) - Канал 5

Свет

Во Јелоустоун наеднаш експлодира гејзер- посетителите бегаат во паника (ВИДЕО)

Вчера во 10:19 часот врел гејзер ненадејно силно експлодирал во националниот парк Јелоустоун и исфрлал кал, камења и топла вода високо во воздухот.

Во Јелоустоун наеднаш експлодира гејзер- посетителите бегаат во паника (ВИДЕО)

Инцидентот се случил во геотермалната област Бисквит Басен, северно од познатиот гејзер Old Faithful.

Видеата кои се појавија на социјалните мрежи покажуваат како вознемирените посетители бегаат од гејзерот и бараат засолниште. За среќа нема повредени. Ова не била вулканска, туку хидротермална ерупција, поврзана со загревањето на водата во подземните резервоари.

"Хидротермалните експлозии се случуваат кога водата одеднаш испарува под земја. Тие се релативно чести во Јелоустоун. На пример, гејзерот Porkchop експлодираше во 1989 година. Експлозија слична на денешната беше забележана на 17 мај 2009 година во Бисквит Басен", според Геолошкиот институт на САД и Националниот парк Јелоустоун, како што е соопштено од Science Alert.

Под висок притисок, подземната вода може да се загрее значително над 100 степени Целзиусови. На температури до 250 степени, брзо се претвора во пареа, проширувајќи го својот волумен. Како што се зголемува волуменот, водата и пареата во подземната комора остануваат без простор и се случува експлозија, при што млазот се пробива низ земјата.

Ниту еден од хидротермалните отвори во Јелоустоун не е директно поврзан со магмата, но тие можат да бидат активирани од сеизмичка активност. За време на хидротермална експлозија, гејзерот може да исфрли пареа, вода, кал и камења до 2 километри во воздухот, а остатоците можат да остават зад себе помали кратери.

Помалите ерупции од овој тип се релативно чести, додека помоќните се случуваат ретко, околу еднаш на секои 700 години. Овој пат, за среќа на посетителите, станува збор за мала експлозија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Шкотските навивачи  ги освоија улиците на Скопје. Не очекува ли жешка атмосфера вечерва на арената Тодор Проески, на дуелот мегу Макеоднија и Шкотска.

Многу еуфорија во Скопје пред натпреварот со Шкотска, околу 4000 шкотски навивачи дојдоа за натпреварот

Каква беше денеска атмосферата во Скопје, каде видливо беше присуството на таканаречената Тартан арми. Какви се очекувањата на шкмотските навивачи?

Скопје вечерва носи возбудлива атмосфера и поради уште еден настан традиционалната Бела ноќ. Што всушност носи нејзината програма, која најавено е дека ке трае до 3 часот по полноќ?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Центарот на градот е исполнет со навивачи, Скопје живее во фудбалски ритам

Скопје денеска живее во фудбалски ритам. 

Центарот на градот е исполнет со навивачи, Скопје живее во фудбалски ритам

Неколку часа пред дуелот Македонија – Шкотска, центарот на градот е исполнет со навивачи од двете репрезентации, со песна, добро расположение и позитивна атмосфера пред вечерашната пресметка.

Највпечатливи, како и секогаш, се гостите. Шкотите во препознатлив стил – со килтови, знамиња и песна – уште од претпладне ја загреваа атмосферата низ скопските улици.

Добро расположение и кај македонските навивачи. Со надеж дека домашниот терен ќе донесе пресврт, тие очекуваат Македонија да ја прекине лошата серија и да стигне до првиот позитивен резултат.

За македонската репрезентација ова е можност пред домашната публика да го поправи впечатокот по поразите од Швајцарија и Словенија.

Вечерва од 20 часот и 45 минути, атмосферата од скопските улици ќе се пресели на трибините на Националната арена „Тодор Проески“. Таму прогнозите ќе завршат, а ќе почне борбата за првата победа во групата.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода велешанец, пронајдена дрога и пари, следува пријава

На 02.10.2026 во 18:00 часот во Велес, полициски службеници од Отсек за недозволена трговија со дрога при СВР Велес, го лишија од слобода Н.М.(42) од Велес. 

Лишен од слобода велешанец, пронајдена дрога и пари, следува пријава

Имено, тој бил забележан како на неколку места остава пакувања со бела грутчеста материја и при преглед на местата во негово присуство, биле пронајдени и одземени бела прашкаста материја, бела грутчеста материја, кафена грутчеста материја и дигитална вага, а при преглед кај Н.М. биле пронајдени и одземени пари.

Исто така, по издадена судска наредба од Основен суд Велес, бил извршен претрес во дом и помошни простории на Н.М., каде биле пронајдени и одземени пари. Тој бил задржан во полициска станица, известен е јавен обвинител и по документирање на настанот против него ќе биде поднесена соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер