Во Јапонија е претставена новата Хонда Акорд (ВИДЕО)

На крајот на 2022 година, Honda премиерно ја претстави новата генерација на седан во Америка и Кина, која Европа нема да ја види.

Штета, бидејќи Акорд отсекогаш имал значителен број верни фанови. Во меѓувреме, Honda го лансираше новиот Accord, кој на домашниот јапонски пазар сега пристигна со препознатлив изглед, но и со нови технологии.

Визуелно идентично со американската верзија, новиот Accord се дистанцира со погонот. Јапонците можат да ја изберат само верзијата e:HEV, што значи дека се работи за хибрид кој само се полни. Комбинира бензински мотор 2.0, два електромотори и CVT менувач. Техничките податоци не се познати, но добро е да се знае дека подеднакво моторизираниот Civic има 184 КС и 315 Nm.

Друг интересен детал е приспособливиот ротирачки прекинувач на централната конзола што ги заменува традиционалните контроли. Honda го нарекува „Experience Selection Dial“ и веќе го нуди на кинеската верзија на моделот. Може да се користи за контрола на аудио системот, климатизацијата, осветлувањето итн.

Да го споменеме и 12,3-инчниот инфозабавен екран со технологија „Google Built-in“ и системот за помош Honda Sensing 360 ADAS од безбедносен аспект.

Првите испораки на моделот се очекуваат на почетокот на следната година.

Регионална конференција за интернет-слобода

Во организација на Балканската истражувачка репортерска мрежа (БИРН) од денеска до 20 јуни во Скопје ќе се одржи регионална конференција за интернет-слобода.

На конференцијата, како што најавуваат од БИРН, ќе присуствуваат експерти од областа на дигиталните права и слободи од сите релевантни полиња, како и на институции задолжени за политиките поврзани со интернетот.

Меѓу нив ќе има владини претставници, граѓански организации, активисти за дигитални права, академици, новинари и ентузијасти за технологија и интернет политики од Албанија, Босна и Херцеговина, Косово, Црна Гора, Македонија и Србија.

-Во текот на трите дена од настанот, говорниците и учесниците ќе разговараат за дигитално управување, приватност и заштита на податоците, за онлајн дезинформации и насилен екстремизам, за одговорна употреба на вештачка интелигенција, за родово засновано насилство преку информатичките и комуникациските технологии (ИКТ), како и за регионалните иницијативи за управување со интернетот каде учествуваат повеќе засегнати страни. се вели во соопштението од БИРН.

Конференцијата ќе ја отворaт Ана Петрушева, директорка на БИРН Македонија и амбасадорот Дејвид Гир, шеф на Делегацијата на Европската Унија во Република Македонија.

Настанот, посочуваат од БИРН, ќе резултира со клучни пораки кои ќе бидат вклучени во натамошното креирање препораки, како и подобрување во известувањето и подигнувањето на свеста за медиумите и форумите за политики на национално, регионално и меѓународно ниво од гледна точка на Западен Балкан. Тој е организиран како дел од проектот Известување за дигитални права и слободи и е поддржан од Европската комисија./МИА

Свечена академија по повод 65-годишниот јубилеј на ФЕИТ

Факултетот за електротехника и информациски технологии при Универзитетот„Св. Кирил и Методиј“ – Скопје вечер ќе одржи Свечена академија по повод одбележување на својот 65-годишен јубилеј.

На академијата, како што најавуваат организаторите, треба да се обратат Владимир Атанасовски, декан на ФЕИТ, Биљана Ангелова, ректор на Универзитетот „Св. Кирил и Методиј“ – Скопје, како и претседателката на Република Северна Македонија Гордана Сиљановска – Давкова.

По завршување на Академијата ќе бидат промовирани и дипломираните инженери и магистри на Факултетот. /МИА

Израелската армија соопшти дека наскоро ќе ги постигне сите цели на својата офанзива во Рафа

Израелската армија соопшти дека наскоро ќе ги постигне сите цели на својата офанзива во градот Рафа во Појасот Газа.

Половина од борбените единици на палестинското исламистичко движење Хамас, кое владееше со Појасот Газа пред нападот на 7 октомври врз јужен Израел, се уништени, се вели во соопштението на израелските одбранбени сили (ИДФ).

Помеѓу 60 отсто и 70 проценти од територијата на градот во јужниот дел на палестинската енклава сега е под „оперативна контрола“ на ИДФ.

Израелската армија верува дека ќе бидат потребни уште неколку недели за да ја заврши својата воена операција во градот. Израелската офанзива во градот Рафа на границата со Египет започна на почетокот на мај. Израелските одбранбени сили изјавија дека целта им е да ги уништат последните борбени единици на „Хамас“, јави ДПА./МИА

притисни ентер