Живот

Во јануари измерени рекордно високи температури на воздухот на глобално ниво

Минатиот месец беше најтоплиот јануари забележан на глобално ниво, наведува Службата за климатски промени на ЕУ Коперник (ЦЦЦС).

Заменик директорката на ЦЦЦС, Саманта Бурџис истакна дека 2024 година почна со уште еден месец за соборување на рекорди.

Не само што ова беше најтоплиот јануари досега, туку штотуку доживеавме 12-месечен период од повеќе од 1,5 степени Целзиусови над прединдустрискиот референтен период. Брзото намалување на емисиите на стакленички гасови е единствениот начин да се запре порастот на глобалните температури, истакна Бурџис.

Според Коперник, минатиот месец воздухот бил за 0,7 степени Целзиусови потопол од просекот од периодот од 1991 до 2020 година за јануари и 1,66 Целзиусови степени потопло од јануарски просек во периодот од 1850 до1900 година.

Јануарскиот просек исто така беше за 0,12 Целзиусови степени повисок од температурата во претходниот најтопол јануари 2020 година. Тоа значи дека последните осум последователни месеци биле најтоплите досега.

Според Коперник, натпросечните температури во источна Канада, северозападна Африка, Блискиот Исток и централна Азија најмногу придонеле за ваквите високи бројки, според Коперник.

Сепак, потпросечни температури беа забележани во западна Канада, централниот дел на САД и поголемиот дел од источен Сибир.

Температурите во Европа варираат во јануари 2024 година од под просекот во нордиските земји до натпросечните на југот на континентот.

Претходно шпанското Министерство за животна средина го прогласи јануари за најтопол во земјата од почетокот на рекордите во 1961 година, со просечна температура од 8,4 Целзиусови степени, 0,4 Целзиусови степени над претходниот рекорд измерен во 2016 година.

Нордиските земји забележаа некои од најниските температури во изминатите децении. Во шведскиот град Квикјок на 3 јануари измерени се минус 43,6 Целзиусови степени, што е најстудената јануарска температура забележана во Шведска во изминатите 25 години.

Минатата година беше одбележана и со феноменот на затоплување Ел Нињо, при што температурите на морскиот воздух генерално останале на невообичаено високо ниво.

Во меѓувреме, арктичкиот морски мраз беше блиску до просекот и највисок за јануари од 2009 година, додека морскиот мраз на Антарктикот беше шести најнизок за јануари, со 18 проценти под просекот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Арамијата Мицкоски повторно зборува бајки за платите а не даде поддршка за минимална плата од 600 евра

Нова бројка. Нова бајка на арамијата Мицкоски.

Најавува 1.000 евра плата.

Во Собрание не прифаќа 600 евра минимална плата ама надвор сака да раскажува бајки.

Додека работниците едвај врзвуваат крај со крај има ново прзно ветување ама нема решение.

Просечната плата не се зголемува со говор.

Животниот стандард не се подобрува со бајки. На работникот му треба повисока плата на сметка денеска. Му требаат пари за храна, за сметки, за своите деца.

СДСМ поднесе предлог за минимална плата од 600 евра.

ВМРО-ОКГ не го поддржа. Руската Левица не беше во салата. ЗНАМ не даде глас.

Кога требаше да се застане зад работникот, поддршката изостана од Мицкоски, ВМРО, и нивните сателити како ЗНАМ и Левица.

Толку од бајките на Мицкоски и неговите сателити на далечинско.

Граѓаните живеат тешко. Работниците едвај го поминуваат месецот.

Две минимални плати не ја покриваат ниту скратената владината кошница. Синдикалната кошничка со кирија надминува 90.000 денари.

Храната е прескапа. Горивата до плафон. Платите не стигнуваат ниту до средина на месецот.

Ребалансот е потврда за целиот дебакл на економските политики на Мицкоски. Втор ребаланс за само две месеци како признание за промашувањата.

Нема пари за плати, нема за пензии, нема за работниците, дупката е 900 милиони евра, за пензиите фалат 1 милијарда евра. Целосен дебакл.

Затоа се трупаат нов и долгови врз грбот на народот.

За само 2 години Мицкоски го зголеми долгот за 4 милијарди евра.

Не за поголеми плати и пензии, туку за криминални тендери.

На бајките на арамијата нема крај. Сметката ја плаќа народот.

Прес конференција на СДСМ, Маја Серафимовска -Борозан

Скопје, 12.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Ива Михаилова е на Стоп-листата, нема евидентиран излез од Македонија

Министерството за внатрешни работи изврши проверки во системот за гранична контрола, при што е утврдено дека за лицето Ива Михајлова, за кое е во сила активна судска забрана, нема евидентиран излез од територијата на Македонија.

Дополнително, преку Заедничкиот контакт-центар со Република Бугарија, извршени се проверки и од страна на бугарската гранична полиција, од каде што е добиена информација дека за наведеното лице нема евидентиран легален влез на територијата на Република Бугарија.

Според податоците од граничните евиденции, лицето последен пат остварило влез во Република Бугарија во септември 2025 година, додека во октомври 2025 година е евидентиран негов излез од Република Бугарија, односно влез во Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски: Откако бугарскиот амбасадор Филипче сфати дека не проаѓа кај граѓаните, стана партизан и почна да маршира

Бугарскиот амбасадор Филипче, кој ги застапува бугарските интереси во Македонија, верувале или не, викендов стана партизан.

Поголем лицемер и човек без образ од бугарскиот амбасадор Филипче, нема.

Секојдневно Филипче говори дека Бугарите треба да ги внесеме во Уставот и го шири наративот на Румен Радев во Македонија, но викендов маршираше токму против фашистичките окупатори.

Директно поставуваме прашање до Филипче и очекуваме одговор, против кого маршираше Филипче викендов? Против бугарските фашистички окупатори или пак против бугарските администратори?

Да не заборавиме дека токму тој со Заев велеше дека Бугарите не биле окупатори, туку администратори.

Затоа и тие 300 луѓе со кои маршираше, патем луѓе на Заев, му се максимумот кој може да го достигне.

Филипче е прочитан од граѓаните и тие не му веруваат, а потврда за тоа се и анкетите на кои јасно се гледа дека токму тој има рејтинг од 3%.

Валентин Манасиевски, портпарол на ВМРО-ДПМНЕ

Со почит,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.