Во Италија од САД се вратија ограбени артефакти, вредни 60 милиони евра (ВИДЕО)

Италија го прослави враќањето на околу 600 антиквитети од САД, вклучувајќи антички бронзени статуи, златни монети, мозаици и ракописи во вредност од 60 милиони евра (65 милиони долари).

Италија го прослави враќањето на околу 600 антиквитети од САД, вклучувајќи антички бронзени статуи, златни монети, мозаици и ракописи во вредност од 60 милиони евра (65 милиони долари), што биле ограбени пред години и продадени на американски музеи, галерии и колекционери.

На вчерашната презентација беа присутни американскиот амбасадор Џек Маркел, шефот на Одделот за антиквитети на окружниот обвинител во Њујорк, Метју Богданос и членови на американското Министерство за истраги за внатрешна безбедност, заедно со раководството на италијанското Министерство за култура и Уметничкиот одред на карабинерите, објави АП.

Тоа беше најновата презентација на плодовите од повеќедецениските напори на Италија да ги врати антиквитетите ограбени или украдени од нејзината територија од страна на ограбувачите на гробници, „томбароли“, продадени на трговци со антиквитети кои често фалсификувале записи за потекло за да го препродадат пленот на крајните купувачи, аукциски куќи и музеи.

Маркел рече дека Вашингтон е посветен на враќање на украдениот плен „таму каде што припаѓа“ како знак на почит кон Италија и нејзиното културно и уметничко наследство.

Меѓу антиквитетите не беше и старогрчката бронзена статуа „Победничката младост“, тема на повеќедецениска судска битка меѓу Италија и калифорнискиот музеј Гети во Малибу.

Статуата повторно се најде на насловните страници неодамна кога Европскиот суд за човекови права силно го потврди правото на Италија да ја заплени, потврдувајќи дека е нелегално извезена од Италија.

Богданос и членовите на американското Министерство за истраги за домашна безбедност одбија да коментираат дали и кога „Победничката младост“ ќе биде вратена, велејќи дека истрагата е во тек.

Меѓу највредните артефакти изложени вчера беше сребрената монета од Наксос од четвртиот век на која е претставен богот на виното Дионис, кој беше ограбен при нелегално ископување на Сицилија пред 2013 година и прошверцуван во Британија.

Богданос рече дека монетата, која била понудена на продажба за 500.000 долари, била пронајдена во Њујорк минатата година како дел од истрагата против истакнат британски дилер на монети.

Одржана третата средница на Штабот за заштита и спасување на општина Илинден

Беа дадени и препораки за спречување на настанување и отстранување на последиците од природни непогоди и други несреќи.

Во просториите на Општина Илинден се одржа третата седница на Штабот за заштита и спасување на општина Илинден со која раководеше командантот, градоначалникот Александар Георгиевски, а покрај членовите на Штабот, присуствуваа и претставници од јавните претпријатија од Општината, како и претставници од ОКТА, Макпетрол и ПО Петровец, како и претставник од Општинскиот противпожарен сојуз на Илинден.

На третата редовна седница акцентот на дискусијата беше ставен на моменталната состојба со високите температури, со цел преземање превентивни мерки за заштита од евентуални пожари и заштита од можни поплави поради нестабилност на временските услови.

Беа дадени и препораки за спречување на настанување и отстранување на последиците од природни непогоди и други несреќи.

Борел за утрешната средба Вучиќ-Курти: Дијалогот мора да доведе до оперативно решение

На маргините на состанокот на шефовите на дипломатиите во Луксембург, Борел им рече на новинарите дека сега тоа е клучно, бидејќи членките на ЕУ го разгледуваат неговиот предлог барем за постепеното укинување на санкции за Косово.

Високиот претставник на Европската унија (ЕУ) Жосеп Борел пред средбата меѓу српскиот претседател Александар Вучиќ и косовскиот премиер Албин Курти во Брисел, изјави дека „вложува напори српско-косовскиот дијалог да го доведе до оперативно решение“ за спроведување на Охридскиот договор, јави дописникот на МИА од Белград.

На маргините на состанокот на шефовите на дипломатиите во Луксембург, Борел им рече на новинарите дека сега тоа е клучно, бидејќи членките на ЕУ го разгледуваат неговиот предлог барем за постепеното укинување на санкции за Косово.

- И тоа може да создаде сценарио во кое Дијалогот, не велам дека ќе се обнови, но барем нема грубо да се прекине, соопшти високиот претставник на Унијата.

- Двајцата лидери (на Србија и на Косово) се состануваа долго време во рамките на Дијалогот и јас не сакам тој да заврши пред да го завршам мојот мандат, рече Борел.

Високиот претставник на ЕУ објасни дека Приштина и Белград „од една или друга причина не биле во можност да го спроведат тој договор“, но рече дека „сега е неопходно да се обноват состаноците на високо ниво за да се знае каде сме“.

Според најавата на ЕЕАС, Борел и Лајчак утре во Брисел прво одделно ќе разговараат со Вучиќ, а потоа со Курти, по што ќе следи заедничка средба на високите претставници на ЕУ и српскиот претседател и косовскиот премиер.

Маринакис: Постои само едно толкување на ерга омнес

Не може да биде селективно спроведувањето на меѓународното право и тоа е нешто што нема да биде толерирано од грчка страна.

Ние бараме јасно и гласно, без отстапки почитување на договореното и ова е позиција од која нема да направиме каква било отстапка, рече портпаролот на грчката Влада Павлос Маринакис на денешниот редовен брифинг со новинарите и притоа посочи дека постои само едно толкување на ерга омнес, јави дописничката на МИА од Атина.

Одговарајќи на прашањето на МИА за тоа дали Мицотакис ќе му честита на Мицкоски, сега кога и официјално новата Владата положи заклетва, Маринакис посочи дека Грција во рамките на добрососедските односи со сите земји се придржува до протоколите, но и ги повтори грчките позиции.

-Факт е генерално, без да имам конкретна информација, дека нашата земја како држава сака, се стреми кон добрососедски односи, се стреми кон добри односи со сите држави, особено кога се соседни земји, се придржува кон сите протоколи за секоја процедура, без разлика дали е изборен процес или заклетва на Влада. Но, повторувам, бидејќи постојат некои новопојавени погрешни толкување за тоа што значи ерга омнес, јасно е, нема многу толкувања има едно толкување согласно меѓународното право и во овој момент со низа формулации спротивни на меѓународното право, се чини дека новата Влада на С. Македонија не го почитува. Очекуваме да видиме дали ќе усогласи, рече Маринакис.

Паралелно го повтори она шефот на грчката дипломатија Јоргос Герапетритис го посочил на вчерашниот состанок на министрите за надворешни работи на ЕУ дека „однесувањето на Скопје од изборите и потоа е престапното однесување, спротивно на меѓународното право“, но и дека „не постои почитување на обврската за ерга омнес име на државата, како што произлезе по Договорот од Преспа“.

Во однос на можностите за прва тет-а-тет средба на премиерите на двете земји на маргините на НАТО Самитот во Вашингтон за две седмици, на прашањето на дописничката на МИА од Атина, владиниот портпарол одговори дека ако се договори такво нешто ќе биде соопштено, меѓутоа во моментов не знае нешто повеќе.

Медиумите во Грција од доцна синоќа ги пренесуваат ставовите на премиерот Христијан Мицкоски изразени во интервјуто за ТВ24, особено делот во кој ја коментира вчерашната изјава на министерот за надворешни работи на Грција и посочува дека „или не го разбира Преспанскиот договор или погрешно го чита“.

Грчки дипломатски извори за медиумите утрово брифирале дека „правните текстови не се толкуваат врз основа на претпоставената волја и желба на кој било, туку врз основа на нивното писмо и дух, а техничкиот правен термин ерга омнес, кој е јадрото на Договорот од Преспа, не е подложен на апсолутно никакво оспорување“.

притисни ентер