Во Македонија денеска се одбележува 23 Октомври, Денот на македонската револуционерна борба. На овој ден во 1893 година во Солун била основана Внатрешната Македонско-Одринска Револуционерна Организација (ВМОРО), со цел извојување автономија на Македонија преку револуционерна борба.

Кулминација на дејноста на ВМОРО е организирањето на Илинденското востание во 1903 година во Македонија и на Преображенското востание во Одринска Тракија.

Основите на Организацијата се поставени на 5 ноември 1893 година (23 октомври – според стариот календар) во куќата на книжарот Иван Хаџи Николов во Солун. На основачкиот состанок присуствуваат: Д-р Христо Татарчев – лекар, родум од Ресен, Даме Груев – учител, родум од с. Смилево – Битолско, Петар Поп Арсов – учител, родум од с. Богомила – Велешко, Иван Хаџи Николов – книжар во Солун, родум од Кукуш, Антон Димитров – учител, родум од с. Ајватово – Солунско и Христо Батанџиев – учител, родум од с. Гуменџа, Ениџе Вардарско.

Основачите почнуваат да ги шират овие револуционерни идеи меѓу прогресивната младина во Солунската бугарска машка гимназија. Набргу, учениците во гимназијата создаваат кружоци, конспиративни групи и др. По завршувањето одат по своите родни места и таму почнуваат да агитираат. Младите студенти и нивните професори стануваат стожерот, односно движечката сила на македонската револуција. Емисарите вршат обиколки по селата во Македонија и Одринска Тракија и формираат месни комитети. Откако на овој начин се формирала структурата на организацијата, почнал процесот на создавање вооружени чети и почнале набавки на оружје по илегални канали од Бугарија и Грција.

По повод Денот на македонската револуционерна борба, почна свечената академија насловена „Свои на своето!“ во НУ Македонски народен театар.

Свое обраќање ќе има претседателот на Владата, Христијан Мицкоски.

Собраниска делегација, пак, предводена од потпретседателот Антонијо Милошоски, составена од пратениците Велика Стојкова – Серафимовска и Даниела Николова, положи венец свежо цвеќе на Споменик на основачите на ВМРО – Парк „Жена борец“ во Скопје.

Во Кристалната сала на Собранието на Република Македонија е доделена државната награда „23 Октомври“ за 2026 година за долгогодишни остварувања во областа на науката, културата, образованието, заштитата на државните интереси и промоција на државните приоритети, вредности и културно-историското наследство од јавен интерес на Република Македонија.

За остварување во областа на културата и уметноста, наградата му се доделува на Ѓорѓи Јолевски, актер, додека за остварување во областа на науката, наградата им се доделува на проф. д-р Стојко Стојков, историчар и проф. д-р Виктор Лилчиќ Адамс, археолог.

По повод 23 Октомври, во македонскиот Културно-информативен центар во Софија во средата вечер се одржа културно-историски настан посветен на 23-ти Октомври – Денот на македонската револуционерна борба, тематски насловен „Во светлината на слободната“. Настанот беше посветен на историските процеси што го одбележале македонското револуционерно движење, на идеалите за слобода и достоинство, како и на животот и делото на Даме Груев, еден од основачите на Македонската револуционерна организација (МРО), подоцна позната како ВМРО.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Расправијата започна кога Колинс го праша Трамп дали неговата одлука за укинување на санкциите кон Русија е поврзана со ослободувањето на Стивен Хабард, американски професор кој беше притворен во земјата од 2022 година.

„Глупава си и работиш за CNN“

Трамп ги бранеше преговорите со Русија околу ослободувањето, но Колинс инсистираше на одговори. Претседателот тврдеше дека одлуката за санкции била неопходна за преговорите и дека Хабард инаку немаше да биде ослободен. Колинс одговори дека ова всушност значи дека администрацијата ѝ дала на Русија нешто за возврат.

„Немаш поим за што зборуваш“, ѝ рече иритираниот Трамп. „Глупава си. Ти си личност со низок коефициент на интелигенција.“ „Глупав си и работиш за CNN.“

„Ако преговарам да го вратам човекот кого се обидуваме да го вратиме со години, човек кој бил затворен во Сибир или некаде на друго место во Русија, тогаш го враќаме благодарение на мене“, додаде тој.

Колинс повторно праша дали укинувањето на санкциите е поврзано со ослободувањето на Хабард, откако Трамп рече дека не жртвувал ништо за да го обезбеди враќањето на Американецот.

Американскиот претседател го отфрли нејзиното прашање, но повтори дека одлуката помогнала да се обезбеди ослободувањето.

Kaitlan Collins absolutely WRECKS Donald Trump. 🔥🔥🔥 https://t.co/mXtdtLUFp4

— Beach Roy 🤙 (@Beach_Roy33) October 22, 2026

Таа го фати во лага

„Вклучи го мозокот“, рече тој.

Новинарката го фати во директна контрадикција затоа што Трамп прво тврдеше дека Американците не направиле никакви отстапки кон Русија, само за подоцна да признае дека професорот никогаш немаше да биде ослободен ако Вашингтон не ги укинаше санкциите кон Москва.

Тоа беше нов јавен судир меѓу Трамп и Колинс и втора расправија на претседателот со новинарите за само два дена.

YIKES -- Trump loses his shit at a reporter for the third time during this Q&A -- "Wait wait -- Quiet. Quiet!!!! What's wrong with you? Are you a SICK person?" https://t.co/2iiELisaxg

— Aaron Rupar (@atrupar) October 20, 2026

Прашајте друг новинар дали е болен

Порано оваа недела, Трамп се судри со друг новинар за време на прес-конференција во Овалната соба. Неговиот брз одговор тимот го идентификуваше како Ендру Фајнберг, дописник на „Индипендент“.

Кавгата се случи додека Трамп одговараше на прашања. Претседателот, видливо иритиран, во еден момент му се обрати директно на новинарот.

„Што ви е?“ праша Трамп. „Дали сте болни?“

„Не знам, господине“, одговори новинарот. „Мислам дека нешто не е во ред со вас“, рече Трамп.

Трамп му рече на новинарот да „биде внимателен“ откако новинарот го праша зошто новата програма за пријавување на невистини нуди провизија од само 1 процент, додека Законот за лажни тврдења бара минимум 10 проценти.

Трамп го даде коментарот „болно лице“ подоцна, кога Фајнберг започна прашање за голф терените на Трамп. Претседателот го прекина и му рече да „молчи“, па прашањето никогаш не беше завршено, ниту пак беше јавно објавено.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Министерот за правда Јетон Шасивари оствари средба со Никол Варнс, вршителка на должноста шеф на Мисијата во Амбасадата на Соединетите Американски Држави, на која се разговараше за клучните реформски приоритети во правосудството и можностите за натамошно продлабочување на билатералната соработка.

Стратешкото партнерство со Соединетите Американски Држави претставува силна поддршка за реформската агенда на Министерството за правда, особено во зајакнувањето на владеењето на правото, унапредувањето на правосудниот систем и борбата против корупцијата и организираниот криминал. Американската експертиза и институционална поддршка имаат особено значење за спроведување суштински реформи што ќе обезбедат поефикасни институции, поголема правна сигурност и конкретни резултати.

Посебен акцент на средбата беше ставен на реформата на кривичното законодавство. Министерот Шасивари ја истакна потребата од користење на американското искуство и експертиза во овој процес, со цел создавање современи и ефикасни законски решенија што ќе придонесат за поуспешно спречување и санкционирање на корупцијата и криминалот.

Во фокусот на разговорите беа и дигитализацијата на правосудниот систем, законодавната агенда и зајакнувањето на институционалните капацитети, како клучни сегменти на реформскиот процес.

Министерот Шасивари изрази благодарност за континуираната поддршка од САД, особено за придонесот во јакнењето на институциите и борбата против транснационалниот организиран криминал.

Конкретен резултат од ова партнерство е започнатата реализација на проектот за поддршка на спроведувањето на Националната стратегија за дроги, финансиран од Бирото за меѓународни прашања за наркотици и спроведување на законот (INL) при Стејт департментот на САД.

Двете страни ја потврдија подготвеноста за натамошно продлабочување на соработката преку конкретни проекти, експертска помош и размена на искуства, со цел обезбедување одржливи и мерливи резултати од реформите.

За Министерството за правда, стратешкото партнерство со САД е повеќе од институционална соработка. Тоа е значајна поддршка за реформска агенда чија крајна цел е функционално, независно и ефикасно правосудство, во кое законите доследно се применуваат, институциите ја преземаат својата одговорност, а граѓаните имаат доверба во правдата, соопштуваат од Министерството за правда .

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.