Живот

Во Индија најавено спроведување на законот за државјанство што ги исклучува муслиманите

Владата на индискиот премиер Нарендра Моди вчера ги објави правилата за спроведување на Законот за државјанство од 2019 година што ги исклучува муслиманите.

Законот за изменување и дополнување на државјанството обезбедува брза патека за натурализација за хиндусите, парсите, сиките, будистите, џаините и христијаните, кои во Индија, земја со мнозинско хиндуистичко население, побегнале од Авганистан, Бангладеш и Пакистан пред 31 декември 2014 година. Законот ги исклучува муслиманите кои се мнозинство во сите три земји.

Законот беше одобрен од индискиот Парламент во 2019 година, но владата на Моди се повлече од неговото спроведување бидејќи во главниот град Њу Делхи и на други места избија смртоносни протести, со десетици загинати лица.

Националните протести во 2019 година привлекоа луѓе од сите вери кои изјавија дека законот ја поткопува основата на Индија како секуларна нација. Муслиманите беа особено загрижени дека владата може да го искористи законот, во комбинација со предложениот национален регистар на граѓани, за да ги маргинализира.

Националниот регистар на граѓани е дел од напорите на владата на Моди да ги идентификува и депортира луѓето за кои тврди дека илегално влегле во Индија. Регистарот е спроведен само во североисточната држава Асам, а владејачката партија Бхаратија Џаната вети дека ќе спроведе слична програма за проверка на државјанството низ целата земја.

Владата на Моди го бранеше Законот за државјанство од 2019 година како хуманитарен гест. Се тврди дека законот има за цел само да го прошири државјанството на верските малцинства кои бегаат од прогон и нема да се користи против индиските граѓани.

„Овие правила сега ќе им овозможат на малцинствата кои се прогонувани на верска основа во Пакистан, Бангладеш и Авганистан да добијат државјанство на нашата земја“, напиша министерот за внатрешни работи Амит Шах на платформата „Х“.

Главната опозициска Конгресна партија ја доведе во прашање ваквата најава за спроведување на законот, соопштувајќи дека „тајмингот на изборите е јасно дизајниран да ги поларизира гласачите“.

Во соопштението, организацијата за човекови права Амнести Индија го нарече законот „дискриминаторски“ и оцени дека е „против уставните вредности на еднаквост и меѓународните прописи за човекови права“. Во соопштението се наведува дека законот „ја легитимира дискриминацијата врз основа на религија“ и дека тој е „исклучувачки по својата структура и намера“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Двојните аршини на СДС, ДУИ и Таравари се потврдија во случајот со нивниот кандидат Валбон Лимани

Наместо јасни одговори и преземање одговорност за скандалот со водата во Гостивар, јавноста е сведок на двојните аршини од страна на СДС, ДУИ и Таравари кога станува збор за нивниот кандидат Валбон Лимани.

Воедно, Лимани јавно изјави дека не чувствува никаква одговорност, а оние што секојдневно зборуваат за отчетност, СДС, ДУИ и Таравари остануваат неми. Наместо да побараат одговорност од својот кандидат, избираат да молчат.

Тоа е уште една потврда дека за овие политички партии принципите важат само кога треба да се напаѓаат политичките противници. Кога станува збор за нивните функционери, тогаш нема ниту критика, ниту барање за оставка, ниту преземање одговорност.

Граѓаните на Гостивар заслужуваат вистината да биде целосно расветлена и секој што има одговорност да ја понесе, без разлика на политичката припадност. Институциите и избраните функционери мора да бидат одговорни пред граѓаните, а не заштитени од партиски интереси.

Затоа, очекуваме СДС, ДУИ и Таравари јавно да кажат дали го поддржуваат ставот на Валбон Лимани дека никој не треба да сноси одговорност за скандалот со водата или, конечно, ќе застанат на страната на граѓаните и ќе побараат отчетност.

Граѓаните заслужуваат отчетност, транспарентност и ефикасно решавање на проблемите. Тоа треба да биде единствениот приоритет на сите избрани и именувани функционери.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: За масовното труење во Гостивар мора да има оставки, политичка и кривична одговорност

Во Гостивар се случи масовно труење на граѓаните. Институциите и целиот здравствен систем целосно потфрлија во својата основна обврска – да го заштитат здравјето на луѓето.

За овој скандал мора да има и политичка и кривична одговорност.

Граѓаните имаат право да ја знаат целата вистина: што точно се случило, зошто труењето не било спречено, каде затаиле институциите и зошто илјадници луѓе биле оставени да пијат загадена вода.

Загадувањето на водата започнало уште на 25 јуни. Тоа значи дека цели 22 дена гостиварчани пиеле загадена вода, а надлежните институции не презеле ништо.

Зошто Центарот за јавно здравје не вршел редовни анализи на водата?

Првите пациенти биле регистрирани на 13 јули, по што секој ден се пријавувале по околу 200 нови случаи. Зошто никој навреме не го истражил наглото зголемување на бројот на заболени?

Првите детални препораки од Институтот за јавно здравје биле објавени дури на 18 јули – пет дена по појавата на првите пациенти.

Уште поскандалозно е што само три дена пред да се утврди дека гостиварчани пиеле контаминирана вода, Центарот за јавно здравје издал извештај дека водата е безбедна за пиење.

Наместо брза реакција, итна координација и навремено информирање на јавноста, се случија хаос, молк и целосен институционален колапс.

Здравствените власти не побараа навремено испитување на водата и не презедоа итни мерки за заштита на населението. Наместо нив, по допрен глас постапувало Обвинителството.

Но Обвинителството тактизираше додека епидемијата се ширеше. Резултатите од анализите се криеја зад „тајноста на истрагата“, додека лекарите и граѓаните не знаеја со што се соочуваат.

Цената ја платија граѓаните со своето здравје. Денес повеќе од 3.000 граѓани на Гостивар се регистрирани со симптоми на труење, а уште многу други се лекуваат во домашни услови.

СДСМ бара итно да се утврди целиот синџир на одговорност – од локалните институции до министерот за здравство.

Бараме итни и неотповикливи оставки од:

• Министерот за здравство Сашо Клековски;

• Директорката на Институтот за јавно здравје Марија Андоновска;

• Директорот на Агенцијата за храна и ветеринарство Оливер Миланов;

• Одговорните лица во надлежните центри за јавно здравје;

Мицкоски треба да прекине да ги штити. Јавното здравје е над секој функционер. Одговорност мора да има!

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Голем шумски пожар во Франција, евакуирани 12 000 луѓе

Хаос во Франција: Властите издадоа итна наредба, луѓето бегаат.

Шумскиот пожар што вчера зафати област во близина на басенот Аркашон, во францускиот департман Жиронд, се прошири на околу 2.000 хектари, а речиси 12.000 луѓе се евакуирани од претпазливост, соопшти префектурата.

Утринава властите наредија евакуација на уште околу 7.000 луѓе, а мерката се однесува на шест кампови и една станбена зона северно од Кап Фере – популарна туристичка дестинација во текот на летната сезона – објави „Фигаро“.

The wildfire in Saumos, Gironde, France, is actively spreading and remains out of control, according to the latest reports this afternoon, July 22, 2026. It started around midday, around 12:00 local time, in a pine forest in the Médoc, near Saumos and close to Le Porge, about 15… pic.twitter.com/YsVUdt5gkC
— T_CAS videos (@tecas2000) July 22, 2026

Префектурата синоќа соопшти дека најмалку 4.600 луѓе веќе биле евакуирани од своите домови и од сместувачките капацитети во загрозеното подрачје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.