Балкан

Во Грција се празнува Богојавление – Водици

Со осветување на водите и фрлање на светиот крст во реки, езера, во морето од пристаништата, но и во општински базени, па дури и во фонтани, во Грција денеска се празнува Богојавление - Водици, во земјата познат како Епифанија, Теофанија или Фота.

Со осветување на водите и фрлање на светиот крст во реки, езера, во морето од пристаништата, но и во општински базени, па дури и во фонтани, во Грција денеска се празнува Богојавление - Водици, во земјата познат како Епифанија, Теофанија или Фота, јави дописничката на МИА од Атина.

Манифестации за осветување на водите, како и секоја година се организираат во сите делови на Грција, со присуство на голем број верници, а исто како и кај нас, оној кој ќе го фати крстот, се верува дека ќе го следи среќа и ќе биде благословен цела година.

Централната манифестација во Атина се одржа на пристаништето во Пиреас во присуство на грчкиот претседател Константинос Тасулас, а крстот во морето го фрли поглаварот на Грчката православна црква, архиепископот Јеронимос.

Во центарот на Атина, обичај е да се освети и резервоарот за вода, а како и секоја година, така и денеска осветувањето беше во присуство на атинскиот градоначалник и министри од Владата.

Во Солун пак, манифестацијата беше во солунскиот залив, со учество на над 50 лица, кои по крстот се фрлија од чамец закотвен во морето, додека митрополитот Филотеос, свртиот крст го фрли од пристаништето.

Освен традиционалното фрлање на светиот крст, во одредени делови на Грција постојат специфични и уникатни обичаи што се пренесуваат од генерација на генерација и ја одржуваат жива локалната традиција.

Во селото Арависо, во близина на Јаница во северна Грција, Водици се одбележува со необичниот обичај на поминување со коњи низ студените изворски води од планината Паико, во ритуал на прочистување и осветување, додека за градот Драма карактеристичен е обичајот „Арапи“, при што учесниците носат црни наметки, кожи, маски и овчарски ѕвона, создавајќи звуци додека дефилираат по улиците, во ритуал што го симболизира протерувањето на злото.

Сличен симболизам има и обичајот во Костур (Касторија), каде што празникот се одбележува со карневалска атмосфера.

Во селото Галатиста на Халкидики, се оживува обичај со корени од 19 век, кој ја прикажува досетливоста на вљубено момче, кој својата сакана ја „киднапира“ со помош на камила, а во рамките на обновувањето на обичајот, камилата се носи низ селото, додека мажите играат и пеат околу неа.

На грчките острови Сими и Калимнос, верниците кои се фрлаат по крстот остануваат под вода колку е можно повеќе, а рибарите со нивните чамци формираат заштитен круг околу нив.

На Лефкада, заедно со крстот во морето се фрлаат и врзани портокали, кои подоцна се чуваат како симбол на благослов, а сличен е обичајот и на Закинтос.

Во областа Тесалија во централна Грција, освен крстот, жителите фрлаат во водите и икони, кои се осветуваат за време на чинот на осветување на водите.

Празничниот период во Грција што започнува непосредно пред Божиќ и продолжува со Нова година, завршува денеска, на Водици.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС се препозна во говорот на претседателот на Владата на Пелинце како “талог”

СДС се препозна во говорот на претседателот на Владата на Пелинце како “талог” и потврди дека е целосно во координација со надворешни агентурни центри.

РЕАКЦИЈА НА СДС

СДС се препозна во говорот на претседателот на Владата на Пелинце како “талогот” и потврди дека е целосно во координација со надворешни агентурни центри.

Имено, во текот на вчерашниот ден, за време на одбележувањето на илинденската прослава во селото Ташмаруништа, претседателот на ВМРО-ДПМНЕ и претседател на Владата, Христијан Мицкоски, традиционално го посети ова населено место, по неговиот говор во Пелинце. Поздравен од присутните граѓани се движеше низ народот како што прилега на народен лидер, за разлика од претседателот на СДС кој бега од народот на скапи јахти и уплашен преку снимени пораки се обраќа на ден како Илинден. За време на движењето на претседателот Мицкоски низ народот, едно лице во обид да испровоцира инцидент, под дејство на алкохол, дофрлало зборови со непримерна содржина. Лицето било изолирано од присутните граѓани и легитимирано од страна на припадници на МВР. При легитимирањето лицето извадило бугарска лична карта и бугарска патна исправа.

Конструкцијата на СДС е уште еден доказ за нивните блиски релации со странски агентурни центри на влијание, а со самопрепознавањето како “талогот” во говорот на претседателот Мицкоски на Пелинце, потврдија дека антимакедонските позиции и анационакните елементи се длабоко вкоренети во СДС како политичка партија.

Кон “талогот” во СДС имаме една порака, без разлика на вашите договори со странски агентури и конструкциите темелени на ужасни лаги, нема никогаш да направиме отстапки на штета на идентитетот и државата. Вие продолжете да тонете во вашето политичко мочуриште и правете заговори на јахти на штета на идентитетот и државата, а ние заедно со народот ќе продолиме да работиме за Македонија.

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Што му се случило на Мицкоски во Ташмаруништа?

Вчера попладне, на Илинден, Христијан Мицкоски, заедно со генералниот секретар на ВМРО-ОКГ Драган Ковачки беше во селото Ташмаруништа.

Објави и фотографии.

Но, прашањето е што навистина му се случило на Мицкоски во Ташмаруништа?

Дали е точно дека граѓаните вербално го нападнале Мицкоски?

Дали го пцуеле незадоволни од неисполнетите ветувања?

Очигледно токму политиката на ширење омраза, раздор и поделби што ја води Мицкоски, дури и во својот говор за Илинден се причина за граѓаните да не можат да го гледаат.

Незадоволството кај граѓаните е огромно, поради катастрофалната економска состојба, труењето со вода, изолацијата на земјата и секојдневните лаги на Мицкоски.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Целосен колапс на Куба,10 милиони луѓе без струја, нема ниту гориво

Целосен колапс на Куба,10 милиони луѓе без струја, нема ниту гориво, се шири непријатна миризба.

Националната електроенергетска мрежа на Куба колабираше доцна во неделата, соопшти државната компанија за електрична енергија, оставајќи околу 10 милиони жители на островската земја во мрак.

Компанијата „Унион електрика де Куба“ (Union Electrica de Cuba) не даде дополнителни детали во своите објави на социјалните мрежи X и Фејсбук, пренесува Ројтерс.

Најновиот прекин во снабдувањето уследи по трите прекини на електричната енергија на национално ниво во текот на јули, во период кога се на сила американското ембарго за увоз на нафта и блокадата на застарената енергетска инфраструктура на Куба.

Тас наведува дека дури и во луксузните населби на кубанската престолнина се шири непријатен мирис на скапана храна бидејќи фрижидерите во продавниците не можат да издржат долги периоди без електрична енергија, генераторите што одржуваат електрична енергија често откажуваат поради големо оптоварување, а горивото за нив во моментов е доста тешко да се набави во Куба.

Огромни купишта ѓубре повторно се натрупаа на градските улици бидејќи нема доволно гориво за движење на камионите за ѓубре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.