Живот

Во Германија нивото на образование на родителите има големо влијание врз децата

Меѓу возрасните чии родители имале или стручни квалификации или завршено средно образование, само 19 отсто се стекнале со универзитетска диплома. 

Во најновиот извештај на германскиот Федерален завод за статистика се наведува дека децата на родителите кои имаат факултетска диплома имаат значително поголема веројатност да се стекнат со универзитетска диплома од децата на родителите кои немаат високо образование.

Меѓу возрасните чии родители имале или стручни квалификации или завршено средно образование, само 19 отсто се стекнале со универзитетска диплома. Стапката е уште помала односно 12 проценти за децата чии родители имале само сертификат за завршување на училиште или пониска квалификација. Додека 56 отсто од возрасните со барем еден родител кој се стекнал со универзитетска диплома и самите се здобиле со диплома.

Со извештајот се опфатени лица на возраст од 25 до 65 години и се заснова на податоци од 2021 година.

Извештајот, исто така, покажа дека разликите во образовното ниво на граѓаните на возраст меѓу 25 и 65 години биле очигледни и во однос на нивната имиграциска историја.

Во 2022 година, потомците родени во Германија од двајца родители имигранти имале помала веројатност да имаат високо образование (19 отсто) отколку луѓето без семејна историја на имиграција (25 проценти) и имале поголема веројатност да имаат ниски формални квалификации (23 отсто во споредба со 10 проценти).

Регион

Молотов пред домот на претседателката на Врховниот суд на Грција, повреден полицаец

Инцидентот се случил во населба во северниот дел на Атина, кусо еден часот по полноќ, а било запалено патролно возило на полицијата, при што интервенирала противпожарната служба со осум пожарникари и две возила.

Бомба молотов била фрлена пред домот на претседателката на Врховниот суд на Грција, при што бил повреден полицаец и пренесен во болница со повреди на лицето и раката, јави дописничката на МИА од Атина.

Инцидентот се случил во населба во северниот дел на Атина, кусо еден часот по полноќ, а било запалено патролно возило на полицијата, при што интервенирала противпожарната служба со осум пожарникари и две возила.

Портпаролот на грчката Влада Павлос Маринакис го осуди нападот и истакна дека „демократијата и нејзините столбови, како што се судството и неговите функционери, не се заплашуваат“, посочувајќи дека апсолутен приоритет е итното апсење на сторителите.

Фудбал

За прв пат во кариерата Роналдо не постигна гол во групната фаза на некој голем турнир

 Репрезентативниот напаѓач на Португалија, Кристијано Роналдо, за прв пат во кариерата не постигна гол во групната фаза на еден голем турнир.

Триесет и деветгодишниот Португалец не успеа да се запише во листата на стрелците на ниту еден од неговите три натпревари во Ф-групата на Европското првенство 2024.

Кристијано претходно има постигнато гол на сите негови претходни 10 групни турнири на Светско или Европско, кои датираат од Евро 2004 година.

Португалија која синоќа загуби од Груизија, со шест бода го освои првото место во групата.

Противник на Португалците во осминафиналето ќе биде селекцијата на Словенија.

Свет

Кина одвои 316 милиони долари итна помош за справување со последиците од смртоносните поплави

Кинеската влада додели итна помош во вредност од 316 милиони долари на градските власти за справување со последиците од смртоносните поплави во земјата.

Средствата се за поддршка на спасувачките операции, за итни случаи и планирање за спречување на штети од поплави и лизгање на земјиштето предизвикани од поројните дождови кои паѓаат речиси две недели.

Министерството за финансии и Министерството за вонредни ситуации денеска ослободија 486 милиони јуани, најновата транша од финансиската помош за погоденото население.

притисни ентер