Во Франција се откриени остатоци на 13 Гали, погребани во седечка положба (ФОТО) - Канал 5

Култура

Во Франција се откриени остатоци на 13 Гали, погребани во седечка положба (ФОТО)

Тринаесет Гали погребани во седечка положба, кои датираат од 300 до 200 година п.н.е., се ексхумирани во Дижон во централна Франција, објави денеска Националниот институт за превентивни археолошки истражувања, поздравувајќи го „важното откритие“.

Во Франција се откриени остатоци на 13 Гали, погребани во седечка положба (ФОТО)

Двете ископувања спроведени во 1990-тите во центарот на Дижон открија присуство на човечки населби од доцниот галски период и антиката.

Новите ископувања, спроведени на истата локација од октомври до декември, открија 13 тела закопани во тркалезни гробови во седечка положба, „со грб потпрен на источниот ѕид на гробот, со поглед насочен кон запад“, соопшти Институтот.

Овој тип на погребување е добро познат низ протоисторијата, периодот помеѓу праисторијата и историјата, но е редок. „Тоа е важно откритие бидејќи во Франција и Швајцарија има само околу педесет луѓе закопани на овој начин“, на само десетина локации, девет во Франција и три во Швајцарија, соопшти институтот, истакнувајќи дека скелетите биле добро сочувани.

Не е познато зошто биле закопани на овој начин, но познато е дека гробовите се наоѓале во близина на аристократски резиденции, или светилишта или верски места, далеку од некрополи. Оваа практика веројатно била наменета за посебни луѓе, членови на доминантни семејства, воини, стари лица и поединци поврзани со политичката и религиозната сфера, сметаат археолозите.

Освен оклопот, кој го поврзува локалитетот со галскиот период, во гробовите не се пронајдени лични предмети или накит.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

За светските шампиони Фабијан Руиз и Гави – 150 килограми домати!

Освојувањето на Светското првенство им носи бројни награди на фудбалерите, но подарокот што го добија Фабијан Руиз и Гави е секако еден од најнеобичните.

За светските шампиони Фабијан Руиз и Гави – 150 килограми домати!

Двајца членови на шпанската репрезентација беа наградени со количина домати што одговара на нивната телесна тежина.

Руиз и Гави се вратија во својот роден град Лос Паласиос и Вилјафранка – место јужно од Севиља со помалку од 40.000 жители – каде што во средата им беше приреден свечен пречек во градското собрание.

Фудбалерот на „Пари Сен Жермен“, кој беше стартер во финалето против Аргентина, и играчот од средниот ред на „Барселона“ се појавија со златни медали околу вратот, а беа пречекани од градските власти и голем број навивачи.

За да го прослават својот успех, Руиз и Гави застанаа на вагата за да се одреди количината на подароци.

Резултатот беше:

Фабијан Руиз – 85 килограми домати

Гави – 68,5 килограми домати

Локалните власти наведуваат дека оваа традиција станала „заштитен знак на општината“ кога станува збор за оддавање чест на врвни спортисти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Отворен целосно реконструираниот градски базен во Кавадарци

Градскиот базен во Кавадарци денес официјално е пуштен во употреба по завршената реконструкција.

Отворен целосно реконструираниот градски базен во Кавадарци

Во реконструкцијата како што појасни градоначалникот Митко Јанчев, биле вложени околу 1 милион евра преку владин јавен повик.

Обновени се големиот и малиот базен, системот за филтрација и пречистување на водата, соблекувалните, санитарните јазли и останатите придружни содржини, а поставени се и нови водни атракции и детски реквизити.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Невремето го оштети системот на Македонска пошта – три дена се доцни со достава на пратките

Невремето во Скопје предизвика проблеми и во Македонска пошта. 

Невремето го оштети системот на Македонска пошта – три дена се доцни со достава на пратките

Поради обилниот дожд била оштетена серверската соба, односно електронскиот систем за распределба на пратките, поради што веќе три дена има доцнење во доставата.

Директорот на Македонска пошта, Куртиши, уверува дека проблемот се санира и очекува од утре доставата да се нормализира.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер