Во езерото Лох Нес е најдена камера, оставена од научници пред 50 години- ја нашле ли Неси? - Канал 5

Свет

Во езерото Лох Нес е најдена камера, оставена од научници пред 50 години- ја нашле ли Неси?

Повеќе од 90 години, Лох Нес ги заинтригира луѓето ширум светот.

Во езерото Лох Нес е најдена камера, оставена од научници пред 50 години- ја нашле ли Неси?

Тоа е „под микроскоп“ на оние кои се склони кон мистерии и верување во натприродното, а на сите им се врти истото прашање – дали навистина „чудовиште“ живее на длабочина од 230 метри.

Познатото шкотско езеро повторно е во центарот на вниманието на медиумите, по откривањето на камерата на Инстаматик која била спуштена на дното пред повеќе од 50 години!

Откриена случајно

Ова е веројатно еден од најраните обиди да се сними „Чудовиштето од Лох Нес“ на филм, а се верува дека пронајдениот уред е еден од шесте оставени во 1970 година, како дел од проектот на професорот Рој Меккол од Истражното биро во Лох Нес.

Камерата останала недопрена, заедно со филмот, благодарение на проѕирен (водоотпорен) контејнер, чија фотографија е објавена на социјалните мрежи.

Камерата била откриена случајно, кога била закачена од истражувачката подморница „Боати Мекбоатфејс“, која припаѓа на Националниот центар за океанографија (НОЦ), пишува „Дејли мејл“.

Што е снимено?

Научниците го извлекле уредот и внимателно го развиле филмот. Дали старата камера го сними „чудовиштето“ на кое толку многу луѓе се заколнаа во последните децении?

Деталната анализа, за жал, не нашла докази за постоењето на „најпознатиот жител на Лох Нес“.

На фотографиите се гледа заматена вода и разни отпадоци на дното.

„Брилијантна идеја“

Адријан Шајн, еден од основачите на проектот Лох Нес во средината на 1970-тите, помогнал да се идентификува камерата како една од оние користени во проектот на професорот Меккол.

"Тоа беше брилијантна идеја. Зедовме камера Instamatic со механизам на часовник и вграден блиц. Тој беше поставен да прави четири фотографии кога нешто ќе ја фати мамката што ни остана", објасни Шајн.

Тој е воодушевен што проѕирниот сад го издржал тестот на времето и го зачувал филмот.

„Иако ова не е очекувано откритие, среќни сме што можеме да го споделиме ова парче од историјата на „ловот на Неси“ со светот и што ја решивме мистеријата на кого му припаѓа камерата“, рече Сем Смит од НОК.

Уредот, проѕирното куќиште и филмот се предадени на Лох Нес центарот за да можат да бидат прикажани на јавноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска на „Табановце“презентација на системот на телесните камери за царинските службеници

Според најавата, воведувањето на системот на телесни камери е дел од активностите насочени кон зајакнување на транспарентноста, интегритетот и професионалните стандарди во работата на царинските службеници.

Денеска на „Табановце“презентација на системот на телесните камери за царинските службеници

Системот на телесни камери за царинските службеници, обезбеден како донација преку меѓународната програма за обука и помош при водење криминалистички истраги во рамки на кривичниот оддел при министерството за правда на САД, денеска официјално ќе биде промовиран на Граничниот премин Табановце.

Како што соопшти царинската управа, на промоцијата ќе се обратат директорот на царинската управа Бобан Николовски, министерката за финансии Гордана Димитриеска-Кочоска и вршителот на должност амбасадор на САД во земјава Никол Варнс.

Според најавата, воведувањето на системот на телесни камери е дел од активностите насочени кон зајакнување на транспарентноста, интегритетот и професионалните стандарди во работата на царинските службеници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во Вашингтон на средби со американски конгресмени: Фокус на стратешкото партнерство

Со средби со конгресмени, премиерот Мицкоски ја почна посетата на Соединетите Американски Држави..

Мицкоски во Вашингтон на средби со американски конгресмени: Фокус на стратешкото партнерство

Мицкоски прво оствари средба со претседателот на Поткомитетот за Европа во комитетот за надворешни работи на претставничкиот дом на САД, Кит Селф, а на средбата како што информира Мицкоски на фејсбук, разговарале за значењето на стратешкото партнерство меѓу Македонија и САД, за заедничките интереси и за можностите за понатамошно продлабочување на соработката.

На средбата со конгресменката Клаудија Тени, инаку копретседавач на македонската група за пријателство во конгресот на САД, се разговарало за традиционално силните и пријателски односи меѓу двете земји, како и за значењето на парламентарната соработка и размената на искуства меѓу двете земји..

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со мала до умерена локална облачност

Времето денес според Управата за хидрометеролошки работи ќе биде сончево со мала до умерена локална облачност.

Сончево со мала до умерена локална облачност

Ќе дува слаб до умерен ветер претежно од југоисточен правец. Минималната температура ќе биде во интервал од 8 до 16, а максималната ќе достигне од 25 до 32 степена.

Во Скопје, сончево со мала облачност. Ќе дува слаб ветер од променлив правец. Минималната температура ќе се спушти до 13, а максималната ќе достигне до 31 степен.

УХМР најавува дека до сабота ќе се задржи стабилно време. Во недела ќе има повремени врнежи од дожд и наместа услови за нестабилност со пороен дожд, појава на грмежи и засилен ветер. Локално пообилни врнежи се очекуваат во понеделник. Од вторник поради продор на постуден воздух од север ќе има опаѓање на дневната температура

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер