Во Делчево отворена изложбата „Христијански светители“ од кочанскиот уметник Влатко Анчов - Канал 5

Култура

Во Делчево отворена изложбата „Христијански светители“ од кочанскиот уметник Влатко Анчов

Во Делчево е отворена тематската авторска  изложба ,„Христијански светители" од уметникот Влатко Анчов од Кочани. 

Во Делчево отворена изложбата „Христијански светители“ од кочанскиот уметник Влатко Анчов

На изложбата, која е во организација на Јавната локална библиотека „Илинден" беа изложени седумдесет дела со ликови на христијански светители изработени на природен материјал со техника пирографија.

Директорката на ЈЛБ „Илинден“, Билјана Петровска информираше дека изложбата има продажен карактер.

-Изложбата е поставена во читалната на библиотеката и сите наши сограѓани ќе имаат можност во следните неколку дена да ја посетат оваа изложба, а со оглед на тоа што изложбата е и со продажен карактер, можат да се купат и, иконите. Претставени се вкупно 90 икони од авторот Влатко Анчов.

Оваа изложба денеска е тука благодарение на директорката на библиотека „Искра“- Кочани, со која се надеваме дека добрата соработка меѓу библиотеките во Делчево и Кочани ќе продолжи и понатаму, рече Петровска.

За изложените дела и техниката на работа говореше директорката на ЈЛБ „Искра“, Кристина Ѓорѓиевска- Атанасова, која нагласи дека пирографијата како вид уметничко творење значи „пишување со оган“ со специјално дизајниран загреан уред кој се нарекува пирограф.

-Делата се изработени од природен материјал: дрво, бука, јасен и топола. Авторот е инспириран од христијанската религија и изработува слики од познати христијански светители. Пирографијата претставува изразување и украсување на дрвото и во зависност од инспирацијата на авторот и неговата умешност, односно уметничкото изразување, дрвото добива приказ во различни тонови, од посветли до многу темни драматични ефекти, рече Ѓорѓиевска-Атанасова.

Според авторот Анчов, да се изработи уметничко дело со лик на светец е работа која со себе носи голема одговорност, бидејќи делото треба да изгледа достоинствено и да претставува творештво кое ќе ја изразува христијанската вера во Бог и во светителите.

Влатко Анчов е роден во Кочани и е пензиониран старешина во АРМ. Пирографијата како уметнички израз е негово хоби повеќе од 10 години. Досега има изработено повеќе од 250 дела, а ова е негова втора самостојна изложба.

Изложбата „Христијански светители“ е во рамките на прославата по повод Денот на ослободување на Делчево и Денот на независноста на РМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: Нова компостара во градинката „Орце Николов“

Донираниот компостер од типот K390-AL-KO ќе овозможи органскиот отпад што секојдневно се создава во градинката да биде соодветно селектиран и компостиран. 

О. Карпош: Нова компостара во градинката „Орце Николов“

Во рамки на проектот „Граѓански активизам за остварување на циркуларна економија во управувањето со органски отпад“ спроведен од страна на Здружение Центар за ресурси во животната средина (РЕЦ), Еко Логик и Флоразон, денеска беше дониран компостер во ЈУОДГ “Орце Николов“.

На настанот присуствуваше и градоначалникот Сотир Лукровски кој ја поздрави реализацијата на оваа иницијатива, истакнувајќи дека создавањето одговорни навики кај најмладите се од исклучително значење за иднината на локалната заедница. При посетата, градоначалникот ја искористи можноста да ги посети дечињата во градинката, да поразговара со нив и да им посака безгрижно детство исполено со нови знаења и убави искуства.

Донираниот компостер од типот K390-AL-KO ќе овозможи органскиот отпад што секојдневно се создава во градинката да биде соодветно селектиран и компостиран. Во процесот активно ќе бидат вклучени и децата кои преку практични активности ќе имаат можност да научат како органскиот отпад може да се претвори во природно ѓубриво – компост, кое понатаму ќе се користи за одржување на зелените површини во дворот на градинката.

Целта на овој проект е да ги научиме децата уште од најмала возраст на навики и практични знаења кои се во насока на поголема свест за паметно селектирање, одложување и искористување на отпадот, како и поголема грижа за животната средина и нашето опкружување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Бројот на жртви од земјотресот во Венецуела се зголеми на 2 295

Потрагата по преживеани по разорните земјотреси во Венецуела е се уште во тек, иако веќе се намалуваат надежите за пронаоѓање на живи луѓе под урнатините. 

Бројот на жртви од земјотресот во Венецуела се зголеми на 2 295

Досега околу 6.000 лица се извлечени живи од урнатините.по двата земјотреси властите регистрираа 782 последователни потреси. Иако нивната фреквенција и интензитет се намалија, официјалните лица предупредија дека ризикот од уште еден силен земјотрес не е целосно поминат.

Панамериканската здравствена организација предупреди дека катастрофата може да предизвика влошување на кризата во јавното здравје.

Според агенцијата, стотици илјади луѓе сè уште имаат потреба од медицинска помош.

Привремената претседателка Делси Родригез вчера прогласи седумдневна национална жалост и изрази сочувство до семејствата на жртвите. Меѓутоа, справувањето со катастрофата е под зголемена критика . Официјално се регистрирани околу 2.295 смртни случаи, но се очекува конечниот број да биде многу пати поголем.

Десетици илјади се пријавени како исчезнати, а обединетите нации соопштија дека набавуваат 10.000 вреќи за тела за земјата.

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Видео-Фото: Ѓоковиќ исплаши собирачка на топчиња: Побара помош од неа, а потоа направи шега

Таа сигурно ќе го памети овој момент.

Видео-Фото: Ѓоковиќ исплаши собирачка на топчиња: Побара помош од неа, а потоа направи шега

Најтрофејниот светски тенисер во историјата, Новак Ѓоковиќ направи шега со едно девојче што собира топчиња – успеа да ја исплаши. Таа сигурно ќе го памети овој момент.

Новак Ѓоковиќ приреди мала претстава среде мечот. Тој го освои вториот сет против Стефанос Циципас, по што следеше пауза меѓу сетовите.

Потоа, Новак се обиде да ги отстрани кинезио-лентите од десното рамо, но имаше потешкотии да го стори тоа сам, држејќи ножици во рацете. Тој побара помош од девојката што ги собираше топчињата.

Таа ги зеде ножиците за да ја исече лентата, а додека го правеше тоа, Новак направи гримаса што ја исплаши девојката. Таа веднаш се фати за срце, но потоа почна да се смее кога сфати дека Србинот само се шегува.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер