Во централна и јужна Грција минатиот месец бил најтоплиот март во последните 15 години - Канал 5

Балкан

Во централна и јужна Грција минатиот месец бил најтоплиот март во последните 15 години

Во март годинава просечната вредност на максималните дневни температури се движела на многу високи нивоа речиси во целата земја, споредбено со просекот од периодот 2010-2019 година.

Во централна и јужна Грција минатиот месец бил најтоплиот март во последните 15 години

Минатиот месец бил најтоплиот март во последните 15 години во централна и јужна Грција, според податоците од 53 метеоролошки станици на порталот Метео на Националната опсерваторија на Атина кои континуирано работат од 2010 година, јави дописничката на МИА од Атина.

Во март годинава просечната вредност на максималните дневни температури се движела на многу високи нивоа речиси во целата земја, споредбено со просекот од периодот 2010-2019 година.

Минатиот месец бил најтоплиот март од 2010 година во Тесалија, централна Грција, на Пелопонез и на островите во Егејското море со исклучок на Крит.

Во Тесалија и централна Грција биле регистрирани најголеми температурни отстапувања од просечните месечни вредности кои биле до два степени Целзиусови над нормалните нивоа.

Во северна Грција, на Крит, Пелопонез и островите веќе девет континуирани месеци (од јули 2023 година) има позитивни отстапувања од нормалните температури во изминатите години, во Атина 24 од 31 ден во март, а во Солун 25 дена биле потопли од просечната вредност во периодот 2010-2019 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Реконструкцијата на спортската сала во СОУ „Добри Даскалов“ се одвива согласно предвидената динамика

Продолжуваат градежните активности во спортската сала на СОУ Гимназија „Добри Даскалов“.

Јанчев: Реконструкцијата на спортската сала во СОУ „Добри Даскалов“ се одвива согласно предвидената динамика

Реконструкцијата на спортската сала во СОУ „Добри Даскалов“ се одвива согласно предвидената динамика, со што чекор по чекор создаваме современ и функционален простор за учениците. Во текот на активностите се работи на обновување на салата, со цел поставување нов спортски под, уредување на ѕидните површини, модернизација на осветлувањето, како и подобрување на системите за греење, вентилација и противпожарна заштита.

Со инвестицијата од 4.200.000 денари, Општина Кавадарци продолжува со унапредување на спортската инфраструктура во Гимназијата и создавање побезбедни и подобри услови за наставата и спортските активности.

Работиме на терен, со јасна цел, современи услови за нашите ученици и подобра спортска инфраструктура за Кавадарци.- објави градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗР: Слабости во јавните набавки во ЕСМ, ревизорите чешлале 27 постапки вредни околу 143,6 милиони евра

Сериозни слабости во јавните набавки во ЕСМ откри Државниот завод за ревизија.Ревизорите чешлале 27 постапки вредни околу 143,6 милиони евра.

ДЗР: Слабости во јавните набавки во ЕСМ, ревизорите чешлале 27 постапки вредни околу 143,6 милиони евра

Пропусти имало уште при планирањето и утврдувањето на потребите.во само една година биле направени 19 измени на планот за набавки.

ДЗР констатирал и ограничена конкуренција и постапки со само една понуда. Особено внимание привлекува набавката на гасен мотор вредна околу 2,48 милиони евра.

Моторот бил платен, но не бил ставен во функција и подолг период бил складиран.за адитив биле платени околу 2,29 милиони евра, а најголемиот дел останал неискористен.

Ревизорите нотирале и проблеми со договорите, техничките спецификации и контролите.

Заводот бара поголема транспарентност и поекономично и поефикасно користење на јавните средства.

Тагови: ДЗР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Утринава продолжува судењето против апелациониот судија Ѓоко Ристов

Утринава продолжува судењето против апелациониот судија Ѓоко Ристов, обвинет за прикривање имот и перење пари.

Утринава продолжува судењето против апелациониот судија Ѓоко Ристов

Утринава продолжува судењето против апелациониот судија Ѓоко Ристов, обвинет за прикривање имот и перење пари, откако во домот на неговите родители беа пронајдени 350 илјади евра соѕидани во ѕид.

Парите беа пронајдени спакувани во 13 поединечни пакувања, и тоа 610 банкноти во апоени од по 500 евра и 225 банкноти во апоени од по 200 евра, од кои дел со обележани рачно испишани износи на средствата, скриени во заѕидан простор во шуплините од цигли во ѕид на кујната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер