Култура

Во центарот на Брисел вечерва е отворена изложба на Киро Урдин

Во галеријата „Марк Минјау“ во центарот на Брисел вечерва беше отворена изложба на реномираниот македонски сликар, визуелен и мултимедијален уметник и филмски режисер Киро Урдин на која се претставени некои од неговите понови дела.

Презентацијата на делата на Урдин во Брисел доаѓа по неговите изложби во Музејот „Ел Еспасио 23“ и во Центарот за културни уметности на африканското наследство (АХЦАЦ) во Мајами и во галеријата „Константин Бранкузи“ во Палатата на Парламентот во Букурешт.

Киро Урдин е роден 1945 година во Струмица. Во 1969 година дипломирал на Правниот факултет во Белград, по што работи како новинар. Во 1973 година заминува за Париз каде две години студира на Академијата за пластични уметности, а потоа во 1977 година и дипломира режија на Париската филмска академија.

Од 1982 до 1984 година работи како независен сликар во Франција, САД, Јапонија, Швајцарија, Шведска, Мексико, Белгија, Порторико, Филипини и Тајван.

Професионално почнува да слика од 1985-та, а веќе од следната година почнува со изложување на своите дела. Меѓу останатите градови изложувал и во Јокохама, Лос Анџелес, Лондон, Стокхолм, Братислава...

Во 1988 година, Урдин заминува во САД, каде во Њујорк и Холивуд режира четири филма.

Негово најпознато дело е „Планетариум“, масло на платно на површина од 48 квадратни метри, кое е резултат на неговото двегодишното патување од 1996 година низ целиот свет на локации како Ѕидот на плачот и Гробот на Исус Христос во Ерусалим, Њујорк, Берлинскиот ѕид, скопско Нерези, Охрид, Брисел, Кноке-ле-Зауте, Бриж, Париз, Рим, Помпеја, Пиза, Лондон, Стоунхенџ, Атина и Ртот Сунио во Грција, Суецкиот канал, Нил и Пирамидите во Гиза во Египет, Масаи Мара во Кенија, Мачу Пикчу, Куско, Бангкок, Забранетиот град во Пекинг, Кинескиот ѕид, Токио, Камакура, Мон Сен Мишел, Нуенен и Ајндховен. Сликата е изработена така што Урдин ја доработува на секоја нова локација што ја посетувал.

За изработката на ова дело е снимен и документарен филм со истиот наслов „Планетариум“ во режија на Иван Митевски, кој е добитник на наградата за најдобар документарен филм на Меѓународниот независен филмски фестивал во Њујорк во 2005 година. Заедно со филмот е објавена и монографија со фотографии направени за време на двегодишното патување на Урдин

Денес сликата се наоѓа во Музејот на уметноста во Братислава.

На иницијатива на кореографката Деби Вилсон, „Планетариум“ беше презентиран и преку танц, за кој музиката ја компонираше Венко Серафимов. Премиерата на танцот „Планетариум“ се одржа во Танцовиот театар во Торонто, а потоа тој беше изведен и во Охрид, Хераклеја, Скопје, Чикаго, Анкара, како и во Женева на одбележување на 60-годишнината од формирањето на Обединетите нации.

Во 1997 година Урдин ја претставуваше земјава во Солун, која таа година беше културната престолнина на Европа.

Покрај со сликарство, Урдин се занимава и со режија и пишување, при што досега има режирано осум филма и објавено 15 книги со афоризми и една поетска збирка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видо- фото: Најжешката Хрватка се јави од хотел пред дуелот со Португалија

Најпознатата навивачка на хрватската фудбалска селекција Ивана Кнол со порака се јави од хотелот пред натпреварот против Португалија.

Најпознатата хрватска навивачка, Ивана Кнол, се јави од Торонто пред натпреварот меѓу Хрватска и Португалија, закажан за петок во 01:00 часот по македонско време.

Атрактивната Кнол позира во дрес и шорцеви на хрватската репрезентација и им се обрати на своите фанови.

„Здраво на сите, пред стадионот во Торонто сум каде што ќе играат Хрватска и Португалија – и едвај чекам да победиме“, рече таа со широка насмевка, правејќи форма на срце со рацете.

Потоа, таа објави „Инстаграм стори“ од својот кревет.

„Луѓе, во кревет сум, погледнете го погледот. Превозбудена сум, едвај чекам да почне натпреварот“, рече таа, покажувајќи кон „БМО Филд“, кој за Светското првенство во 2026 година ќе биде преименуван во „Стадион Торонто“.

Тагови: Хрватска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Полицијата изврши претрес во седиштето на Германската фудбалска федерација

Истражителите претресоа повеќе локации низ целата земја поради наводна злоупотреба на билети за ЕУРО 2024.

Германската полиција изврши претрес во седиштето на Германската фудбалска федерација (DFB) во Франкфурт и на неколку други локации низ земјата, како дел од истрагата за наводна корупција поврзана со Европското фудбалско првенство во 2024 година.

Истрагата се однесува на сомневања дека вработените во градовите домаќини на турнирот биле неправилно поканети на натпревари или добиле преференцијален третман при купување билети.

Обвинителството во Бохум и полицијата во покраината Северна Рајна-Вестфалија објавија дека истрагата се фокусира на наводни нелегални придобивки - вклучително и присуство на фудбалски натпревари - што осомничениот, тогаш вработен во еден од градовите домаќини, наводно ги добил од службено лице во рамките на организациското тело, објавува *The Guardian*.

Во соопштението, исто така, се наведува дека службениците од организациското тело наводно им понудиле на градовите домаќини ексклузивни права на прво одбивање при купување билети. Иако во заедничката изјава не е именувана DFB, федерацијата последователно потврди дека нејзиното седиште во Франкфурт било претресено.

„Истрагата не се однесува на DFB како организација, ниту на поединечни вработени или функционери. DFB е вклучен во оваа постапка исклучиво како сведок и целосно соработува со надлежните органи“, соопштија од федерацијата.

Европското првенство се одржа во Германија во јуни и јули 2024 година, а Шпанија ја освои титулата. Турнирот беше организиран од Евро 2024 GmbH, заедничко вложување помеѓу DFB и УЕФА. Властите не прецизираа точно кои други локации беа предмет на претреси, но германскиот весник *Bild* објави дека биле претресени општинските администрации на неколку градови - вклучувајќи ги Берлин, Хамбург, Келн, Штутгарт и Минхен - како и одредени компании.

Според *Bild*, повеќе од 150 полицајци учествувале во утринската операција, а претресите се поврзани со истрага за поткуп во која биле вклучени 66-годишен германски државјанин и 46-годишен француски државјанин.

Весникот објави дека неколку илјади билети за Евро 2024 можеби биле нелегално доделени интерно на привилегирани гости.

Германскиот државјанин, кој во тоа време бил вработен во општинската администрација на Гелзенкирхен - еден од градовите домаќини - е осомничен дека примил билети, патни и хотелски бенефиции во вредност од 2.400 евра, објави *Bild*.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: О. Кавадарци започнува со поставување информативни табли со QR-кодови на колективните станбени згради

Општина Кавадарци започнува со поставување информативни табли со QR-кодови на колективните станбени згради, како дел од процесот на дигитализација и модернизација на општинските услуги.

Општина Кавадарци започнува со поставување информативни табли со QR-кодови на колективните станбени згради, како дел од процесот на дигитализација и модернизација на општинските услуги. Со едноставно скенирање на QR-кодот, граѓаните ќе можат брзо и безбедно да:

- проверат дали имаат неплатени обврски по основ на данок на имот и комунални такси;

- ги платат своите обврски електронски;

- добијат увид во наплатата на ниво на зграда;

- пристапат до платформата eDanoci.mk, достапна 24 часа дневно.

Деталните информации за даночните обврски ќе бидат достапни исклучиво за сопственикот, по безбедна идентификација и верификација, со целосна заштита на личните податоци.

Со ова современо решение, Општина Кавадарци ја унапредува транспарентноста, ја олеснува комуникацијата со граѓаните и поттикнува навремено исполнување на даночните обврски.

Вашите навремено платени даноци се инвестиција во иднината и развојот на Општина Кавадарци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.