Во Брисел одржан прием по повод Денот на македонската независност - Канал 5

Македонија

Во Брисел одржан прием по повод Денот на македонската независност

- Ова беше кулминација на вековниот стремеж за самоопределување и достоинствен живот во нашата земја. Во текот на изминатите 34 години, нашата земја помина низ длабока трансформација и целосен процес на демократска транзиција, рече Муцунски. 

Во Брисел одржан прием по повод Денот на македонската независност

На 8 септември 1991 година нашите граѓани на референдум ја потврдија својата посветеност на независноста, отворајќи го патот кон изградба на модерна, суверена и демократска држава, порача министерот за надворешни работи и надворешна трговија Тимчо Муцунски во видео обраќање на приемот што синоќа се одржа во зградата на Градскиот совет на Брисел по повод Денот на македонската независност – 8 Септември.

- Ова беше кулминација на вековниот стремеж за самоопределување и достоинствен живот во нашата земја. Во текот на изминатите 34 години, нашата земја помина низ длабока трансформација и целосен процес на демократска транзиција, рече Муцунски.

Тој потенцира дека и покрај предизвиците, нашиот народ го зачувува својот идентитет, јазик и традиција, прифаќајќи ги слободата и демократијата, за што, како што рече, искрено сме им благодарни на Европската Унија и на нејзините членки.

- Денес, нашата држава е релевантен актер на меѓународната сцена како членка на Обединетите нации, горд НАТО сојузник, целосно усогласена со заедничка надворешна и безбедносна политика на ЕУ и потписничка на безбедносното партнерство, со што активно придонесуваме за глобалниот мир и безбедност, додаде Муцунски.

Шефот на дипломатијата нагласи дека членството во ЕУ останува политички приоритет број еден на земјата, не само со зборови, туку и со реални реформи и дела.

- Тоа е иднината што нашите граѓани ја избраа пред 34 години – силна, суверена и независна земја, дел од европското семејство. Во духот на сопствената одговорност да продолжиме да ја градиме и зајакнуваме нашата земја, бидејќи независноста не е настан од минатото, туку процес што продолжува секојдневно. Цврсто верувам дека еден ден сонцето ќе свети покрај ѕвездите на Европската Унија, додаде Муцунски во видео обраќањето.

Во свое име и во името на останатите организатори на приемот, в.д. постојан претставник на земјава во НАТО, Исмаил Ебипи, вршителката на работите во Македонската амбасада во Белгија, Сузана Мехмеди и воениот претставник на државата во НАТО и ЕУ, полковник Ивица Ампов, пред присутните гости на приемот се обрати шефот на македонската мисијата во ЕУ, Зулфи Исмаили.

Амбасадорот Исмаили посочи дека од Денот на независноста во 1991 година, земјата мина пат на трансформација, од предизвикувачките почетоци кога и беше потребна поддршка од меѓународна заедница, до приклучување кон повеќето меѓународни организации и станување сигурен и вреден член на меѓународната заедница.

- Уште од самиот почеток нашиот Парламент едногласно одлучи дека двете главни стратешки цели ќе бидат членството во НАТО и ЕУ, порача Исмаили во обраќањето пред претставниците на Алијансата, меѓу кои и заменик генералната секретарка на Пактот, Радмила Шекеринска, на институциите на Унијата и на белгиските власти, присутните членови на дипломатскиот кор во Брисел и припадници на македонската дијаспора во Белгија.

Исмаили потенцира дека и покрај многуте предизвици со кои се соочивме во текот на годините на нашиот европски пар, никогаш не се откажавме од членството во ЕУ, за што доказ е и постојаната и силна поддршка од нашите граѓани на пристапувањето на земјата кон Унијата,

- Оваа посветеност ја потврди и неодамнешниот Евробарометар, покажувајќи дека околу 70 отсто од нашите граѓани имаат позитивен став и силна доверба во нашите аспирации за членство во ЕУ. Постепената интеграција или како што сакаме да ја наречеме забрзана интеграција, како што се Планот за раст, делумната интеграција во единствениот пазар и потпишувањето на нашето партнерство во безбедност и одбрана како прва земја во регионот, се значајни чекори што носат придобивки уште пред нашето членство, додаде Исамили.

Тој потсети дека годинава ја одбележуваме и петтата годишнина од нашето членство во НАТО, каде покажуваме дека земјата е вреден член на семејството на Алијансата, обезбедувајќи стабилност, особено во нашиот регион во услови кога се соочуваме со предизвици кои се поголеми од кога било досега.

На приемот настапи и македонската пејачка Елена Петреска, која изведе неколку народни и популарни песни, а присутните можеа да уживаат и во традиционалната храна подготвена од членовите во двете наши мисии и Амбасадата во Брисел и членови на нивните семејства.

Гостите на приемот може да уживаат во пити, домашна погача, ѓомлезе, ајвар, тавче гравче, сарма, повеќе видови сирења и голем број други македонски традиционални специјалитети, како и сето тоа да го залијат со македонски вина.

Тагови: Тимчо Муцински

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Неверојатна свадба во поплавена црква: Младите го кажаа судбоносното „Да“ во вода до струкот (ВИДЕО)

Вода ја поплави црквата и стигна речиси до половината, но овој пар немаше намера да го одложи својот голем ден!

Неверојатна свадба во поплавена црква: Младите го кажаа судбоносното „Да“ во вода до струкот (ВИДЕО)

Лиан Лиеза Галанг и нејзиниот избраник Гилберт Чико се венчаа во црквата „Свети Јован Крстител“ во Хагоној, Филипини, а видеото од церемонијата го обиколи светот.

Клупите останаа празни

Лиан носеше бела венчаница и храбро одеше низ матната вода, приближувајќи се кон олтарот. Во рацете држеше букет бели цвеќиња, а Гилберт ја чекаше таму.

Клупите останаа празни, но беа украсени со пластични цвеќиња за да се одржи донекаде нормален изглед на свечената церемонија, објавува Дејли меил.

Фотографката Мико Реј Алфонсо изјави дека парохијата претходно го советувала парот да ја одложи венчавката поради поплавата.

Црквата беше делумно под вода речиси еден месец, по недели обилни дождови. И покрај ова, младенците не сакаа да се откажат.

„Бидејќи решија да истраат, ние, парохиските службеници, направивме сè што можевме за да го направиме ова посебен ден за нив“, додаде Алфонсо.

До црквата стигна со рикша

Невестата стигна до црквата со рикша и така успеа да ја одржи венчаницата чиста, сè додека не влезе во поплавената црква.

На снимката се гледа како нејзините родители ја прегрнуваат, откако самите поминале низ водата и застанале покрај својата ќерка.

Една од повпечатливите сцени прикажува младо момче кое ги носи венчалните прстени на идните сопружници. Во тој момент, водата му достигнува до струкот.

И покрај сè, церемонијата се одржа, во присуство на околу петнаесет луѓе.

„Тие се сакаат. Ништо не можеше да ја спречи нивната свадба“, заклучи фотографот на парохијата.

Тагови: свадба Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се заканува нова трагедија на Тибет- глечерите пред уривање со над 1.000 жртви и 500 заробени во тунелите

Милиони тони мраз во глечерите околу долината погодена од неодамнешните ненадејни поплави во Непал и Кина се изложени на ризик од уривање, предизвикувајќи уште една природна катастрофа, предупредуваат експертите.

Се заканува нова трагедија на Тибет- глечерите пред уривање со над 1.000 жртви и 500 заробени во тунелите

Бројот на жртви од поплавите веќе надмина 1.000, додека спасувачките екипи се тркаат да стигнат до заедниците кои се отсечени по катастрофата на 26 август.

Кинеското Министерство за водни ресурси вчера предупреди на „голем ризик“ што го претставуваат глечерите околу реката Куоџијан во Непал, каде што се урна еден глечер, испраќајќи огромни количини карпи, мраз и стопена вода во долините низ Непал и Тибет.

Поплавите води однесоа домови, згради, патишта и мостови, носејќи кал и карпи низводно и предизвикувајќи широко распространето уништување, објави Дејли Меил.

Министерството соопшти дека нивото на водата во езерото создадено од природна брана по поплавите во Непал значително се намалило, но предупреди дека нестабилните глечери низводно би можеле да предизвикаат повеќе поплави.

Сликите направени од синтетички радар со апертура (SAR) во понеделник наутро покажаа дека површината на водената површина во кратерот на ударот на реката Куоџијан во Непал се намалила на околу 83.000 квадратни метри, во споредба со 108.000 квадратни метри во недела наутро.

Иако водата моментално се исцедува преку канал, министерството соопшти дека новите лизгања на земјиштето би можеле да ја блокираат реката и да создадат уште едно езеро со брана. Во меѓувреме, Кинеската метеоролошка администрација издаде предупредување за повеќе врнежи од дожд во округот Џиронг во Тибет во следните три дена.

Таа, исто така, ги повика спасувачките екипи да останат во состојба на висока готовност, бидејќи свежите врнежи од дожд би можеле да ги комплицираат спасувачките напори и да ги направат патиштата лизгави за тешката механизација што извршува основни работи.

Предупредувањата дојдоа додека властите продолжуваат да бараат илјадници луѓе кои сè уште се водат како исчезнати. Спасувачките екипи, исто така, работат на помагање на преживеаните во областите каде што патиштата и другите транспортни правци се оштетени или отсечени.

За спасувачите, непосреден приоритет останува пронаоѓањето на најмалку 900 работници кои се водат како исчезнати од 12 хидроенергетски проекти оштетени од ненадејни поплави, а се верува дека околу 500 се заробени во тунелите.

Бригадниот генерал Раџа Рам Баснет, портпарол на непалската армија, изјави дека тимовите, со помош на странски експерти, работат на неколку хидроенергетски проекти за да стигнат до луѓето заробени во блокираните тунели.

Снимките објавени од војската покажуваат како спасувачките тимови влегуваат во темни, тунели полни со урнатини, газат низ кал и вода и се качуваат по карпи додека бараат знаци на живот.

На локацијата Горен Тришули 3А, спасувачите влегле во горниот дел од тунелот исполнет со кал, пумпајќи воздух внатре, а потоа користејќи машини за дупчење и багери за ископување.

„Кога членовите на тимот се спуштиле со јажиња и ги повикале оние внатре, немало одговор“, рече Шах, додавајќи дека спасувачката операција продолжува.

Кулман Гсисинг, поранешен раководител на многу хидроенергетски проекти, кој штотуку се врати од местото на настанот за да помогне во координирањето на спасувачката операција, рече: „Невозможно е да се каже колку долго работниците ќе можат да преживеат, бидејќи едноставно не ја знаеме состојбата на тунелите. Нашите проценки се дека има 300 работници во шест до осум тунели. Ако има доволно кислород и храна, тие би можеле да бидат добро неколку недели. Но, од она што го видов досега, тоа не е случај. Стигнавме до еден тунел, кој беше целосно исполнет со вода и кал, па не можевме да утврдиме дали има работници внатре. Во друг, откако направивме отвор, немаше одговор кога се јавивме.“ Гсисинг, кој претходно беше министер за енергетика на Непал, нагласи дека имало очајна трка со времето: „Целата област е уништена, а многу села и хидроенергетски проекти се избришани од лицето на земјата. Треба што поскоро да ги пронајдеме нашите луѓе. Ова е очајна трка со времето.“ Непалската агенција за електрична енергија соопшти дека 11 хидроелектрани и една соларна централа, со вкупен капацитет од 431,1 мегавати, околу 10 проценти од инсталираниот капацитет за производство на електрична енергија во земјата, се надвор од употреба.

Уште 15 енергетски проекти во изградба, со планиран капацитет од 470 мегавати, беа оштетени. Имаше емотивни сцени пред седиштето на Непалската електроенергетска агенција во Катманду, каде што роднините на работниците, за кои се стравуваше дека се заробени, се собраа да чекаат вести за нив.

Сита Пандеј, чиј сопруг Џиблал работел во еден од тунелите, за локалните медиуми изјави:

„Сè уште имам 50 проценти надеж дека е жив бидејќи внатре има систем за кислород.“

Таа откри дека последен пат разговарала со него во среда наутро, неколку часа пред да удри поплавата. Очајно надевајќи се дека наскоро ќе го најде, таа додаде:

„Разбираме дека спасувачката операција е технички сложена. Но, не можеме да толерираме одложувања. Нашите луѓе се внатре. За нас, секоја секунда е важна.“

Бимал Шарма, пилот на хеликоптер кој лета во спасувачки мисии од почетокот на катастрофата, рече дека бил шокиран кога го видел уништувањето во Тимуре, пограничен град во близина на Тибет, кој го познава со години.

„Се чувствував како да летам над сосема поинаков пејзаж“, рече тој.

Шарма рече дека имал мала можност да разговара со луѓето што ги спасил, но нивните изрази на лицето му кажувале колку длабоко ги погодила катастрофата.

„Можам да ја видам болката во нивните очи. Срцекршачко е“, рече тој.

На кинеска страна, спасувачите работеа во областите погодени од свлечиштето, особено во и околу граничниот премин кај пристаништето Џиронг, кој беше уништен.

Некои спасувачи, со помош на кучиња трагачи, бараа знаци на живот во пукнатините меѓу карпите и урнатините.

Други тимови користеа тешка машинерија за да се обидат повторно да го отворат главниот автопат што води до пристаништето Џиронг, што би го олеснило доставувањето на опрема, персонал и залихи во зоната на катастрофата, според кинескиот државен весник „Глобал тајмс“.

Стотици тела, многу од нив неидентификувани, беа закопани во плитки гробови додека почнаа да се распаѓаат во влажното време на рамнините на Непал.

Потребата за помош е огромна. Цели заедници се однесени од вода, оставајќи семејства без покрив над главата во обилните дождови или засолнети во импровизирани објекти.

„Ова е катастрофа што се одвива“, рече Абиодун Банире, функционер во Детскиот фонд на ОН, додавајќи дека потребите на десетиците илјади погодени се огромни.

Патиштата се однесени од вода, електраните се уништени, а десетици мостови се урнаа.

„Продолжуваме да работиме на операции за пребарување, спасување и помош“, рече Карки во понеделник, додека комуникациите полека се подобруваа. Полицијата првично мораше да користи беспилотни летала за да доставува пораки до отсечените области. „Спасувачките екипи сега стигнаа до повеќето области, по пат или хеликоптери“, рече тој.

Со преполни мртовечници, Непал почна да ги закопува некои од стотиците тела пронајдени откако беа земени примероци од ДНК, за семејствата подоцна да можат да ги побараат.

Катманду апелираше за меѓународна поддршка, велејќи дека на Непал му се потребни „повеќе од илјада“ замрзнувачи за складирање на телата.

Загрижени семејства, очајни за вести за исчезнати роднини, гледаат слики од тела на екраните во општинските центри во обид да ги идентификуваат мртвите.

Шоба Адикари, од градот Баратпур во јужен Непал, му рекла на локалниот координатор дека верува оти на една од сликите е прикажан нејзиниот најдобар пријател од детството.

„Сигурно личи на него“, рекла таа, покажувајќи фотографија од насмеан маж на средна возраст.

„Јас и мојот сопруг сме најдобри пријатели со Раџкумар и неговата сопруга Гита“, рекла таа. Гита исто така е исчезнат од среда.

На списокот на исчезнати во Непал се вклучени 592 странци, вклучувајќи туристи кои дошле да планинарат во неговите навидум мирни планини и хиндуистички аџии кои бараат духовен мир на светата планина Каилаш во Тибет.

Тагови: глечери тибет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп стана првиот жив претседател на САД чиј лик се најде на монета

Ковачницата на пари во САД потврди дека издаде монета од еден долар со ликот на сегашниот претседател Доналд Трамп.

Трамп стана првиот жив претседател на САД чиј лик се најде на монета

Ова е прв пат во историјата жив претседател на САД да се појави на монета наменета за секојдневна употреба. Ковачницата им советува на граѓаните да обрнат внимание на кусурот, а колекционерите можат да ги купат монетите во специјални пакувања преку официјални продажни канали, објавува Euronews.

Пакет од 25 монети од еден долар се продава за 61 долар?! А поголем пакет од 100 за 154,50 долари?! Сепак, наоѓањето на монетата во оптек нема да биде лесно бидејќи Американците ретко користат монети од еден долар и претпочитаат хартиени банкноти.

На Денот на независноста на САД, 4 јули, беа исковани 250.000 примероци со специјална марка „4-ти јули“, кои беа случајно вметнати во пакувањата.

Иако се нарекува „златен долар“, монетата не содржи злато. Таа е составена од 88,5 проценти бакар со помали количини цинк, манган и никел. Искована е во Филаделфија и нема ознака на ковачница.

Предната страна е дизајнирана од главниот гравер Џозеф Мена и содржи официјална претседателска фотографија. На неа е прикажан речиси целосен фронтален портрет на Трамп, со зборовите „СЛОБОДА“ и „ВО БОГ ВЕРУВАМЕ“, како и годините 1776 и 2026.

На задната страна е прикажан претседателскиот печат, дело на поранешниот главен гравер Френк Гаспар, со додаден број 250 во чест на 250-годишнината од основањето на Соединетите Американски Држави.

Постои историски преседан за овој потег, но со важна разлика. Калвин Кулиџ беше првиот жив претседател што се појави на американската валута, монетата од половина долар од 1926 година, по повод 150-годишнината од независноста.

Но, тоа беше комеморативно издание, а не наменето за оптек. Правната основа за монетата Трамп е предмет на дебата. Законот на САД генерално забранува прикажување на живи лица на пари.

Сепак, администрацијата го повика Законот за редизајнирање на колекционерски монети во циркулација од 2020 година. Законот го потпиша самиот Трамп за време на неговиот прв мандат и дозволува издавање специјални монети од еден долар во 2026 година за да се одбележи големата годишнина.

Процесот на избор на дизајн, исто така, предизвика критики. Комисијата за ликовни уметности на Претставничкиот дом на САД предложи користење на профилен портрет на Трамп и различен приказ на орелот, но нивните препораки не беа усвоени.

Тагови: Доналд Трамп монета

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер