Во Битола се одржува музички камп за млади „Етно Македонија“ - Канал 5

Забава

Во Битола се одржува музички камп за млади „Етно Македонија“

 Музичка младина на Македонија по петти пат организира интернационален музички камп „Етно Македонија“, на кој годинава во Битола учествуваат млади музичари од Македонија, Србија, Данска, Финска, Хрватска, Унгарија, Перу, Шведска и Шпанија.

Во Битола се одржува музички камп за млади „Етно Македонија“

Во рамки на кампот се подготвуваат 13 композиции од различни краишта на светот, кои ќе бидат изведени на завршниот концерт што ќе се одржи на 25 јули, на платото пред Офицерскиот дом во Битола, како дел од програмата на фестивалот „Илинденски денови“.

-Секоја година е вистинско задоволство да се организира „Етно Македонија“. Овој камп покажува колку музиката може да биде моќна алатка за поврзување на луѓето, без разлика на потекло, јазик или искуство. „Етно Македонија“ не само што нуди простор за музичко истражување и интеркултурен дијалог, туку и ја претставува Битола како отворен град-домаќин, каде традицијата и младешката енергија создаваат магија, истакна Верица Ајтовска, координаторка на меѓународниот камп.

Програмата „Етно“ се реализира во над 45 држави ширум светот и на тој начин македонските песни се свират и слушаат и во Босна и Херцеговина, Унгарија, Јужна Америка…, а со престојот во Битола, учесниците имаат можност да ја запознаат и македонската култура преку специјално осмислена програма традиционални танци, локална кујна, прошетки низ Широк Сокак и Битолската чаршија, посети на значајни знаменитости и неформални дружења, информираа од Музичка младина на Македонија.

-Свирам саксофон и предавам музика во училиште. За „Етно Македонија“ слушнав од пријатели и решив да се пријавам – и навистина, ги надмина сите мои очекувања. Во овие неколку дена создадовме прекрасна мала заедница. Овој камп е одличен простор за да запознаеш нови култури, да научиш песни на други јазици, да пробаш традиционална храна и да видиш како живеат луѓето овде, истакна Умберто Солорзано од Перу.

Младиот музичар од Хрватска Филип Руњиќ нагласи дека прв пат учествува и се чувствува неизмерно среќен што е дел од „Етно Македонија“. - Ова е група на топли, отворени луѓе од кои постојано учам. Атмосферата е инспиративна, а процесот на работа е толку природен и автентичен, рече Руњиќ.

„Етно Македонија“ е дел од глобалната програма „Ethno“ на Меѓународната музичка младина (Jeunesses Musicales International – JMI), која е посветена на народна, традиционалнa и музика од светот, со фокус на младите музичари на возраст од 18 до 30 години, а ментори се Ангел Спироски од Македонија и Андриана Такиќ од Србија.

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер