Во Битола пристигна опремата за кино „Манаки"

Градоначалничката на Општина Битола Наташа Петровска, ја промовира кино опремата потребна за почнување со работа на Кино „Манаки" во овој град.

Опремата е набавена во рамки на проектот „Кинокултура" што се реализира преку програмата Интеррег за погранична соработка меѓу земјава и Република Грција.

– Вредноста на опремата изнесува 64.215 евра и притоа набавени се проектор, проекционо платно, аудио опрема, лап топ, кабелска инсталација и друга опрема. Во договорот е предвидена обука на персонал кој ќе ракува со опремата, односно за проекции во отворен и затворен простор. За ентериерно уредување на киното „Манаки", обезбедени се 7,6 милиони денари, средства од Министерство за култура, за капитални инвестиции до единиците за локална самоуправа за 2019 година, информираа од Општина Битола.

Со проектот Кинокултура, во објектот Кино „Манаки" ќе има и туристички информативен центар, а во исто време, Општина Битола е пред склучување на договор за изработка на студија за валоризација на културно историското наследство во прекуграничната област и интерактивна веб апликација за истражување на културно – историските споменици во Битола./МИА

Реми во Севиља, Шпанија и Полска без победник

Фудбалерите на Шпанија и Полска одиграа без победник во второто коло од Групата Е на Европскот првенство. 

Избраниците на Луис Енрике не успеаја да ја оправаат улогата на фаворит на дуеот во Севиља против вечерва солидната Полска.

Црвената фурија го отвори резуласки мечот со голот на Мората во 25 минута. Шпанија со водство од 1-0 го заврши првото полуврее. Но, во вториот дел проработе најдобриот европски стрелец. Капитенот на Послака Роберт Левандовски со својот првенец на ЕУРО во 54 минута го израмни резулатот на 1-1 и не дозволи нов пораз на Полска на првенството. По 2 кола во групата Е , Шведска е на водечката позиција со 4 бодови пред Словачка со 3. Шпанија е трета со 2 бода а Полска е четврта со 1 бод.

За патниците во нокаут рундата ќеодлууваат натпреварите Шпанија - Словачка и Шведска Полска.

Автомобил паднал на железничка пруга во Градско, повредени пет лица

Во Градско попладнево околу 19 часот, автомобил што се движел во близина на бензиска пумпа паднал од патот на железничката пруга. Повредени се пет лица.

Како што информириа за МИА д-р Василка Пановска Поп-Стефанова, началник на Брза Помош, повредените по укажаната помош се пренесени во Ургентниот центар на велешката болница.

Портпаролката на ЈЗУ Општа болница во Велес, Елеонора Јованова изјави дека кај сите повредени биле констатирани помали телесни повреди, по што се пуштени на домашни лекување.

Триесет и шестгодишник од Велес паднал од цреша

Триесет и шестгодишен велешанец попладнево паднал од цреша и се здобил со фрактури на ребра.

Елеонора Јованова, портпарол на ЈЗУ Општа болница во Велес за МИА информира дека попладне околу 19 часот, бил примен пациент кој паднал од цреша. Тој се здобил со фрактура на повеќе ребра. Бил снимен и му е укажан прва помош.

Повредениот е оставен на опсервација во Хируршкото одделение во велешката општа болница

притисни ентер