Култура

Во Битола одбележани 60 години од смртта на Милтон Манаки

Комуната на Власите „Браќа Манаки“ и Кино клубот „Браќа Манаки“ во соработка со Општина Битола на пригоден начин одбележаа 60 години од смртта на Милтон Манаки.

На влашките гробишта во Битола, за ликот, делото и аманетот на Манаки зборуваше Стефче Хаџиантоновски, а за традицијата што ја поддржува градот, градоначалникот Тони Коњановски.

-Локалната самоуправа е поддржувач на делото на браќата Манаки. Денешниот ден, 60 години од упокојувањето на Милтон Манаки го одбележуваме достојно, а институциите со гордост го носат името на Манаки. Како локална самоуправа ќе продолжиме со поддршка на делото на Манаки, на фестивалот на филмската камера, но и на се што остави и се наоѓа во опусот на браќата Манаки, истакна градоначалникот Коњановски.

Во рамки на манифестациите посветени на Милтон Манаки, вечер во битолското Кино „Манаки“ ќе бидат емитувани проекции од фондот на македонската Кинотека.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ренџ Ровер е запален во центарот на Скопје

На 28.06.2026 во 04:05 часот во СВР Скопје е пријавено дека на подрачјето на Центар било опожарено патничко возило „ренџ ровер“ со скопски регистарски ознаки.

На 28.06.2026 во 04:05 часот во СВР Скопје е пријавено дека на подрачјето на Центар било опожарено патничко возило „ренџ ровер“ со скопски регистарски ознаки, сопственост на С.Б.(54) од Скопје.

Пожарот бил изгаснат од Бригадата за противпожарна заштита-Скопје. Повредени лица нема. Извршен е увид и се преземаат мерки за расчистување на случајот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Изолацијата што ја спроведува Мицкоски - додека тие имаат бугарски пасоши, граѓаните чекаат со часови на граница

Додека граѓаните стојат по неколку часа во редици на јужната граница, чекајќи да влезат или да излезат од Македонија, Христијан Мицкоски и неговата Влада продолжуваат да ја изолираат државата.

Денеска на Богородица се чека со часови, има километарски колони.

Ова е директна последица од политиката на изолација што ја спроведува ВМРО.

За само две години, Мицкоски успеа да ги влоши односите со соседите, да ја блокира европската интеграција и да ја претвори Македонија во слепо црево на Балканот.

Граѓаните сега ја плаќаат цена за тоа секој ден, на границите, во економијата и во изгубените можности за нивните деца.

Додека највисоките функционери на ВМРО и нивните семејства си обезбедија бугарско државјанство и пасоши, и слободно и без чекање патуваат низ Европа, обичните граѓани се понижуваат со часови чекање на границите.

Оваа изолација не е случајна.

Таа е дел од стратегијата на ВМРО-ОКГ да се заштити од одговорност.

Со затворање на државата и создавање на наратив за „надворешни непријатели“, Мицкоски се обидува да го скрие економскиот колапс, празниот буџет и фактот дека веќе нема пари ниту за пензии.

СДСМ уште еднаш повторува:

Изолацијата на Македонија не е патриотизам!, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Цветановски: 2 години Тошковски- распад на безбедносниот систем, партизација, заштита на криминалци и шпионирање на граѓаните

По две години Влада на Мицкоски, резултатот на Панче Тошковски е поразителен: распад на безбедносниот систем, партизација и неказнивост.

Тошковски ветуваше правда. Велеше: „Брат да ми е, ќе одговара.“ По две години, никој не одговара.

Нема одговорност за криминалните афери и скандали на власта.

Две години МВР на Панче Тошковски не го гони криминалот. Го штити криминалот на власта.

Пет тони дрога поминаа преку македонската граница. Никој не одговараше. А поминаа цели шест месеци.

Две години граѓаните на Македонија се сведоци на убиства, трагедии, вооружени пресметки, криминал, семејно и врсничко насилство, на распад на безбедниот систем.

Најголемата болка е трагедијата во Кочани, каде што згаснаа 63 човечки животи, претежно млади луѓе.

Но, наместо целосно расветлување на случајот, правда и одговорност, јавноста виде обиди за прикривање на одговорноста и заштита на актуелни функционери.

Никој не одговара, правда нема. Одговорност нема.

А нема ниту превенција.

Во Скопје беа убиени млада жена и дете, покрај повеќе од десет претходни пријави до МВР на Тошковски не се постапувало навреме.

Во Велес исто така беше убиена жена и нејзиниот татко, МВР на Тошковски не реагирале.

Во Старо Нагоричане сериски убиец со години убивал жени пред МВР конечно да реагира.

Семејното насилство стана секојдневие, а МВР на Тошковски сè почесто потфрлаат токму таму каде што треба да ги заштитат граѓаните.

Тошковски создаде партиска полиција. Искусни полициски службеници се деградираат и преместуваат, а партиски подобните кадри се наградуваат.

Нема одговорност за никој.

Нема ниту за Симе, од сликите со Мицкоски, кој јавно пукаше со автоматско оружје.

Нема одговорност ниту за бодигардот на Мицкоски кој беше фатен како продава службени информации за пари.

Другиот негов бодигард пак доби условна казна за семејно насилство.

И наместо да ги штитат граѓаните, Мицкоски и ВМРО-ОКГ одат чекор понатаму. Воведуваат државен шпионски софтвер за следење на сопствените граѓани - Pegasus.

Наместо да се борат против криминалците, тие сакаат да ги шпионираат граѓаните.

Тошковски останува министер само затоа што зад него стои Христијан Мицкоски, а тие меѓусебно се штитат од каква било одговорност.

Македонија заслужува професионална полиција, функционален безбедносен систем и институции во кои законот важи еднакво за сите, рече Симона Цветановски – членка на ИО на СДСМ..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.