Во Бигорски наречение за новиот епископ антаниски, Партениј

 Ве покануваме и вас, возљубени, да бидете дел од големото торжество, за сите заедно да се помолиме на нашиот Господ Исус Христос.

Во свештената Бигорска обител денеска од 18 часот ќе се изврши наречението за епископ на архимандрит Партениј, игуменот на Бигорскиот манастир, а утре на празникот посветен на апостолите св. Петар и св. Павле, во храмот „Света Софија" во Охрид од 8:30 часот ќе биде отслужена празнична Божествена литургија, на која Партениј ќе биде хиротонисан за епископ антаниски.

– Ве покануваме и вас, возљубени, да бидете дел од големото торжество, за сите заедно да се помолиме на нашиот Господ Исус Христос, да му испрати благодатни сили на нашиот духовен татко, та да може достојно да го понесе товарот на новата архијерејска служба, соопшти Бигорскиот манастир.

Оттаму ги замолуваат сите присутни поклоници и посетители совесно да се придржуваат до сите пропишани мерки за здравствена заштита, кои, пред сѐ, вклучуваат задолжително носење заштитна маска и запазување на потребното растојание.

За таа цел, наведуваат, за присутните посетители ќе бидат обезбедени посебни заштитни маски, а ќе биде ангажирана и високопрофесионална агенција за обезбедување, којашто ќе се погрижи за максимално спроведување на редот и одржување физичка дистанца. Исто така, во тоа ќе помагаат и службениците на СВР Охрид, кој е веќе информиран за настанот.

Во соопштението се истакнува дека со оглед на тоа дека мерките предвидуваат и ограничен број присутни во храмот, во кој ќе можат да влезат одреден број свештенослужители и гости, за да им се овозможи на сите верници молитвено учество во настанот, во Бигорски и во Охрид ќе бидат обезбедени надворешни видеоекрани, на кои ќе се врши директен пренос од богослужбата.

За во Охрид се предвидени три видеоекрани, едниот на влезот на „Св. Софија", другиот на западниот трем каде што е амфитеатарот и третиот на плоштад, сѐ со цел подобро распоредување на граѓаните, за да се избегне формирањето поголема толпа. Со специјален ангажман на комуналното претпријатие во Охрид, во неделата пред да започне богослужбата ќе се изврши целосно дезинфицирање на храмот.

Известуваат и дека по повод овој многу значаен настан, на 12 јули, недела, Бигорскиот манастир ќе биде затворен за посетители до 15 часот.

Амбасадорката Холштајн на седница на Владата ги презентираше приоритетите на германското претседателство со Советот на ЕУ

„Заедничкото справување со КОВИД-19 и проширувањето со подготовката на рамката за пристапни преговори со Македонија се во врвот на приоритетите“.

На денешната 79-та редовна седница на Владата на Република Македонија, амбасадорката на Сојузна Република Германија, нејзината екселенција Анке Холштајн ги претстави приоритетите на германското претседателство со Советот на Европската Унија до крајот на 2020 година.

Во своето поздравно обраќање, премиерот Оливер Спасовски се заблагодари за учеството на амбасадорката Холштајн на седницата со која се потврдуваат заложбите на Владата на Република Македонија за стратешката насоченост кон европска интеграција, преку интензивна и динамична работа со сите чинители и засегнати страни.

Претседателот на Владата Спасовски го истакна фактот дека еден ден по преземањето на претседателството со Советот на Европската Унија од страна на Сојузна Република Германија беше објавена Преговарачката рамка на Европската Унија со нашата земја, и со тоа оваа земја покажа дека континуирано прави големи чекори и клучни одлуки со кои го препознава извонредниот напредок и смелите чекори во добрососедските односи и реформите што Македонија ги презеде во изминатите три години.

„Сојузна Република Германија го презема претседавањето со Советот на ЕУ во исклучително значаен период. Ние очекуваме и веруваме дека до завршувањето на вашето претседателство со Советот на Европската Унија ќе се одржи Првата меѓувладина конференција, на кој начин ќе се означи и официјалниот старт за почеток на преговорите на Република Македонија со Европската Унија, а во таа насока, охрабрува и изјавата на Канцеларката Меркел дека тоа е и целта на Германија", рече Спасовски на седницата на Владата на која амбасадорката Холштајн ги презентираше приоритетите на германското претседателство со Советот на Европската Унија.

Амбасадорката Холштајн во презентацијата на приоритетите како најзначајни ги издвои координирањето на заложбите на ЕУ за надминување на заканите од пандемијата со КОВИД-19; економското закрепнување и постигнувањето согласност за повеќегодишната финансиска рамка и за фондот „ЕУ во следната генерација"; стабилизирање на соседството; напредок во проширувањето; Партнерството со Африка; и заедничката позиција за Кина.

Меѓу приоритетите, нагласи амбасадорката Холштајн, се и завршните преговори и идните релации со Обединетото Кралство; напредокот на зелената и дигиталната трансформација на ЕУ; јакнење на европската солидарност и социјална кохезија; прогресот во политиките на ЕУ за миграциските и прашањата за азил; јакнењето на владеењето на правото како клучна основа на ЕУ; и зајакнувањето на капацитетите на ЕУ во надворешната политика за делување на глобално рамниште.

Особено значајно за Македонија, потенцираше амбасадорката на СР Германија Холштајн, е што посебен дел од програмата е посветен и на политиката за проширување на ЕУ со кредибилна перспектива за пристапување во ЕУ за земјите од Западен Балкан како заеднички интерес и за регионот и од интерес на ЕУ. Во таа насока активно се подготвува рамката за преговори за Македонија и Албанија, земајќи ја предвид новата методологија за проширување, во која според СР Германија, рамката за преговори не треба да се усложнува со билатерални прашања кои останува да се решаваат меѓу засегнатите земји одделно.

На крајот од овој дел на денешната 79-та седница, претседателот на Владата на Македонија Оливер Спасовски, во име на Владата се заблагодари за презентацијата и ѝ посака на СР Германија успешно претседавање со Советот на ЕУ, и изрази очекување дека ова ќе биде историско претседавање заради исклучителната важност на приоритетите, како и заради историската можност за Република Македонија да ги започне преговорите по поглавја за членство во ЕУ, стои во соопштението од Владата.

Расте притисокот во јавноста за корегирање на покачувањето на струјата

За првиот човек на регулаторната комисија Марко Бислимовски, паушлани се обвинувањата дека новата цена на струјата ќе предизвика инфлација или ценовен шок.

Тој во изјава за Канал 5, вели вели дека регулаторната со последната одлука за поскапување за 7,4% не им обезбедила екстра профит на електро-енергетските компании, туку напротив ги заштитила граѓаните од повисоки сметки.

Доколку се прифатеа нивните брања цената за електричната енергија требаше да порасне за 25 проценти, но заради земање на дополнително остварени приходи, а не оставени кај компаниите и заради не признавање на трошоци за нови вработувања и било какви други екстра трошоци дојдовме до оваа одлука до која што дојдовме.

Од регулаторна ја објавија структурата при определување на трошоци за електрична енергија за крајните потрошувачи на пазарот. Вкупните трошоци се пресметани на речиси 295 милиони евра. Најголеми ставки се за купување на електричната енергија од ЕСМ, околу 124 милиони евра, додека пак за дистрибуцијата на струјата признати се трошоци во висина од 105 милиони евра. За пренос, трошоците се одредени на 10 милиони евра, а 21 милион ќе одат кај повластените производители.. На компаниите одобрена им е маржа во висина од 30 милиони евра..

Експертот за енергетика, Константин Димитров смета дека регулаторната комисија нема доволно механизми за реално да ги заштити граѓаните.

-Нашата Регулаторна комисија има основна обврска за енергетика има основна обврска да биде баланс помеѓу оние што продаваат и оние што ја трошат. Јасно е дека се поорганизирани тие што ја продаваат, концентрирани се и стручни тимови. Од друга страна граѓанит се навистина не заштитени, смета проф. др. Константин Димитров.

Од регулаторната комисија како решение за анулирање на поскапувањето предложија намалување на ДДВ-то, но тоа наиде на жестока реакција од министерството за финансии..

Како што стојат работите во моментов, ниту Регулаторната ниту некоја од останатите инстуции има механизам или план да се аналира најавеното зголемување на струјата. Ова значи дека граѓаните со фактурите за септември веќе ќе добиваат подебели сметки за речиси 8 %.

Преговорите за новото владино мнозинство нема да одат лесно

Штури информации од партии за преговори за формирање ново парламентарно мнозинство. 

Претседателот на ВМРО ДПМНЕ, Мицкоски вели од денеска почнува со средби со потенцијалните коалициски партнери. Но, не открива повеќе информации со кога има договор за средба и што ќе биде ставено на маса.

По вчерашниот договор за соработка со ДПА на Мендух Тачи , социјалдемократите денеска не откриваат со кого продолжуваат средбите. Велат кога ќе има конкретен исчекор во разговорите ќе информираат за тоа.

Во СДСМ и ДУИ молк кога ќе има средба со лидерите, на кои им се даваат најголеми шанси да формираат влада. А Заев и Ахмети продолжија со размена на „отровни стрели“. Лидерот на СДСМ вчера на ДУИ им порача дека до премиерската функција не се доаѓа со 15 пратеници.

На ова Ахмети преку весникот „Коха “ одговори дека премиер не се станува ниту со 46 пратеници. Но, и дека ситуацијата наложува смиреност и приоритет на највисоките интереси на државата.

„Ние внимателно ги анализираме ситуациите, нема да брзаме. Секој чекор што ќе го преземеме ќе го направиме во интерес и во корист на државата, мирот и стабилноста и унапредувањето на поголемите процеси, како што се Охридскиот договор, вклучувајќи го и премиерот“, рече Ахмети за „Коха“.

Покана за разговори за владина коалиција очекуваат и во коалицијата Алијанса за Албанците и Алтернатива, но оттаму велат дека засега нема ништо конкретно договорено.

притисни ентер