Балкан

Во Белград претпладнево ќе се одржи воена парада

Во Белград денеска ќе се одржи воена парада - „Силата на единството“ по повод одбележување на Денот на српското единство, слобода и националното знаме.

Министерството за одбрана соопшти дека на парадата ќе бидат ангажирани околу 10.000 учесници, ќе бидат прикажани околу 2.500 оружја и воена опрема, повеќе од 600 возила, 70 авиони и 20 пловила.

Во ешалонот на воздухопловните единици ќе учествуваат сите видови авиони како што се МиГ-29, „Орел“, Ц-295 КАСА, Ми-35М и Х-145. Меѓу бројното оружје и воена опрема, ќе бидат прикажани противвоздушни ракетни системи „ФК-3“ и HQ-17, модерни радари ГМ400, оклопни борбени возила „Милош“, „МРАП“, „Лазар 3“, „Хамер“ и БОВ ОТ.

Посетителите ќе можат да видат модернизирани тенкови M-84 AS1/2/3, модернизирани пешадиски борбени возила M80 AB1/2, самоодни хаубици NORA од 155 мм, како и модернизирани противвоздушни системи PASARS, беспилотни летала, извидувачки и борбени беспилотни летала.

За првпат ќе бидат прикажани повеќецевниот ракетен фрлач со долг дострел PULS, набавен од Израел, беспилотни летала од таа земја, беспилотни летала и руски системи за антиелектронско војување и блокирање беспилотни летала „Красуха“ и „Репелент“.

На парадата ќе бидат ешалони од единици од сите родови и служби во српската армија, кадети од Воената академија, единици на возила и пловила од Речната флотила.

Најавено е присуството на претседателот на Србија, Александар Вучиќ кој попладнето во Палатата Србија ќе додели одликувања.Се очекува да присуствуваат и командантот на Националната гарда на Охајо, Метју Вудраф, како и високи функционери и претставници на министерствата за одбрана на Кина, Унгарија, Кипар, Франција и Азербејџан.

Вучиќ претходно изјави дека воената парада, што ќе започне во 11:00 часот пред Палатата Србија, не се организира поради дневно-политички потреби, туку за да се покаже сила како средство за одвраќање на секој потенцијален агресор, со цел да се зачува мирот.

Тагови: Белград воена парада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Не помина интерпелацијата за министерот Панче Тошковски

Со 77 гласа против, 58 за и 17 воздржани во Собранието не беше изгласана интерпелацијата за министерот за внатрешни работи, Панче Тошковски, поднесена од Левица.

На гласањето му претходеше жестока расправа во Собранието. Опозицијата обвинува за селективно постапување на полицијата, политички мотивирани акции, безбедносни пропусти...

Тошковски пак, во иницијативата гледа евтин политички обид да се закочи расчистувањето со криминалот и корупцијата..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

На Пелистер спасена мала срна која била нападната од куче (ВИДЕО)

Вработените во јавната установа Национален парк Пелистер спасија мала срна која била нападната од куче бездомник.

Од установата на Фејсбук објавија дека малата срна ја спасил раководителот на помошно-техничкото одделение и ренџер во установата.

По спасувањето, вработените презеле дополнителни активности за срната повторно да биде вратена во својата природна средина. Со помош на емитирање на звуци малата срна повторно беше споена со својата мајка“ посочуваат од Националнот парк Пелистер.

Тагови: НП Пелистер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.