Во Белград без инциденти, во Нови Сад - шок бомби и интервенција на полицијата - Канал 5

Македонија

Во Белград без инциденти, во Нови Сад - шок бомби и интервенција на полицијата

Интервенција на полицијата на комеморативната прошетка за одбележување 10 месеци од трагедијата на железничката станица.

Во Белград без инциденти, во Нови Сад - шок бомби и интервенција на полицијата

Без инциденти доцна синоќа во Белград заврши комеморативната прошетка на десетици илјади демонстранти кои одбележаа 10 месеци од загинувањето на 16 луѓе откако се урна реновираната бетонската настрешница на железничката станица во Нови Сад.

Демонстрантите се собраа на повик на средношколците во државата - повод за тој протест, што се одржа во градови во Србија, е десет месеци од падот на настрешницата на железничката станица, несреќа што доведе до масовни протести низ државата и блокади на високообразовни институции.

Средношколците носеа транспарент „Средношколците се сеќаваат“ и беше емитуван говор во кој тие потсетија на се што се случило во изминатите 10 месеци.

„Ќе продолжиме да стоиме исправено и доследно затоа што знаеме дека нашата борба е чиста и неопходна...ова е борба за нормален живот и иднината на сите нас...Полагаме бела роза, бидејќи образованието, културата и културно-историското наследство умираат, судството и правдата, слободните медиуми и вистината умираат. Полагаме бела роза, бидејќи луѓе се убиени“, беше наведено на протестот.

Обезбедувањето спречи инциденти бидејќи дел од колоната беше во близина на улицата и Пионирски парк во центарот на градот, каде што се наоѓаат шаторите на поддржувачите на властите. Во тој дел беа распоредени и припадници на жандармеријата.

Протести до доцна синоќа беа одржани и во Нови Сад, Алексинац,Вршац, Панчево, Суботица, Крагуевац, Ваљево, Чачак, Ниш...

Во Нови Сад доцна синоќа откако заврши протестот интервенираше полицијата.

Според нив - тие „реагирале навремено и професионално кон поголема група од околу 280 лица кои, по ненајавена прошетка низ улиците на Нови Сад, намерно се собрале пред главниот влез на Факултетот за спорт и физичко образование со намера насилно да влезат во просториите на факултетот“. Полицијата соопшти дека еден полицаец е повреден откако кон нив било фрлано со разни предмети и дека три лица се приведени.

Во видеа објавени на социјални мрежи, како и според извештаи на новинари и сведоците, како што јавија српски медиуми - се случило токму спротивното, полицијата фрлала шок бомби кон граѓаните, а потоа почнала да растерува луѓе низ околните улици.

Непосредно пред полноќ, имаше извештаи дека полицијата применува сила врз граѓани и студенти без очигледна причина, и дека универзитетскиот кампус бил опкружен од бројни припадници на полицијата и жандармеријата.

Илјадници жители на Нови Сад мирно им оддадоа синоќа почит на жртвите од трагедијата.

Сите факултети во Нови Сад го осудија однесувањето на полицијата и „неразумната и непотребна употреба на сила“ во објави на Х. Медицински факултет објави: „Ударите во глава со палки нема да не натераат да заборавиме колку ви се крвави рацете!“ Затоа Нови Сад ги боли, затоа нас не мразат“, напишаа студентите.

Студентите на Факултетот за електроника напишаа, заедно со видеа од полициско насилство, „Полицијата од ДИФ на Нови Сад буквално почна да ги брка луѓето низ градот. Без причина. Целта е страв и

Студентите на Техничкиот факултет во Нови Сад напишаа: „Вечерва, на 10 месеци од падот на настрешницата, откако граѓаните мирно оддадоа почит и се вратија во своите домови, жандармеријата без никаква причина ги нападна луѓето во близина на кампусот. Луѓето што шетаа по улиците беа нападнати со палки, многумина беа повредени и завршија во Ургентниот центар. Ова не е инцидент, ова е намерно измислено полициско насилство, оркестрирано токму на овој ден, како порака дека државата не простува сеќавање, достоинство или слобода“, беше објавено на Х. ништо друго“.

Протестите во август, кои избувнаа со обновена сила, резултираа со судири меѓу демонстрантите и полицијата, како и со апсење на демонстранти. Во мај оваа година, демонстрантите покренаа барање за предвремени парламентарни избори, но ултиматумот беше одбиен.

Уривањето на бетонската настрешница предизвика масовни протести низ цела Србија, по што следеа блокади на државните универзитети низ целата земја. Судската постапка се уште не е започната, а истрагата на обвинителството е запрена поради барањето на еден од осомничените, поранешниот министер за градежништво, транспорт и инфраструктура Горан Весиќ, за изземање на главните обвинители во обвинителствата во Нови Сад, како и државната обвинителка Загорка Доловац.

Обвинителството за организиран криминал на 1 август објави дека шест лица се уапсени во врска со истрагата за финансиските текови поврзани со проектот „Модернизација и реконструкција на унгарско-српската железница на релацијата Нови Сад-Суботица - државна граница (Келебија)“.

Меѓу уапсените се и Томислав Момировиќ, поранешен министер во Министерството за градежништво, транспорт и инфраструктура во периодот од октомври 2020 до октомври 2022 година, и Анита Димоски, поранешна вршител на должноста помошник-министер во тоа министерство и раководител на Секторот за железници и интермодален транспорт во периодот од ноември 2020 година.

Тагови: Нови Сад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Фото: Ревија на костими за капење на „Sports Illustrated Swimsuit“

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Фото: Секси русокосата не препушта ништо на случајноста

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу? 

Веќе 21 фудбалер се платени повеќе од 100 милиони евра за трансфер

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер