Во Белгија само 100 блогери со официјален сертификат за инфлуенсери - Канал 5

Живот

Во Белгија само 100 блогери со официјален сертификат за инфлуенсери

 Само 100 блогери во Белгија добиле т.н. „сертификат за инфлуенсери“ од почетокот на оваа иницијатива, чија цел е да ја подобри транспарентноста и професионалните стандарди во индустријата на дигиталното огласување. 

Во Белгија само 100 блогери со официјален сертификат за инфлуенсери

Според податоците на Бриселс тајмс (The Brussels Times) тие се мал дел, од вкупно околу 6.000 луѓе кои се занимаваат со оваа професија.

Од октомври минатата година белгиските инфлуенсери имаат можност да добијат сертификат со кој се потврдува дека ги почитуваат правилата за огласување и транспарентност на социјалните мрежи. Сертификатот е воведен од белгискиот Совет за огласување и Организација за маркетинг инфлуенсери (Influencer Marketing Alliance).

За да го добијат сертификатот, инфлуенсерите мора да поминат обука која опфаќа правила за огласување, стандарди за транспарентност, специфични правила за рекламирање на социјалните мрежи, како и прашања поврзани со општествената одговорност во дигиталниот свет. По завршувањето на обуката, кандидатите полагаат тест на кој треба да постигнат најмалку 70 проценти точни одговори, како и да се обврзат дека во пракса ќе ги почитуваат утврдените правила. Сертификатот важи една година и мора да се обновува годишно.

Белгиската организација за саморегулација на огласувањето, Жири д’етик публиситер (Jury d’Éthique Publicitaire), ги следи објавите и проверува дали инфлуенсерите се придржуваат до правилата. Во случај на нивно прекршување, инфлуенсерите можат да добијат насоки за исправка, но и привремено или трајно да го изгубат сертификатот. Иницијативата е поддржана од повеќе организации од секторот за огласување, како и од неколку големи брендови, кои најавија дека во иднина ќе соработуваат исклучиво со сертифицирани инфлуенсери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Уапсени 11 возачи за безобѕирно управување со возило, малолетник возел без дозвола

Лишени од слобода 11 возачи за безобѕирно управување со возило, осум возеле без возачка дозвола, од кои еден малолетник.

Уапсени 11 возачи за безобѕирно управување со возило, малолетник возел без дозвола

Во текот на изминатото деноноќие, на целата територија на државата, полициските службеници лишиле од слобода 11 возачи поради сторено кривично дело „безобѕирно управување со возило“. Од нив, осум возачи управувале возило без возачка дозвола, од кои еден бил малолетник. Додека, тројца возачи управувале возило под дејство на алкохол.

По целосно документирање на случаите, ќе бидат поднесени соодветни кривични пријави. Апелираме до сите учесници во сообраќајот доследно да ги почитуваат сообраќајните правила и прописи, да не управуваат возило без положен возачки испит, под дејство на алкохол или за време на изречена забрана за управување со возило. Со одговорно однесување сите заеднички придонесуваме за поголема безбедност во сообраќајот, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп му нареди на Пентагон да ги намали заедничките воени вежби со Јужна Кореја оти тој има добар однос со Ким

Американскиот претседател Доналд Трамп вчера нареди значително намалување на претстојните заеднички воени вежби со Јужна Кореја, повикувајќи се на својот „многу добар однос“ со севернокорејскиот лидер Ким Џонг Ун.

Трамп му нареди на Пентагон да ги намали заедничките воени вежби со Јужна Кореја оти тој има добар однос со Ким

Трамп исто така навести дека годишните вежби со јужнокорејските сили би можеле на крајот целосно да се укинат.

„Не сум задоволен од фактот што САД одамна се согласија да учествуваат во заеднички воени вежби со Јужна Кореја“, напиша Трамп на својата платформа трут соушал.

„Овие вежби не само што се скапи, при што голем дел од трошоците ги покриваат САД, туку испраќаат и сигнал што е целосно несоодветен и непријателски кон земја која, во текот на целиот мандат на Доналд Трамп како претседател, не претставуваше закана и се однесуваше со почит“, додаде тој.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Во тек се завршните активности на кружен тек на Северен Булевар

Се асфалтира на вкупна површина од 5300 метри квадратни!

Јанчев: Во тек се завршните активности на кружен тек на Северен Булевар

Продолжуваме со реализација на значајни инфраструктурни проекти кои носат подобра сообраќајна поврзаност, поголема безбедност и поквалитетна урбана средина.

Посебна благодарност до Лидл за донацијата и поддршката во реализацијата на овој проект. Со заеднички сили создаваме подобри услови за движење и секојдневно функционирање на граѓаните.

Продолжуваме со работа и инвестиции во инфраструктурата – за модерна, функционална и уредна општина!, објави на ФБ градоначалникот на Кавадарци, Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер