Ријана и Асап Роки излегоа од кино-салата придружени од дожд, па се случи сцена налик на нејзиниот познат хит „Under my umbrella“ („Под мојот чадор“). Канскиот фестивал донесе сцени како од филм.

Пејачката Ријана, која неодамна на Мет Галата во Њујорк откри дека е бремена по трет пат, носеше светлосина фустан со отвори кои го истакнаа нејзиниот труднички стомак, кој го покажуваше и за време на претходните бремености, со оригинални модни изданија.

Фризурата беше чист гламур, а сандалите беа одличен избор, иако ѝ беа за број помали — веројатно поради бременоста.

АСАП Роки, кој и на Мет Галата, а и во Кан, носеше чадор, се појави во елегантен костум и речиси постојано ја бакнуваше својата партнерка на црвениот тепих, ја прегрнуваше и ја галеше по стомакот.

Ријана зрачеше, и беше прекрасно повторно да се види во Кан, каде што последен пат се појави во 2010, 2017 и 2023 година. Но, во еден момент, блеснаа и забите на АСАП Роки, кој има „злато“ во устата — детаљ кој за момент го украде шоуто, совршено вклопен во ексцентричниот стил на овој рапер.

Да потсетиме, Ријана со партнерот Асап Роки има два сина — РЗА (2) и Рајот (1). Раперот изјави дека било крајно време Ријана да објави на Мет Галата дека очекуваат трето дете.

Пејачката во 2023 за „E! News“ изјави дека би сакала третото дете да биде девојче, иако нагласи дека шансите да добие уште еден син се 75 проценти. Сепак, сигурно е дека Рири би се израдувала и на трет син, доколку сценариото се одвие така.

Вредноста на синдикалната минимална кошничка, според објавените податоци, во мај изнесува 63.908 денари што е за 1.217 денари повеќе во однос на априлската синдикална кошничка која изнесуваше 62.691 денари. Со изнајмен стан од 60 квадрати синдикалната кошничка изнесува 79.283 денари.

Трошоците за храна и пијалоци во синдикалната кошничка во мај изнесуваат 22.434,00 денари и се за 954 денари зголемени во споредба со април.

- Евидентно е дека без мерки, цените неконтролирано се зголемуваат, а предизвикот со високите цени особено на основните прехранбени производи прави огромен притисок врз ниските плати на работниците во Македонија. Во услови на зголемени трошоци за живот, зголемената вредност на Синдикалната минимална кошница особено по завршувањето на мерките на Владата упатува на тоа дека е потребен раст на платите. Денеска е повеќе од јасно дека за растот на платите не говориме само ние од ССМ, туку се погласно зборуваат работниците и граѓаните кои на свој грб ја чуствуваат оваа неправда, велат од Сојузот на синдикати на Македонија.

Лавров потсети на цврстиот став на Русија за „праведно решавање на украинската криза создадена од Запад“, нагласувајќи дека тој став Путин вчера уште еднаш јасно го потврдил по телефонскиот разговор со Трамп.

Путин претходно изјави дека разговорот со Трамп траел повеќе од два часа и оти бил „содржаен и искрен“.

Тоа беше трет телефонски разговор меѓу лидерите на Русија и САД од почетокот на годината.

Путин додаде дека Трамп во разговорот истакнал дека Русија се стреми кон мирно решение во Украина.