Култура

Во Бабино одбележан Светскиот ден на книгата

Општина Демир Хисар, избран Град на културата во Република Македонија за 2018 година, продолжува со организација на културни настани.

Денес на иницијатива на најмалата библиотека во светот, библиотеката „Ал-Би“ која се наоѓа во селото Бабино, локалната самоуправа го одбележа Светскиот ден на книгата и авторските права, настан кој го поддржаа Министерството за култура и Управата за заштита на културно наследство во Република Македонија.

- Селото Бабино е со најмногу учители и учени луѓе. Село со најмногу книги зачувани во најубавиот македонски, европски и светски храм на книгата, библиотеката „Ал-Би“. Демир Хисар е македонски непресушен духовен изворник на писатели, поети, режисери, сликари, документаристи, раскажувачи, романсиери, критичари, фолклористи, есеисти, преведувачи,научни работници, хуманисти, библиографи, публицисти...или, цел еден изворник кој може да се каже со зборовите – воини на духот и перото, истакна градоначалникот на општина Демир Хисар, Марјанче Стојановски.

На свечениот настан, во дворот на библиотеката „Ал-Би“, сопственикот Стево Степановски, посочи дека за прв пат во едно село со 3 постојани жители се одбележува Светскиот ден на книгата и авторското право.

- Со неодминливиот факт дека во едно село со три жители се одбележува светскиот ден на книгата, ние денес влегуваме во колективната меморија на УНЕСКО. Среќен сум, рече Степановски што оваа година од Демир Хисар, Републиката очекува да ја физиономира културната слика за 2018 година.
По повод Светскиот ден на книгата и авторското право, на културниот настан во Бабино беше прочитано пригодно обраќање од министерот за култура Роберт Алаѓазовски, а претставници на Управата за заштита накултурното наследство во Република Македонија во библиотеката „Ал-Би“ донираа книги.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ракомет

Министерот Борко Ристовски упати честитки за РК Вардар за новата титула во Супер Купот

Министерот за спорт Борко Ристовски вечерва присуствуваше на 9. издание на Ракометниот Супер Куп на Македонија, што се одржа во Гевгелија, во организација на Ракометната федерација на Македонија.

Во натпреварот за првиот трофеј во новата ракометна сезона силите ги одмерија актуелниот шампион РК Вардар и финалистот во Купот на Македонија, РК Охрид.

РК Вардар ја потврди шампионската форма и со победата над РК Охрид во неизвесен дуел ја освои петтата титула во Супер Купот на Македонија. За вардарци ова е прв трофеј во новата сезона и продолжение на успешната традиција на клубот во ова натпреварување.

Двојниот европски првак воедно е и најуспешниот клуб во историјата на Супер Купот.

„Честитки за РК Вардар за заслужената победа и за освоениот петти трофеј во Супер Купот. Ова е одличен почеток на новата сезона и потврда за квалитетот и победничкиот карактер на тимот. На вардарци им посакувам успешна сезона како на домашната, така и на европската сцена во Лигата на шампионите. Честитки и за РК Охрид за прикажаната борбеност и одличниот натпревар. Верувам дека и оваа сезона ќе донесе квалитетен и конкурентен македонски ракомет“ - изјави министерот за спорт Борко Ристовски.

Министерството за спорт останува силен партнер и поддржувач на македонскиот ракомет и на сите спортски колективи кои придонесуваат за развојот и афирмацијата на македонскиот спорт.

Тагови: Борко Ристовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и топло

Времето денес ќе биде сончево и топло со мала до умерена локална облачност.

Попладне ќе биде нестабилно со пороен дожд, грмежи и засилен ветер. Наместа процесите ќе бидат поинтензивни во форма на невреме со силен ветер, пороен дожд, грмежи и појава на град. Ќе дува умерен, повремено засилен ветер од северен правец. Минималната температура ќе биде во интервал од 13 до 21, а максималната ќе достигне од 28 до 35 степени.

Во Скопје, сончево и топло со мала до умерена облачност. Во делови од котлината ќе има услови за краткотрајно невреме проследено со пороен дожд, силен ветер, грмежи и можна појава на град. Ќе дува слаб до умерен ветер од променлив правец. Минималната температура ќе се спушти до 20, а максималната ќе достигне до 35 степени.

Денес претпладне ќе биде сончево и топло, а во попладневните часови ќе има појава на нестабилност проследена со засилен ветер, пороен дожд и грмежи. Локално процесите ќе бидат во форма на невреме со силен ветер, пороен дожд и појава на град. До почетокот на следната седмица времето ќе биде сончево и топло со мала до умерена локална облачност. Во петок ќе дува засилен до силен ветер, претежно од северен правец.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски ќе присуствува на промоција на комунални возила

Денес претседателот на Владата на Република Македонија, Христијан Мицкоски, ќе присуствува на промоција на комунални возила, на паркингот пред спортскиот центар „Борис Трајковски“.

Предвидено е премиерот Мицкоски да даде изјава за медиуми.

Тагови: Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.